EPFO : હવે PF ખાતામાંથી બીજી વખત પણ ઉપાડી શકો છો Covid Advance, જાણો કઈ રીતે
આ જોગવાઈ હેઠળ કોઈપણ EPF સબ્સ્ક્રાઇબર ત્રણ મહિનાના બેઝિક પગાર અને DA જેટલી રકમ અથવા સભ્યના EPF ખાતામાં જમા કરાયેલ કુલ રકમના 75% કરતાં ઓછી હોય તે રકમ ઉપાડી શકે છે.EPFO
કોવિડ-19 ની ત્રીજી લહેર વચ્ચે એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ તેના સભ્યોને બીજી વખત એમ્પ્લોઈઝ પ્રોવિડન્ટ ફંડ (EPF) ખાતામાંથી એડવાન્સ ઉપાડવાની મંજૂરી આપી છે. કોવિડ-19 મહામારી વચ્ચે પૈસા સંબંધિત મુશ્કેલીઓનો સામનો કરી રહેલા લોકોને રાહત આપવા માટે આ નિર્ણય લેવામાં આવ્યો છે. EPF સબ્સ્ક્રાઇબર્સ તેમના PF એકાઉન્ટમાંથી પૈસા ઉપાડવા માટે ઑનલાઇન સુવિધાનો ઉપયોગ કરી શકે છે.
EPF ખાતામાંથી ઉપાડની મર્યાદા
આ જોગવાઈ હેઠળ કોઈપણ EPF સબ્સ્ક્રાઇબર ત્રણ મહિનાના બેઝિક પગાર અને DA જેટલી રકમ અથવા સભ્યના EPF ખાતામાં જમા કરાયેલ કુલ રકમના 75% કરતાં ઓછી હોય તે રકમ ઉપાડી શકે છે. આ બિન-રિફંડપાત્ર ઉપાડ હશે. એટલું જ નહીં EPF સભ્યો ઓછી રકમ માટે પણ અરજી કરી શકે છે.
Online EPF ઉપાડની પ્રક્રિયા
EPF એકાઉન્ટમાંથી ઓનલાઈન પૈસા ઉપાડવા માટે તમારી પાસે એક્ટિવ યુનિવર્સલ એકાઉન્ટ નંબર (UAN) હોવો આવશ્યક છે. આટલું જ નહીં આધાર સાથે લિંક કરેલ મોબાઈલ નંબર એક્ટિવ હોવો જોઈએ. તેમજ આધાર અને PAN અને બેંક વિગતોની વેરીફાઈ કરેલી હોવી જોઈએ. આનો અર્થ એ છે કે તમારું KYC પૂર્ણ કરવું આવશ્યક છે.
કોવિડ-19 ની આર્થિક સમસ્યા હેઠળ EPF ખાતામાંથી પૈસા ઉપાડવાની પ્રક્રિયા નીચે મુજબ છે:
- સૌથી પહેલા તમારા બ્રાઉઝર પર EPFO મેમ્બર પોર્ટલ (unifiedportal-mem.epfindia.gov.in) પર લોગ ઓન કરો.
- UAN અને પાસવર્ડ દ્વારા EPFO મેમ્બર પોર્ટલ પર લોગિન કરો.
- હવે ‘Online services’ પર જાઓ અને ‘Claim’ વિભાગ પર જાઓ.
- બેંક એકાઉન્ટ વેરીફાઈ કરો.
- ચેક અથવા પાસબુકની સ્કેન કરેલી નકલ અપલોડ કરો.
- તમને એડવાન્સનું કારણ પૂછવામાં આવશે. અહીં કારણમાં ‘outbreak of pandemic’ પસંદ કરો.
- હવે આધાર-આધારિત OTP જનરેટ કરો. એકવાર દાવાની પ્રક્રિયા થઈ જાય તે પછી, તે એમ્પ્લોયરને મંજૂરી માટે મોકલવામાં આવશે.
આ પણ વાંચો : Share Market : જો તમારે માર્કેટના કડાકાના નુકસાનથી બચવું હોય તો આ પ્રકારે પોર્ટફોલિયો બનાવો, નહીં ડૂબે પરસેવાની કમાણી
Latest News Updates
