Ahmedabad રુટની આ ટ્રેન નોન ઇન્ટરલોકીંગ કારણોને લીધે રહેશે રદ, મુસાફરી કરતા પહેલા ચેક કરો ટાઈમ ટેબલ
Ahmedabad route cancelled : નાગપુર મંડળમાં નોન ઇન્ટરલોકીંગ કાર્યના કારણે અમદાવાદ મંડળથી પસાર થતી કેટલીક ટ્રેનો રદ રહેવાની છે. તમે પણ આ તારીખોની અંદર ક્યાંય મુસાફરી કરવાના હોય તો ટાઈમ ટેબલ જોઈને નીકળવું જોઈએ.
દક્ષિણ પૂર્વ મધ્ય રેલવેના નાગપુર મંડળમાં રાજનાંદગાંવ-કલમના સેક્શન વચ્ચે નોન ઇન્ટરલોકીંગ કાર્યના કારણે અમદાવાદમાંથી પસાર થતી કેટલીક ટ્રેનો રદ રહેવાની છે. જેની તારીખ અને લિસ્ટ નીચે મુજબ છે.
10 અને 11 ઓગસ્ટ 2024ના રોજ હાવડાથી ઉપડનારી ટ્રેન નંબર 12834 હાવડા-અમદાવાદ એક્સપ્રેસ તેમજ 13 અને 14 ઓગસ્ટ 2024ના રોજ અમદાવાદથી ઉપડનારી ટ્રેન નંબર 12833 અમદાવાદ-હાવડા એક્સપ્રેસ રદ રહેવાની છે.
16 ઓગસ્ટ 2024 ના રોજ ગાંધીધામથી ઉપડનારી ટ્રેન નંબર 12993 ગાંધીધામ-પુરી સાપ્તાહિક એક્સપ્રેસ અને 19 ઓગસ્ટ 2024ના રોજ પુરીથી ઉપડનારી ટ્રેન નંબર 12994 પુરી-ગાંધીધામ સાપ્તાહિક એક્સપ્રેસ કેન્સલ થયેલી છે.
10 અને 17 ઓગસ્ટ 2024ના રોજ ઓખાથી ઉપડનારી ટ્રેન નંબર 22939 ઓખા-બિલાસપુર સાપ્તાહિક એક્સપ્રેસ તેમજ 12 અને 19 ઓગસ્ટ 2024ના રોજ બિલાસપુરથી ઉપડનારી ટ્રેન નંબર 22940 બિલાસપુર-ઓખા એક્સપ્રેસ રદ થયેલી છે.
18 ઓગસ્ટ 2024ના રોજ ઓખાથી ઉપડનારી ટ્રેન નંબર 22905 ઓખા-શાલીમાર સાપ્તાહિક એક્સપ્રેસ અને 20 ઓગસ્ટ 2024 ના રોજ શાલીમારથી ઉપડનારી ટ્રેન નંબર 22906 શાલીમાર-ઓખા સાપ્તાહિક એક્સપ્રેસ કેન્સલ થયેલી છે.
14 ઓગસ્ટ 2024ના રોજ ગાંધીધામથી ઉપડનારી ટ્રેન નંબર 22973 ગાંધીધામ-પુરી સાપ્તાહિક એક્સપ્રેસ અને 17 ઓગસ્ટ 2024ના રોજ પુરીથી ઉપડનારી ટ્રેન નંબર 22974 પુરી-ગાંધીધામ સાપ્તાહિક એક્સપ્રેસ રદ રહેવાની છે.