Zomato IPO: 14 જુલાઇએ 9,375 કરોડ રૂપિયાનો ઈશ્યુ આવશે, રોકાણ પહેલા જાણો કંપની વિશે વિગતવાર
IPO દ્વારા કંપની 9,375 કરોડ રૂપિયા એકત્રિત કરવાની છે. કંપનીને ગયા અઠવાડિયે જ સેબી પાસેથી આ મંજૂરી મળી હતી. રોકાણકારોની મજબૂત માંગને ધ્યાનમાં રાખીને કંપનીએ આ IPO વહેલી તકે રજૂ કરવાનો નિર્ણય કર્યો છે.
ફૂડ ડિલિવરી કંપની ઝોમાટો(Zomato) ઇનિશિયલ પબ્લિક ઓફરિંગ (IPO) લાવવાની યોજના ફાઇનલ થઇ ગઈ છે. IPOના માધ્યમથી કંપની રોકાણકારોને પૈસા કમાવવાની તક પણ આપવા જઈ રહી છે. ઝોમાટોનો ઈશ્યુ આગામી સપ્તાહમાં આવી રહ્યો છે. ઝોમેટો 14 જુલાઇએ તેના ઇશ્યૂને લાવશે અને કંપનીનો ઇશ્યૂ 16 જુલાઈએ બંધ થશે. જોકે કંપની અગાઉ જુલાઈ 19 ના રોજ આ IPO સબ્સ્ક્રિપશન માટે ખોલવાની હતી પરંતુ હવે તે 5 દિવસ પહેલા જ આ તેને લાવશે.
IPO દ્વારા કંપની 9,375 કરોડ રૂપિયા એકત્રિત કરવાની છે. કંપનીને ગયા અઠવાડિયે જ સેબી પાસેથી આ મંજૂરી મળી હતી. રોકાણકારોની મજબૂત માંગને ધ્યાનમાં રાખીને કંપનીએ આ IPO વહેલી તકે રજૂ કરવાનો નિર્ણય કર્યો છે.આ બાબતની જાણકારી ધરાવતા લોકોએ જણાવ્યું હતું કે કંપનીના ઇશ્યૂનું પ્રાઈસ બેન્ડ 70-72 રૂપિયા હોઈ શકે છે. આ પ્રાઈસ બેન્ડ મુજબ કંપની 9375 કરોડ રૂપિયા ઉભા કરી શકે છે.
ઝોમાટો IPO છેલ્લા 4 વર્ષમાં બીજો મોટી આઈપીઓ લાવનારી કંપની બનશે. અગાઉ SBI કાર્ડ્સ એન્ડ પેમેન્ટ સર્વિસીસે 10,335 કરોડ રૂપિયા એકત્ર કર્યા હતા.આ પહેલા ઓક્ટોબર 2017 માં આટલી મોટી રકમ ઇશ્યુ દ્વારા એકત્ર કરવામાં આવી હતી. જનરલ ઇન્સ્યુરન્સ કોર્પોરેશનએ IPO દ્વારા 11,176 કરોડ રૂપિયા ઉભા કર્યા હતા.ઝોમેટોના ઇશ્યૂ માટેનો પ્રાઈસ બેન્ડ 70-72 રૂપિયાની અપેક્ષા છે. આ મુજબ કંપનીનું વેલ્યુએશન 7.6 અબજ ડોલર એટલે કે 56,240 કરોડ રૂપિયા હશે. કંપનીનો સૌથી મોટો હિસ્સો ઈન્ફો એજ પાસે છે. તેનો હિસ્સો 18.5 ટકા છે. કંપનીએ આ હિસ્સો શેર દીઠ 1.16 રૂપિયા પર લીધો હતો.
ઝોમાટોના હિસ્સેદારોમાં ઉબેર (9.13%), એલિપાય સિંગાપોર (8.33%), એન્ટફિન સિંગાપોર (8.2%), ઇન્ટરનેટ ફંડ (6%), એસસીઆઈ ગ્રોથ ઇન્વેસ્ટમેન્ટ (6%) અને દીપિંદર ગોયલ પાસે 5.51 ટકા છે.એક ન્યુઝ રિપોર્ટ અનુસાર, ઝુમાટો શેર ગ્રે માર્કેટમાં શેર દીઠ રૂ. 78-80 પર ટ્રેડ કરી રહ્યા છે. 70-72 ના અંદાજિત પ્રાઇસ બેન્ડ કરતા 12 ટકા પ્રીમિયમ છે. કંપની દ્વારા ઉભા કરેલા છેલ્લા ભંડોળમાં તેણે શેર દીઠ રૂ 55-60 પર હિસ્સો વેચીને રૂ. 40,000 કરોડ એકત્ર કર્યા હતા.
કંપનીએ 4 જુલાઇએ એક્સચેંજને આપેલા નિવેદનમાં જણાવ્યું હતું કે કંપનીએ ઓફર ફોર સેલ માટેનું કદ ઘટાડ્યું છે.ઇન્ફોએજ OFS દ્વારા વેચાણ મારફતે 375 કરોડ એકત્ર કરવા માંગે છે. વેચાણની ઓફરને અડધાથી વધુ ઘટાડી દીધી છે. કંપની અગાઉ ઝોમાટોના ઇશ્યૂમાં 750 કરોડ રૂપિયાના વેચાણ માટેની ઓફર લાવવાની હતી.કંપનીએ 4 જુલાઈના રોજ એક્સચેંજને આપેલા નિવેદનમાં આ જાહેરાત કરી હતી. નિયમનકાર સેબીએ ઝોમાટોને ઇશ્યૂ માટે મંજૂરી આપી છે.
| IPO Open Date | Jul 14, 2021 |
| IPO Close Date | Jul 16, 2021 |
| Basis of Allotment Date | Jul 22, 2021 |
| Initiation of Refunds | Jul 23, 2021 |
| Credit of Shares to Demat Account | Jul 26, 2021 |
| IPO Listing Date | Jul 27, 2021 |
