UP Election 2022: માયાવતીની જાહેરાત- BSP તમામ 403 સીટો પર ચૂંટણી લડશે, ભાજપ અને કોંગ્રેસ પર કર્યા પ્રહાર
માયાવતીએ કોઈપણ અન્ય પક્ષ સાથે જોડાણને નકારી કાઢ્યું અને કહ્યું કે 2007 ની જેમ જો આ વખતે પણ સત્તા મળશે, તો તે તમામ વર્ગોનું ધ્યાન રાખશે.
BSP સુપ્રીમો માયાવતીએ (Mayawati) મંગળવારે જાહેરાત કરી હતી કે પાર્ટી યુપી વિધાનસભા ચૂંટણી 2022ની (UP Assembly Election 2022) તમામ 403 બેઠકો પર લડવા જઈ રહી છે. તેમણે કોઈપણ અન્ય પક્ષ સાથે જોડાણને નકારી કાઢ્યું અને કહ્યું કે 2007 ની જેમ જો આ વખતે પણ સત્તા મળશે, તો તે તમામ વર્ગોનું ધ્યાન રાખશે. માયાવતીએ આજે લખનૌમાં પછાત વર્ગ, મુસ્લિમ સમાજ અને જાટ સમુદાયના પક્ષના નેતાઓની એક મોટી બેઠક બોલાવી છે.
આ બેઠકમાં તેમણે નેતાઓને પોતપોતાના સમાજ માટે અનામત બેઠકો પર પક્ષનો આધાર મજબૂત કરવાની જવાબદારી સોંપી હતી. આ પ્રસંગે આયોજિત પ્રેસ કોન્ફરન્સમાં, બસપા સુપ્રીમોએ ફરી એકવાર યુપીની તમામ 403 બેઠકો પર એકલા ચૂંટણી લડવાની જાહેરાત કરી અને વિશ્વાસ વ્યક્ત કર્યો કે રાજ્યમાં 2007ની જેમ ફરી એકવાર બસપાની સરકાર બનશે.
માયાવતીએ આ દરમિયાન રાજ્ય અને કેન્દ્ર સરકાર પર પણ નિશાન સાધ્યું હતું. તેમણે કહ્યું કે દલિતો, આદિવાસીઓ અને પછાત લોકો માટે અનામત બાબાસાહેબની ભેટ છે, પરંતુ યુપીમાં અનામતને બિનઅસરકારક બનાવવાના પ્રયાસો થઈ રહ્યા છે.
જાટ, મુસ્લિમ અને પછાત સમુદાયના લોકો BSPમાં જોડાયા માયાવતીએ કહ્યું કે અગાઉ તેમણે પછાત વર્ગ, મુસ્લિમ સમાજ અને જાટ સમુદાયના પક્ષના કાર્યકર્તાઓને તેમના સમાજના લોકોને સામાન્ય બેઠકો પર પાર્ટી સાથે જોડવાની જવાબદારી સોંપી હતી, જેની તેમણે ગયા મહિને સમીક્ષા કરી છે. તેમણે કહ્યું કે આ વર્ગોના મોટી સંખ્યામાં લોકો બસપા (BSP) સાથે જોડાયેલા છે. તેમણે કહ્યું કે જો દેશના દલિતો, સૌથી પછાત અને આદિવાસીઓને અનામતનો અધિકાર મળ્યો છે તો તે બાબાસાહેબ ભીમરાવ આંબેડકરનું યોગદાન છે. તેમણે આ જોગવાઈ બંધારણની કલમ 340 હેઠળ કરી છે.
ભાજપ અને કોંગ્રેસ પર હુમલો કોંગ્રેસ અને ભાજપ પર પ્રહાર કરતા માયાવતીએ કહ્યું કે એ દુઃખની વાત છે કે કેન્દ્રમાં સૌથી લાંબો સમય સત્તાધારી કોંગ્રેસે મંડલ કમિશનની ભલામણોને કોલ્ડ સ્ટોરેજમાં રાખી હતી, જે બાદમાં વીપી સિંહ સરકારના અથાક પ્રયાસોથી બસપા દ્વારા લાગુ કરવામાં આવી હતી.
તેમણે આરોપ લગાવ્યો કે વર્તમાન સરકારો નવા નિયમો અને કાયદાઓ અને કોર્ટ-કચેરી દ્વારા અનામતને બિનઅસરકારક બનાવવાનો પ્રયાસ કરી રહી છે. આ સાથે દલિતો અને આદિવાસીઓ પરના અત્યાચારનો અંત આવ્યો નથી. બીએસપી ઓબીસી સમાજની જાતિ ગણતરીની માગ સાથે સંપૂર્ણ રીતે સંમત છે જેને કેન્દ્ર સરકાર અવગણી રહી છે.
આ પણ વાંચો : Strategic Oil Reserve શું છે ? જેની મદદથી સરકાર પેટ્રોલ અને ડીઝલને સસ્તું કરવાનો કરી રહી છે પ્રયાસ
