પાકિસ્તાનમાં બ્રહ્મોસ મિસાઈલ પડવાના મામલે ત્રણ અધિકારીઓને તાત્કાલિક અસરથી બરતરફ કરવામાં આવ્યા

ભારતની બ્રહ્મોસ મિસાઇલ આકસ્મિક રીતે ભારતના પાડોશી દેશ પાકિસ્તાનમાં (Pakistan) 9 માર્ચ, 2022 ના રોજ છોડવામાં આવી હતી. ભારતીય વાયુસેનાએ (Indian Air Force) આ ઘટના માટે ત્રણ અધિકારીઓને જવાબદાર ઠેરવ્યા છે. ત્રણેય અધિકારીઓ પર કાર્યવાહી કરીને કેન્દ્ર સરકારે તેમની સેવાઓ તાત્કાલિક અસરથી સમાપ્ત કરી દીધી છે અને તેમને બરતરફ કરવામાં આવ્યા છે. ભારતીય વાયુસેના (IAF)ના એક અધિકારીએ જણાવ્યું છે કે જે અધિકારીઓને સેવામાંથી બરતરફ કરવામાં આવ્યા છે તેમાં એક ગ્રુપ કેપ્ટન, એક વિંગ કમાન્ડર અને એક સ્ક્વોડ્રન લીડરનો સમાવેશ થાય છે. આ ઘટનામાં કોઈ જાનમાલનું નુકસાન થયું નથી.

તમને જણાવી દઈએ કે આ ઘટના બાદ પાકિસ્તાનમાં ખળભળાટ મચી ગયો હતો. આ અકસ્માતનો મામલો રક્ષા મંત્રી રાજનાથ સિંહે રાજ્યસભામાં ઉઠાવ્યો હતો. આ દરમિયાન તેમણે કહ્યું હતું કે 9 માર્ચે ભૂલથી મિસાઈલ છોડવામાં આવી હતી. આ ઘટના નિયમિત તપાસ દરમિયાન બની હતી. અમને પાછળથી ખબર પડી કે તે પાકિસ્તાનમાં પડી હતી. સરકારે આ ઘટનાને ગંભીરતાથી લીધી હતી અને બાદમાં ઉચ્ચ સ્તરીય તપાસના આદેશ આપ્યા હતા.

Web Stories View more

PAK ક્રિકેટરની સુંદર પત્નીનું ભારત કનેક્શન, જુઓ તસવીર

WhatsApp Tips : WhatsApp પર ડિલિટ કરેલા મેસેજ આ રીતે જુઓ, અલગ એપની જરુર નથી

પાંડવો-કૌરવોની મહાભારતનું કારણ હતા આ 5 ગામ, જે આજે બની ગયા છે નામી શહેર

ગોરસ આંબલી ખાવાથી થાય છે અઢળક ફાયદા, જાણો

TEA : ઉનાળાની ગરમીમાં કેટલી વાર પીવી જોઈએ ચા?

રોહિત શર્માએ તેના જન્મદિવસે ફટકારી 'હેટ્રિક', બનાવ્યો અનિચ્છનીય રેકોર્ડ

Three officers have primarily been held responsible for the BrahMos missile misfiring incident on 9th March 2022. Their services have been terminated by Central Govt with immediate effect. Termination orders have been served upon the officers today, 23rd August: Indian Air Force pic.twitter.com/y3eIQglOZz

— ANI (@ANI) August 23, 2022

રાજનાથના નિવેદન પર પાકિસ્તાનના વિદેશ મંત્રીએ જવાબ આપ્યો

રાજનાથ સિંહના નિવેદન પર પાકિસ્તાનના તત્કાલીન વિદેશ મંત્રી શાહ મહેમૂદ કુરેશીએ સંસદમાં આપેલા તેમના જવાબને અધૂરો અને અપૂરતો ગણાવ્યો હતો. તેમણે કહ્યું કે, ભારતના સંરક્ષણ પ્રધાને લોકસભામાં જે કહ્યું તે અધૂરું અને અપૂરતું છે. પાકિસ્તાનને સંતુષ્ટ કરવા માટે આ પૂરતું નથી. હું તેનો અસ્વીકાર કરું છું અને સંયુક્ત તપાસની માગ કરું છું. તેમણે કહ્યું કે આ ખૂબ જ બેજવાબદારીભર્યું કૃત્ય છે અને જે જવાબ આપવામાં આવ્યો છે તે પણ એટલો જ બેજવાબદાર છે.

અકસ્માત બાદ ભારતે તપાસ શરૂ કરી હતી

આ ઘટના બાદ એરફોર્સ હેડક્વાર્ટર દ્વારા આ ઘટના ફરી ન બને તે માટે કડક પગલાં લેવાની વાત કરી હતી. મુખ્યાલયે કહ્યું કે આવી ઘટનાઓ ફરીથી ન થવી જોઈએ અને ફરજની લાઇનમાં તમામ કર્મચારીઓ દ્વારા તમામ પ્રમાણભૂત ઓપરેટિંગ પ્રક્રિયાઓનું પાલન કરવું જોઈએ. પાકિસ્તાન સરકારે આ ઘટના સામે સખત વાંધો ઉઠાવ્યો હતો, પરંતુ તે પહેલા જ ભારત દ્વારા તપાસ શરૂ કરવામાં આવી હતી.