Viral Video: મેટ્રો સ્ટેશન પર આત્મહત્યા કરવા આવેલી યુવતીનો દિલધડક બચાવ, CISF જવાનનું કરાયું સન્માન
તાજેતરમાં એક વિડીયો વાયરલ થયો છે જેમાં ફરિદાબાદના સેક્ટર 28 મેટ્રો સ્ટેશન પર આત્મહત્યા કરવાનો પ્રયાસ કરી રહેલી યુવતીને બચાવી લેવામાં આવી. બાદમાં બચાવનાર જવાનનું સન્માન પણ કરવામાં આવ્યું.
CISFએ ફરિદાબાદના સેક્ટર 28 મેટ્રો સ્ટેશન (Metro Station) પર આત્મહત્યા કરવાનો પ્રયાસ કરી રહેલી યુવતીને બચાવનાર જવાનનું (CISF Jawan) સન્માન કર્યું છે. સોમવારે કોન્સ્ટેબલ નંદલાલ રામનું 10,000 રૂપિયાનું રોકડ પુરસ્કાર અને અવોર્ડ આપીને સન્માન કરવામાં આવ્યું. તેમની સાથે શિફ્ટ પ્રભારી એસઆર સિંહનું પણ સન્માન કરવામાં આવ્યું હતું.
CISF ના ડીજી એસ.કે. સક્સેનાએ સોમવારે રામ અને તેના વરિષ્ઠ અને તે દિવસના શિફ્ટ પ્રભારી સહાયક સબ-ઇન્સ્પેક્ટર એસ.આર સિંહને સન્માનિત કર્યા હતા. આ ઘટનામાં સિંહે પણ તત્કાળ કાર્યવાહી કરી, ઝડપી સમજણ બતાવી હતી. પ્રવક્તાએ જણાવ્યું હતું કે રામને 10,000 રૂપિયાનું રોકડ ઇનામ અને મહાનિર્દેશકનો પ્રશસ્તિપત્ર આપવામાં આવ્યો છે. જ્યારે સિંહનું પ્રશસ્તિપત્રથી સન્માન કરવામાં આવ્યું છે.
ચાલો તમને જણાવી દઈએ કે સમગ્ર મુદ્દો શું છે. 24 જુલાઈએ, દિલ્હીની માંગોલપુરીમાં ભયાનક ઘટના ઘટી હતી. ઘરે ઝગડો થયા બાદ ભાગી આવેલી એક યુવતીએ ફરીદાબાદમાં સેક્ટર -28 મેટ્રો સ્ટેશન પર આત્મહત્યા કરવાનો પ્રયાસ કર્યો. સીઆઈએસએફ જવાન અને અન્ય લોકોએ યુવતી મેટ્રો સ્ટેશનના ટેરેસ પરથી રસ્તા પર કૂદી પડે તે પહેલાં જ તેને બચાવી લીધી. દિલ્હી-મથુરા હાઇવેના સર્વિસ લેન પર ચાલતા લોકોએ આ સમગ્ર દ્રશ્યને તેમના મોબાઈલમાં કેદ કરી લીધા હતા. ચાલો જોઈએ આ દ્રશ્યો.
ऐसा #फ़िल्मों में भी नहीं होता।
जान देने पर अमादा #लड़की को जान हथेली पर रख कर बचाया।
जाँबाज़ #पुलिस कर्मी को बधाई। #कहो_ना_कहो pic.twitter.com/sPZ5bjkZOm
— People’s Police – Faridabad Police (@FBDPolice) July 24, 2021
આ ઘટના જ્યારે બની ત્યારે કોન્સ્ટેબલ નંદલાલ CCTV ની ડ્યુટીમાં હતા. પરંતુ જેવી આ યુવતીને છત પર જોઈ કે તેઓ તેને બચાવવા દોડીને પહોંચ્યા. તેમની સાથે એક યુવક અને અન્ય યુવતી પણ તેને બચાવવા આગળ આવ્યા. બાદમાં તેમણે મળીને યુવતીને બચાવી અને જોખમી સ્થાનથી સુરક્ષિત સ્થાન તરફ લઇ ગયા. જાહેર છે કે સેન્ટ્રલ ઔદ્યોગિક સુરક્ષા દળ (સીઆઈએસએફ) રાષ્ટ્રીય રાજધાની ક્ષેત્રમાં દિલ્હી મેટ્રો નેટવર્કને સશસ્ત્ર સુરક્ષા પૂરી પાડે છે.
આ પણ વાંચો: આંખોની સમસ્યા નથી સામાન્ય: ઘટવા લાગ્યું છે આંખોનું તેજ, તો આપવાનો આ 6 ઘરેલુ ઉપાય
આ પણ વાંચો: Monsoon Health Tips: ચોમાસામાં આ 5 ખાદ્ય વસ્તુઓથી રહો દુર, નહીંતર સ્વાસ્થ્ય પર પડશે ખરાબ અસર