‘CBI આપનું સ્વાગત છે’, સિસોદિયાએ કહ્યું- દરોડામાં કંઈ મળ્યું નથી, લોકરમાં પણ ખાલી હાથે જ જશે
મનીષ સિસોદિયા(manish Sisodia) કહ્યું કે 2024ની લોકસભા ચૂંટણી પહેલા પીએમ મોદી(PM Modi)ના વિકલ્પ તરીકે ઉભરેલા મુખ્યમંત્રી અરવિંદ કેજરીવાલની પ્રગતિને રોકવા માટે તેમને ખોટા કેસમાં આરોપી બનાવવામાં આવ્યા છે.
દિલ્હી((Delhi)ના નાયબ મુખ્ય પ્રધાન મનીષ સિસોદિયા(manish Sisodia)એ દાવો કર્યો હતો કે સેન્ટ્રલ બ્યુરો ઑફ ઇન્વેસ્ટિગેશન (CBI)ના અધિકારીઓ મંગળવારે તેમના બેંક લોકરની મુલાકાત લેશે. જો કે, મનીષ સિસોદિયાએ એમ પણ કહ્યું કે તેમને કંઈ મળશે નહીં. આમ આદમી પાર્ટી (AAP)ના નેતા મનીષ સિસોદિયા દિલ્હી એક્સાઇઝ પોલિસીમાં કથિત અનિયમિતતાના સંબંધમાં નોંધાયેલી CBI FIRમાં નામ આપવામાં આવેલા 15 લોકો અને સંસ્થાઓમાં સામેલ છે.
19 ઓગસ્ટે સીબીઆઈએ આ કેસમાં મનીષ સિસોદિયાના ઘર સહિત 31 સ્થળો પર દરોડા પાડ્યા હતા. મનીષ સિસોદિયાએ સોમવારે ટ્વીટ કર્યું, ‘કાલે CBI અમારું બેંક લોકર જોવા આવશે. 19મી ઓગસ્ટે મારા ઘરે 14 કલાકના દરોડા દરમિયાન કંઈ મળ્યું ન હતું. લોકરમાં પણ કંઈ મળશે નહીં. સીબીઆઈ આપનું સ્વાગત છે. તપાસમાં મને અને મારા પરિવારનો સંપૂર્ણ સહયોગ રહેશે.
Delhi Deputy CM Manish Sisodia says, “tomorrow, CBI is coming to see our bank locker. Nothing was found in the 14-hour raid at my house on 19th August. Nothing will be found in the locker either. Welcome CBI. My family & I will fully cooperate in the investigation.” pic.twitter.com/rmm98lRMHY
— ANI (@ANI) August 29, 2022
કેજરીવાલ પીએમ મોદીનો વિકલ્પ હશે
મનીષ સિસોદિયાનું કહેવું છે કે 2024ની લોકસભા ચૂંટણી પહેલા વડાપ્રધાન નરેન્દ્ર મોદીના વિકલ્પ તરીકે ઉભરી રહેલા મુખ્યમંત્રી અરવિંદ કેજરીવાલને રોકવા માટે તેમના પર ખોટા કેસમાં આરોપ મૂકવામાં આવ્યો છે.
કૌભાંડના આરોપમાં દિલ્હી એલ.જી
વાસ્તવમાં, આમ આદમી પાર્ટી દિલ્હી એક્સાઇઝ પોલિસીના મામલે મનીષ સિસોદિયાના ઘર પર દરોડા પડ્યા બાદથી ભાજપ પર પ્રહારો કરી રહી છે. તે જ સમયે, પલટવાર કરતા AAPએ દિલ્હીના એલજી પર 1400 કરોડના કૌભાંડનો આરોપ લગાવ્યો છે. સોમવારે દિલ્હી વિધાનસભાના વિશેષ સત્રમાં વિશ્વાસ મત રજૂ કરતી વખતે AAP ધારાસભ્ય દુર્ગેશ પાઠકે આ આરોપ લગાવ્યો હતો.
સરકારને તોડી પાડવાનો પ્રયાસ કરવાનો આરોપ
તે જ સમયે, અરવિંદ કેજરીવાલે અગાઉ ભાજપ પર દિલ્હી સરકારને તોડી પાડવાનો પ્રયાસ કરવાનો આરોપ લગાવ્યો હતો. બીજી તરફ ભાજપ પણ AAP પર સતત પ્રહારો કરી રહી છે અને મનીષ સિસોદિયાને હટાવવાની માંગ કરી રહી છે. સીએમ કેજરીવાલે ભાજપ અને કેન્દ્ર સરકાર પર નિશાન સાધતા કહ્યું કે, વિશ્વાસ પ્રસ્તાવ દ્વારા અમે બતાવવા માંગીએ છીએ કે AAPના દરેક ધારાસભ્ય અને કાર્યકર્તા કટ્ટર ઈમાનદાર છે.
તેમણે કહ્યું કે ઓપરેશન લોટસ મધ્યપ્રદેશ, ગોવા, મહારાષ્ટ્ર, કર્ણાટકમાં સફળ રહ્યું, પરંતુ દિલ્હી આવ્યા પછી તેઓ થાકી ગયા. મુખ્યમંત્રીએ કહ્યું કે ધારાસભ્યોને AAP છોડીને ભાજપમાં જોડાવા માટે પ્રત્યેકને 20 કરોડ રૂપિયાની ઓફર કરવામાં આવી હતી, પરંતુ ઓપરેશન લોટસ નિષ્ફળ ગયું.
