BBC ડોક્યુમેન્ટરી પર પ્રતિબંધ મૂકવાની અરજી સુપ્રીમ કોર્ટે ફગાવી, કહ્યુ- આ સુનાવણી યોગ્ય નથી
હિંદુ સેનાના પ્રમુખ વિષ્ણુ ગુપ્તા અને ખેડૂત બિરેન્દ્ર કુમાર સિંહે ડોક્યુમેન્ટરી પર સંપૂર્ણ પ્રતિબંધ લગાવવાની માગ કરી હતી. બંને અરજીઓમાં ભારતમાં બીબીસીના રિપોર્ટિંગ પર પ્રતિબંધ મૂકવાની માગ કરવામાં આવી હતી.
સુપ્રીમ કોર્ટે BBC ડોક્યુમેન્ટરી પર પ્રતિબંધની માગ કરતી અરજીને ફગાવી દેતા કહ્યું કે, આ સુનાવણી યોગ્ય નથી. હિંદુ સેનાના પ્રમુખ વિષ્ણુ ગુપ્તા અને ખેડૂત બિરેન્દ્ર કુમાર સિંહે ડોક્યુમેન્ટરી પર સંપૂર્ણ પ્રતિબંધ લગાવવાની માગ કરી હતી. આ કેસમાં સુપ્રીમ કોર્ટે કહ્યું કે તમે આટલી રાહત કેવી રીતે માંગી શકો, શું કોર્ટ ડોક્યુમેન્ટરી પર પ્રતિબંધ લગાવી શકે?
હિન્દુ સેનાના પ્રમુખ વિષ્ણુ ગુપ્તાએ ભારતમાં બીબીસીના સંચાલન પર પ્રતિબંધ મૂકવાની માગ કરી હતી. આ સાથે ગુજરાત રમખાણોની ડોક્યુમેન્ટરીને ષડયંત્ર ગણાવીને NIA પાસે તપાસની માંગણી પણ કરવામાં આવી હતી. જો કે સુપ્રીમ કોર્ટે અરજીને ફગાવી દીધી છે, તેની સાથે કોર્ટે કહ્યું કે આ અરજી ખોટી છે, SC આવા આદેશ કેવી રીતે આપી શકે. ડોક્યુમેન્ટરી દેશને કેવી રીતે અસર કરી શકે?
બીબીસીએ જાણી જોઈને છબીને બદનામ કરી
આ પ્રસંગે અરજદારો માટે વરિષ્ઠ વકીલ પિંકી આનંદે દલીલ કરી હતી કે બીબીસીએ જાણી જોઈને છબીને બદનામ કરી છે. આ કેસમાં જસ્ટિસ ખન્નાએ કહ્યું કે તમે તેના પર પણ કેવી રીતે દલીલ કરી શકો છો કે તે સંપૂર્ણપણે ખોટું છે. એ પણ પ્રશ્ન પૂછે છે કે, તમે કોર્ટ પાસે BBC પર પ્રતિબંધની માગ કેવી રીતે કહી શકો?
આ પણ વાંચો : BBCની ડોક્યુમેન્ટરી ઉપર લગાવેલા પ્રતિબંધને પડકારતી અરજી પર આજે સુપ્રીમકોર્ટમાં થશે સુનાવણી
ગુજરાત રમખાણોમાં નરેન્દ્ર મોદીની ભૂમિકા અને દેશમાં મુસ્લિમોની સ્થિતિ પર BBC ડોક્યુમેન્ટરી પર પ્રતિબંધના કેસમાં સુપ્રીમ કોર્ટે નોટિસ જાહેર કરી હતી. કોર્ટે કેન્દ્ર પાસેથી 3 સપ્તાહમાં જવાબ માંગ્યો છે. આઈટીના નિયમને કોર્ટમાં પડકારવામાં આવ્યો છે, જે અંતર્ગત ડોક્યુમેન્ટરી પર પ્રતિબંધ મુકવામાં આવ્યો હતો. કોર્ટે અરજદારોને પૂછ્યું કે તેઓ પહેલા હાઈકોર્ટમાં કેમ ન ગયા? કેન્દ્ર સરકારે આ ડોક્યુમેન્ટરીને યુટ્યુબ સહિત તમામ પ્લેટફોર્મ પરથી તેના પર પ્રતિબંધ લગાવી દીધો હતો.
આગામી સુનાવણી એપ્રિલ મહિનામાં થશે
અરજદારના વકીલ દ્વારા કોર્ટને કહેવામાં આવ્યું હતું કે ઈમરજન્સી પાવરનો ઉપયોગ કરીને સ્ટે લાદવામાં આવ્યો હતો અને સ્ટે ઓર્ડર પણ જાહેર ક્ષેત્રમાં નથી. સરકારે વડાપ્રધાન નરેન્દ્ર મોદી પર બીબીસીની ડોક્યુમેન્ટરી પર આઈટી એક્ટની કલમ 69A હેઠળ સોશિયલ મીડિયા પર બ્લોક કરવાનો આદેશ આપ્યો હતો. પત્રકાર એન રામ, ટીએમસી નેતા મહુઆ મોઇત્રા, એડવોકેટ પ્રશાંત ભૂષણ અને એમએલ શર્માએ સુપ્રીમ કોર્ટમાં અરજી દાખલ કરી હતી. કેન્દ્રનો જવાબ દાખલ કર્યા બાદ આ મામલે આગામી સુનાવણી એપ્રિલ મહિનામાં થશે.
