શેરબજારમાં મુકેશ અંબાણીનો મોટો યુટર્ન, આવી રીતે એક અઠવાડીયામાં 296340000000 ની કરી કમાણી
મુકેશ અંબાણીએ છેલ્લા એક સપ્તાહમાં લોકોને 29,634.27 કરોડ રૂપિયાની કમાણી કરાવી છે. છેલ્લા એક સપ્તાહમાં રિલાયન્સ ઈન્ડસ્ટ્રીઝમાં એવું શું બદલાઈ ગયું છે કે લોકોના ખિસ્સામાં ઘણા પૈસા આવી ગયા છે.
દેશના સૌથી અમીર વ્યક્તિ મુકેશ અંબાણી સામાન્ય માણસને પણ અમીર બનાવવાનું કામ કરે છે. એટલા માટે છેલ્લા એક સપ્તાહમાં સામાન્ય લોકોએ તેમની કંપની રિલાયન્સ ઇન્ડસ્ટ્રીઝમાંથી 29,634 કરોડ રૂપિયાની કમાણી કરી છે. આટલું જ નહીં, તેમની કંપની પણ ટોચ પર રહી છે અને હજુ પણ દેશની સૌથી મૂલ્યવાન કંપની છે.
છેલ્લા સપ્તાહમાં શેરબજારમાં ઉતાર-ચઢાવ જોવા મળ્યા હતા. સમગ્ર સપ્તાહના કારોબાર દરમિયાન થોડો ઉપરનો ટ્રેન્ડ હતો. આ કારણે દેશની ટોચની 10 કંપનીઓમાંથી 9ની માર્કેટ મૂડીમાં નોંધપાત્ર વૃદ્ધિ જોવા મળી હતી. રિલાયન્સ ઇન્ડસ્ટ્રીઝ, ટાટા કન્સલ્ટન્સી સર્વિસિસ (TCS) અને હિન્દુસ્તાન યુનિલિવર લિમિટેડને સૌથી વધુ ફાયદો થયો છે.
દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝનું માર્કેટ કેપિટલાઇઝેશન છેલ્લા સપ્તાહમાં કુલ રૂપિયા 29,634.27 કરોડ વધીને રૂપિયા 20,29,710.68 કરોડ થયું છે. કંપનીના માર્કેટ કેપિટલાઇઝેશનમાં થયેલો વધારો વાસ્તવમાં કંપનીના શેરધારકોની સંપત્તિમાં થયેલા વધારા સમાન છે. આ રીતે રિલાયન્સના શેરધારકો માટે આ કમાણી છે. આ સાથે, રિલાયન્સ ઇન્ડસ્ટ્રીઝ હજુ પણ દેશની સૌથી મૂલ્યવાન કંપની છે. રિલાયન્સની માર્કેટ કેપિટલાઇઝેશનમાં વધારો તેના શેરના ભાવમાં થયેલા વધારાને કારણે થયો છે.
દેશની ટોચની 10 મૂલ્યવાન કંપનીઓમાંથી 9ની કુલ માર્કેટ મૂડીમાં ગયા સપ્તાહે રૂપિયા 95,522.81 કરોડનો વધારો થયો છે. રિલાયન્સ ઇન્ડસ્ટ્રીઝ બાદ સૌથી વધુ વૃદ્ધિ TCSમાં જોવા મળી હતી. કંપનીની માર્કેટ મૂડી રૂપિયા 17,167.83 કરોડ વધીને રૂપિયા 16,15,114.27 કરોડ અને હિન્દુસ્તાન યુનિલિવરની માર્કેટ મૂડી રૂપિયા 15,225.36 કરોડ વધીને રૂપિયા 6,61,151.49 કરોડ થઈ હતી.
આ ઉપરાંત, ભારતી એરટેલનું એમકેપ રૂપિયા 12,268.39 કરોડ વધીને રૂપિયા 8,57,392.26 કરોડ, ICICI બેન્કનું રૂપિયા 11,524.92 કરોડ વધીને રૂપિયા 8,47,640.11 કરોડ, સ્ટેટ બેન્ક ઓફ ઈન્ડિયા (SBI)નું રૂપિયા 2,849 વધીને રૂપિયા કરોડ લાઈફ ઈન્સ્યોરન્સ કોર્પોરેશન (LIC) નું રૂપિયા 1,992.37 કરોડ વધીને રૂપિયા. 6,71,050.63 કરોડ અને ઈન્ફોસીસનું રૂપિયા 1,245.64 કરોડ વધીને રૂપિયા 7,73,269.13 કરોડ થયું હતું.
દેશની ટોચની 10 કંપનીઓમાં માત્ર HDFC બેન્કની જ માર્કેટ મૂડીમાં ઘટાડો જોવા મળ્યો છે. તેનો એમકેપ રૂપિયા 4,835.34 કરોડ ઘટીને રૂપિયા 12,38,606.19 કરોડ થયો હતો. માર્કેટ કેપિટલાઇઝેશનની દ્રષ્ટિએ, આ સપ્તાહે પણ રિલાયન્સ ઇન્ડસ્ટ્રીઝ દેશની સૌથી મૂલ્યવાન કંપની રહી. તે પછી, TCS, HDFC બેંક, ભારતી એરટેલ, ICICI બેંક, ઇન્ફોસિસ, સ્ટેટ બેંક ઓફ ઇન્ડિયા, LIC, હિન્દુસ્તાન યુનિલિવર અને ITC અનુક્રમે ક્રમે છે.
Published On - 1:16 pm, Sun, 25 August 24