ભારતના આ ગામમાં એકપણ ઘરમાં નથી દરવાજો, છતાં નથી થતી ચોરી, બેંક કે દુકાનોને પણ નથી લગાવાતું તાળું
ભારત વિવિધતાનો દેશ છે, જ્યાં તમને વિવિધ સંસ્કૃતિઓ, ધર્મો, પરંપરાઓ અને માન્યતાઓ જોવા મળશે. ત્યારે ભારતમાં એક એવું ગામ છે, જ્યાં તમને કોઈ પણ ઘરને દરવાજો જોવા નહીં મળે. આ ગામ મહારાષ્ટ્રના અહમદનગર જિલ્લામાં આવેલું છે. આ ગામમાં તમને કોઈ ઘરને દરવાજો જોવા નહીં મળે.
ભારત વિવિધતાનો દેશ છે, જ્યાં તમને વિવિધ સંસ્કૃતિઓ, ધર્મો, પરંપરાઓ અને માન્યતાઓ જોવા મળશે. ત્યારે ભારતમાં એક એવું ગામ છે, જ્યાં તમને કોઈ પણ ઘરને દરવાજો જોવા નહીં મળે.
આ ગામ મહારાષ્ટ્રના અહમદનગર જિલ્લાનું શનિ શિગણાપુર છે. આ ગામમાં તમને કોઈ ઘરને દરવાજો જોવા નહીં મળે. મતલબ કે અહીં રહેતા લોકો ઘર ખુલ્લું રાખે છે, તેમ છતાં ક્યારેય ચોરીની ઘટના સામે આવી નથી.
શનિ શિગણાપુર ગામમાં ભગવાન શનિનું પ્રસિદ્ધ મંદિર છે, જ્યાં દરરોજ મોટી સંખ્યામાં ભક્તો દર્શનાર્થે આવે છે. લોકોમાં શ્રદ્ધા છે કે, શનિ દેવ તેમના ગામની રક્ષા કરે છે, તેથી લોકો ઘરને દરવાજો રાખતા નથી કે વાહનોને લોક પણ કરતા નથી.
આ ગામ બહુ ઓછી વસ્તી ધરાવતું ગામ છે. અહીં રહેતા લોકો પોતાના ઘરમાં કોઈ કબાટ કે સૂટકેસ પણ રાખતા નથી. લોકો સોનાના આભૂષણો જેવી કિંમતી વસ્તુઓને કપડામાં ઢાંકીને ડબામાં મુકી દે છે.
ખાસ વાત એ છે કે અહીં આવેલી બેંકોમાં પણ દરવાજા નથી, જે આ ગામને વધુ ખાસ બનાવે છે. આવી સ્થિતિમાં, તે એક એવું ગામ બની જાય છે જ્યાં દરવાજા વગરની બેંકો છે. સ્થાનિક માન્યતાઓ અનુસાર, લોકો મોટા મેળાઓ દરમિયાન પણ તેમના ઘર ખુલ્લા રાખે છે અને કોઈ ચોરી થતી નથી.