ભારતમાં અત્યાર સુધી કેટલી મહિલાઓને અપાઈ છે ફાંસી ? છેલ્લે ક્યારે કોઈ મહિલાને અપાઈ મૃત્યુદંડની સજા ?
ભારત સહિત કોઈપણ દેશમાં ગુનેગારને ફાંસી આપવી એ સૌથી મોટી સજા માનવામાં આવે છે. ફાંસી એટલે મૃત્યુદંડ. પણ શું તમે જાણો છો કે ભારતમાં અત્યાર સુધીમાં કેટલી મહિલાઓને મૃત્યુદંડની સજા ફટકારવામાં આવી છે ? આજે અમે તમને જણાવીશું કે કોર્ટે કયા ગુનાઓ માટે મહિલાઓને મૃત્યુદંડની સજા ફટકારી છે.
ભારતની કાયદાકીય વ્યવસ્થા હેઠળ, ફક્ત કોર્ટ જ ગુનેગારને સજા ફટકારી શકે છે. કોર્ટ સિવાય, અન્ય કોઈ વહીવટીતંત્ર કોઈ પણ વ્યક્તિને સજા કરી શકતું નથી.
ભારત સહિત કોઈપણ દેશમાં, ગુનેગારને ફાંસી આપવી એ સૌથી મોટી સજા માનવામાં આવે છે. ફાંસી એટલે મૃત્યુદંડ. પણ શું તમે જાણો છો કે ભારતમાં અત્યાર સુધીમાં કેટલી મહિલાઓને મૃત્યુદંડની સજા ફટકારવામાં આવી છે ?
તમને જણાવી દઈએ કે સ્વતંત્ર ભારતમાં રતનબાઈ નામની મહિલાને 1955માં ફાંસી આપવામાં આવી હતી. ત્રણ છોકરીઓની હત્યાના આરોપસર રતનબાઈને આ સજા આપવામાં આવી હતી.
રતનબાઈએ ત્રણેય છોકરીઓને તેના પતિ સાથેના ગેરકાયદેસર સંબંધોની શંકામાં મારી નાખી હતી. જે પછી કોર્ટના આદેશ પર, જાન્યુઆરી 1955માં તેને મૃત્યુદંડની સજા ફટકારવામાં આવી.
આ ઉપરાંત શબનમ બીજી મહિલા છે જેને 2008માં મૃત્યુદંડની સજા આપવામાં આવી હતી. શબનમને 2008માં તેના પરિવારના સાત સભ્યોની હત્યા કરવાના કેસમાં દોષી ઠેરવવામાં આવી હતી.
મળતી માહિતી મુજબ, શબનમે તેના પ્રેમી સાથે મળીને આ હત્યા કરી હતી. તે સમયે રાષ્ટ્રપતિએ પણ તેની દયા અરજી ફગાવી દીધી હતી.
તમને જણાવી દઈએ કે સ્વતંત્ર ભારતમાં અત્યાર સુધી ફક્ત બે મહિલાઓને મૃત્યુદંડની સજા ફટકારવામાં આવી છે. હવે કેરળના તિરુવનંતપુરમ જિલ્લાની એક કોર્ટે 24 વર્ષીય મહિલા ગ્રીષ્માને તેના પ્રેમી શેરોન રાજની હત્યાના ગુનામાં દોષી ઠેરવીને મૃત્યુદંડની સજા ફટકારી છે.