EPFO: દેશના લાખો કર્મચારીઓનું માસિક પેન્શન વધી શકે છે, સરકાર ટૂંક સમયમાં પ્રોવિડન્ટ ફંડના નવા નિયમ પર લેશે નિર્ણય
EPS એટલે કર્મચારી પેન્શન યોજના. આ સ્કીમ પણ EPFO દ્વારા જ ચાલે છે. દર મહિને EPFOમાં જમા થતા પૈસાનો અમુક ભાગ EPSમાં જાય છે. બાદમાં તે જ પૈસા પેન્શનના રૂપમાં મળે છે. લઘુત્તમ પેન્શનની રકમ ઘણી ઓછી છે, જેમાં વધારો થવાની અપેક્ષા છે.
કર્મચારી પ્રોવિડન્ટ ફંડ ઓર્ગેનાઈઝેશન (EPFO) નવી પેન્શન સ્કીમની યોજના બનાવી રહ્યું છે. જો આ યોજના લાગુ કરવામાં આવે તો લોકોને પહેલા કરતા વધુ પેન્શન મળી શકે છે. લાંબા સમયથી પેન્શન યોજના હેઠળ લઘુત્તમ પેન્શનની રકમ વધારવાની માંગ કરવામાં આવી રહી છે, પરંતુ હજુ સુધી કોઈ નિર્ણય લેવામાં આવ્યો નથી. લઘુત્તમ પેન્શનનો (Minimum Pension) મામલો પણ દેશની સર્વોચ્ચ અદાલતમાં પેન્ડિંગ છે. કેટલાક મીડિયા રિપોર્ટ્સમાં કહેવામાં આવ્યું છે કે સરકાર નવી ફિક્સ્ડ પેન્શન સ્કીમ (Fixed Pension Scheme) પર કામ કરી રહી છે. આ યોજનાઓમાં નિશ્ચિત પેન્શન ખાતામાં કેટલા પૈસા જમા થઈ રહ્યા છે તેના પર નિર્ભર રહેશે.
જો નવી પેન્શન યોજના લાગુ કરવામાં આવે છે, તો કર્મચારીને જરૂરી પેન્શન મુજબ તે જ મહિનામાં PF ખાતામાં પૈસા જમા કરાવવાના રહેશે. જો PF મેમ્બર આ નવી સ્કીમ ઈચ્છે છે, તો ફિક્સ પેન્શનની રકમ પણ પસંદ કરી શકાય છે. દેશના કરોડો પગારદાર કર્મચારીઓ ઉપરાંત સ્વ-રોજગાર ધરાવતા લોકો પણ આ સુવિધાનો લાભ લઈ શકશે. કર્મચારી અથવા સ્વ-રોજગાર ધરાવતા લોકો દ્વારા પેન્શનમાં જમા કરવાની રકમ તેઓ કેટલી કમાણી કરે છે અને કેટલા વર્ષો સુધી નોકરી કરે છે તેના પર નિર્ભર રહેશે.
ન્યૂનતમ પેન્શન ખૂબ ઓછું
હાલમાં EPS અથવા કર્મચારી પેન્શન યોજનાના નાણાં પર કોઈ ટેક્સ નથી. EPS રકમ સંપૂર્ણપણે કરમુક્ત છે. તેનાથી લોકોને પેન્શન પર ટેક્સ બચાવવામાં મદદ મળે છે પરંતુ તેના હેઠળ લઘુત્તમ પેન્શન ખૂબ જ ઓછું છે અને તેના સભ્યો તેને વધારવાની વારંવાર માંગ કરી રહ્યા છે. હાલમાં EPSમાં મહત્તમ માસિક જમા મર્યાદા 1250 રૂપિયા છે. આ પૈસા કર્મચારીનાPFમાંથી કાપવામાં આવે છે અને EPSમાં જમા થાય છે. હવે EPFO કામ કરતા લોકોને વધારાનું પેન્શન આપવાની તૈયારી કરી રહ્યું છે. જેના માટે કર્મચારીઓ ફિક્સ ડિપોઝિટની રકમ વધારી શકે છે. તેનો લાભ વધુ પેન્શન મેળવવામાં મળશે.
EPSના નિયમ
વર્તમાન નિયમ કહે છે કે જે કર્મચારી EPFમાં જોડાય છે. તે આપોઆપ EPS સાથે જોડાઈ જાય છે. આ માટે અલગથી કંઈ કરવાની જરૂર નથી. નિયમ એવો છે કે કંપની પોતાના કર્મચારીનો બેઝિક પગાર કાપીને PFમાં જમા કરે છે. આટલી જ રકમ કંપની દ્વારા કર્મચારીના PF ખાતામાં જમા કરવામાં આવે છે. કંપની દ્વારા જમા કરવામાં આવેલી રકમના 8.33 ટકા કર્મચારીના EPSમાં જાય છે. એટલે કે દર મહિને કર્મચારીના ખાતામાં 8.33 ટકા પૈસા જમા થાય છે. પેન્શન માટે લાયક મહત્તમ પગાર રૂપિયા 15,000 હોવો જોઈએ અને તે મુજબ EPS ફંડમાં દર મહિને વધુમાં વધુ રૂપિયા 1,250 કાપી શકાય છે.
હાલમાં માત્ર નોકરિયાત લોકોને જ પેન્શન મળી શકે છે. જો નવી પેન્શન યોજના લાગુ થશે, તો સ્વરોજગાર કરનારા લોકો પણ પેન્શન મેળવવા માટે હકદાર બનશે. આ કિસ્સામાં પેન્શનની રકમ દર મહિને જમા કરવામાં આવતી રકમ પર નિર્ભર રહેશે. તેથી કર્મચારી અથવા સ્વ-રોજગાર વ્યક્તિ પેન્શન ફંડમાં તેટલી રકમ જમા કરશે જેટલી તેને પેન્શન મેળવવાની જરૂર પડશે.
આ પણ વાંચો: EPFO : કર્મચારીઓ માટે અગત્યના સમાચાર, 1 એપ્રિલથી આ PF એકાઉન્ટ્સ પર લાગશે ટેક્સ, જાણો તમારા પર શું થશે અસર
આ પણ વાંચો: EPFO : હવે PF ખાતામાંથી બીજી વખત પણ ઉપાડી શકો છો Covid Advance, જાણો કઈ રીતે
