Ahmedabadથી જગન્નાથપુરી જવા માટે આ ટ્રેનમાં 40થી વધુ સ્ટેશનો પર સ્ટોપેજ લે છે, રથયાત્રાની મજા લૂંટી લો!
Rath Yatra 2024 : રથયાત્રા નજીક આવી રહી છે. ત્યારે જગન્નાથ પ્રભુના દર્શન કરવા એ બધાની ઈચ્છા હોય છે. તો આજે અમે તમને અમદાવાદથી જગન્નાથપુરી પહોંચવા માટે કંઈ ટ્રેનમાં જવું અને કેટલું ભાડું રહેશે તેના વિશે માહિતી આપશું.
અમદાવાદ અને પુરી વચ્ચે દોડતી સૌથી ઝડપી ટ્રેન 12844 ADI PURI SF EXP છે. પુરી પહોંચવામાં લગભગ 37 કલાક 5 મિનિટ લાગે છે.
આ ટ્રેન અમદાવાદ (ADI) થી 19:00:00 વાગ્યે ઉપડે છે અને 08:05:00 વાગ્યે પુરી (PURI) પહોંચે છે. ટ્રેન દ્વારા અમદાવાદથી પુરીનું અંતર 2132 કિલોમીટર છે.
અમદાવાદથી પુરી સુધી ચાલતી ટ્રેન અઠવાડિયે 4 દિવસ ચાલે છે. રવિવારે, સોમવારે, ગુરુવારે અને શનિવારે આ ટ્રેન ચાલે છે. આ અપડેટ ન્યૂઝ લખાય છે ત્યાં સુધીનું છે. ટિકિટ બુક કરાવતા પહેલાં ઓનલાઈન ચેકિંગ કરી લેવું. જેથી કરીને કોઈ પ્રોબ્લેમનો સામનો ન કરવો પડે.
આ ટ્રેનમાં અમદાવાદ, નડિયાદ, આણંદ, વડોદરા, ભરુચ, સુરત જેવા ગુજરાતના સ્ટેશનો આવે છે. આ ટ્રેનમાં 2A, 3A, SL જેવા કોચને જોડવામાં આવ્યા છે.
તેમાં આપણે ટિકિટની વાત કરીએ તો, તેની સ્લીપર કોચની ટિકિટ 810 રુપિયા છે. તેની 3A ની ટિકિટ 2120 રુપિયા છે તેમજ 2A ની ટિકિટ 3065 રુપિયા છે.