રાજસ્થાનમાં સરકાર બદલવાની સાથે જ દેશના શહીદો હવે નથી રહ્યાં ‘વીર’

રાજસ્થાન સરકારની નજરમાં હવે સાવરકર ‘વીર’ રહ્યાં નથી કારણ કે સરકારે દાખલ કરેલાં નવા અભ્યાસક્રમમાં સાવરકરના ઈતિહાસને લઈને જૂના પાઠને હટાવી દીધો છે. જો કે ભાજપના વિરોધ બાદ આ પાઠ હટાવવાનો નિર્ણય પાછો લઈ લેવાયો છે.

આ નિર્ણય તો પાછો સરકારે લઈ લીધો પણ સાવરકરને લઈને અમુક એવી વાતો હવે ઉમેરવામાં આવી છે જેના લીધે કહીં શકાય કે સાવરકર ‘વીર’ રહ્યાં નથી. નવા પાઠ્યપુસ્તકોમાં સાવરકર વિશે એવું લખવામાં આવ્યું છે કે તેઓ સેલ્યુલર જેલમાં અંગ્રેજ સરકારની યાતનાઓ સહન કરી શક્યા નહોતા અને તેના લીધે અંગ્રેજ સરકાર પાસે માફી માગી હતી.

વધુમાં સાવરકરે માફી માગતી વખતે પોતાને પોર્ટુગીઝનો દીકરો ગણાવ્યો હતો. પાઠ્યપુસ્તકમાં ઉલ્લેખ કરવામાં આવ્યો છે કે 19 નવેમ્બર 1941ના રોજ સાવરકરે અંગ્રેજ સરકારની સામે દયાની અરજી કરી હતી. સ્કૂલના પાઠ્યપુસ્તકોમાં એ વાતનો ઉલ્લેખ કરાયો છે સાવરકરે આઝાદીની લડાઈમાં તો યોગદાન આપ્યું છે સાથે જ ક્યારેક એવી પરિસ્થતિ પણ આવી જ્યારે તેઓ અંગ્રેજ સરકારની સાથે સમાધાન કરવા પણ તૈયાર થઈ ગયા હતા.

રોચક VIDEO જોવા માટે TV9Gujartiના YOUTUBE પેજને SUBSCRIBE કરો

આમ આ નવા પાઠ્યપુસ્તકના અભ્યાસક્રમમાં સાવરકરના સારા-નરસા પાસાઓને એક સાથે જ પીરસી દેવાથી વિવાદ ઉભો થયો છે. વીર સાવરકર કહીને બોલાવવામાં આવે છે તે સાવરકર હવે રાજસ્થાન સરકારના પાઠ્યપુસ્તકોમાં અંગ્રેજ સરકારની માફી માગતા હોય તેવા ઈતિહાસ સાથે ભણાવવામાં આવશે અને આ બાબતને લઈને વિવાદ વકરી રહ્યો છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]