West Bengal Violence: બંગાળમાં નથી અટકી રહી હિંસા, TMC નેતાની હત્યા બાદ હવે ડ્રમમાંથી મળ્યા 65 દેશી બોમ્બ

પશ્ચિમ બંગાળમાં પંચાયત ચૂંટણી બાદ બોર્ડની રચના માટે પણ હિંસા (West Bengal Violence) ચાલુ છે. રવિવારે સવારે બસીરહાટમાં TMC નેતાની હત્યા બાદ હવે દક્ષિણ 24 પરગણા જિલ્લાના મથુરાપુર વિસ્તારમાં દેશી બોમ્બથી ભરેલો ડ્રમ મળી આવ્યો છે. દક્ષિણ 24 પરગણાના ધોલાહાટ પોલીસ સ્ટેશનના મથુરાપુર-1 બ્લોકના ભગવાનપુર-હલદરપાડા વિસ્તારમાંથી રવિવારે બોમ્બ મળી આવ્યા હતા. માહિતી અનુસાર આ ડ્રમમાં 65 દેશી બોમ્બ હતા. પોલીસે બોમ્બ કબજે કર્યા છે.

અલગ-અલગ વિસ્તારોમાં હિંસક ઘટનાઓ વધી

પોલીસ સૂત્રોના જણાવ્યા અનુસાર, ભગવાનપુર-હલદરપાડા વિસ્તારના રહેવાસીને રવિવારે બપોરે તેના ઘરની પાછળ બોમ્બ ભરેલો ડ્રમ મળ્યો હતો. સ્થાનિક લોકોએ ધોખાઘાટ પોલીસ સ્ટેશનમાં જાણ કરી હતી. માહિતી મળતા જ પોલીસ ઘટના સ્થળે પહોંચી હતી. બોમ્બ ક્યાંથી આવ્યા તે અંગે પોલીસ તપાસ કરી રહી છે. રાજ્યમાં પંચાયત બોર્ડની રચનાની પ્રક્રિયાને કારણે છેલ્લા ઘણા દિવસોથી અલગ-અલગ વિસ્તારોમાં હિંસક ઘટનાઓ વધી છે.

મુર્શિદાબાદમાં સૌથી વધુ હિંસાની ઘટનાઓ બની હતી

થોડા દિવસો પહેલા, સ્થાનિક લોકોના એક જૂથે રાત્રે બદમાશોને ડ્રમમાં બોમ્બ લઈ જતા રંગે હાથે ઝડપ્યા હતા. ત્યારબાદ રવિવારે ભગવાનપુરમાંથી ફરી એક ડ્રમ મળ્યો હતો. આ ઉપરાંત મુર્શિદાબાદના રઘુનાથગંજ પોલીસ સ્ટેશનના રાજનગર વિસ્તારમાં એક ઘરમાંથી શનિવાર રાતથી રવિવાર સવાર સુધી ત્રણ બોમ્બ મળી આવ્યા હતા. પંચાયત ચૂંટણી દરમિયાન મુર્શિદાબાદમાં સૌથી વધુ હિંસાની ઘટનાઓ બની હતી અને લોકોના મોત થયા હતા.

આ પણ વાંચો : હવે મથુરાની શાહી મસ્જિદનો વારો ! જ્ઞાનવાપીની જેમ જ સર્વે કરાવવા સુપ્રીમ કોર્ટમાં અરજી દાખલ

બીજેપી મંડળ અધ્યક્ષના ઘરની સામે 2 બોમ્બ મળ્યા

ગયા બુધવારે પણ ભગવાનપુર વિસ્તારમાંથી બોમ્બની દાણચોરી દરમિયાન 4 ડ્રમમાં બોમ્બ મળી આવ્યા હતા. આ વખતે ઢોલાહાટમાં બોમ્બ મળ્યા છે અને પંચાયત બોર્ડની રચનાને લઈને છૂટાછવાયા હિંસાની ઘટનાઓ સતત ઘટી રહી છે. આ પહેલા પંચાયત બોર્ડની રચનાના સંબંધમાં કૂચબિહારમાં બીજેપી મંડળ અધ્યક્ષના ઘરની સામે 2 બોમ્બ મળ્યા હતા.

દેશના તમામ સમાચાર વાંચવા માટે અહીં ક્લિક કરો