EPFO : કર્મચારીઓ માટે અગત્યના સમાચાર, 1 એપ્રિલથી આ PF એકાઉન્ટ્સ પર લાગશે ટેક્સ, જાણો તમારા પર શું થશે અસર
ગયા વર્ષે સપ્ટેમ્બરમાં સરકારે નવા આવકવેરા નિયમોની સૂચના આપી હતી. જે હેઠળ પીએફ ખાતાને બે ભાગમાં વહેંચવામાં આવશે.
જો તમે કર્મચારી છો તો તમારું એમ્પ્લોઈઝ પ્રોવિડન્ટ ફંડ ઓર્ગેનાઈઝેશન અથવા ઈપીએફઓ (Employees’ Provident Fund Organization – EPFO ) માં પણ એક ખાતું હશે જેમાં તમારા પગારનો એક ભાગ જમા થાય છે. હવે PF નિયમોમાં કેટલાક નવા ફેરફાર આવી રહ્યા છે. 1 એપ્રિલ 2022 થી હાલના PF ખાતાઓને બે ભાગમાં વિભાજિત કરવામાં આવે તેવી શક્યતા છે.
1 એપ્રિલથી આ PF ખાતાઓ પર ટેક્સ લાગશે
ગયા વર્ષે સપ્ટેમ્બરમાં સરકારે નવા આવકવેરા નિયમોની સૂચના આપી હતી. જે હેઠળ પીએફ ખાતાને બે ભાગમાં વહેંચવામાં આવશે. આ નિયમ કેન્દ્ર સરકારને રૂ. વાર્ષિક 2.5 લાખથી વધુના કર્મચારી યોગદાનના કિસ્સામાં PF ઇન્કમ પર ટેક્સ વસૂલવાની મંજૂરી આપશે. નવા નિયમોનો હેતુ ઉચ્ચ આવક ધરાવતા લોકોને સરકારી કલ્યાણ યોજનાઓનો લાભ લેતા અટકાવવાનો છે.
1 એપ્રિલથી લાગુ થનારા નવા PF નિયમોની અગત્યની માહિતી
- હાલના તમામ પીએફ ખાતાઓને કરપાત્ર અને બિન-કરપાત્ર યોગદાન ખાતામાં વિભાજિત કરવામાં આવશે.
- સેન્ટ્રલ બોર્ડ ઓફ ડાયરેક્ટ ટેક્સિસ એટલે કે CBDT મુજબ નોન-ટેક્સેબલ એકાઉન્ટ્સમાં તેમના ક્લોઝિંગ એકાઉન્ટનો પણ સમાવેશ થશે કારણ કે તે 31 માર્ચ 2021ની તારીખ છે.
- સત્તાવાર સૂત્રોના જણાવ્યા અનુસાર નવા PF નિયમો આગામી નાણાકીય વર્ષ એટલે કે 1 એપ્રિલ 2022થી અમલમાં આવી શકે છે.
- વાર્ષિક ₹2.5 લાખથી વધુના કર્મચારીના યોગદાન સાથે પીએફની આવક પર નવો કર લાદવા માટે આઇટી નિયમો હેઠળ નવી કલમ 9D ઉમેરવામાં આવી છે.
- કરપાત્ર વ્યાજની ગણતરી માટે હાલના પીએફ ખાતામાં બે અલગ ખાતા બનાવવામાં આવશે.
નાના કરદાતાઓને અસર પડશે નહિ
મોટાભાગના પીએફ સબસ્ક્રાઇબર્સને રૂ.2.5 લાખની મર્યાદાનો લાભ મળશે. નવા નિયમથી નાના અને મધ્યમ વર્ગના કરદાતાઓને કોઈ અસર થશે નહીં. આ મુખ્યત્વે ઉચ્ચ આવક ધરાવતા કર્મચારીઓને અસર કરશે.
આ પણ વાંચો : ભારત થઈ રહ્યું છે ‘ડિજિટલ’, રોકડને બદલે યુઝર્સ ઈ-વોલેટ્સ, યુપીઆઈનો કરી રહ્યા છે ઉપયોગ- નીતિ આયોગ
આ પણ વાંચો : Adani Wilmar IPO: 8 ફેબ્રુઆરીએ આઈપીઓનું લિસ્ટીંગ, GMPમાં ઘટાડાને કારણે કમાણીની આશા નહીવત
Latest News Updates
