ભાગલાવાદી ઇલ્તિજા મુફ્તીનું X એકાઉન્ટ ભારતમાં પ્રતિબંધ, ભડકાઉ ભાષણનો વીડિયો કર્યો હતો શેર

ભારતમાં ઇલ્તિજા મુફ્તીના X એકાઉન્ટ પર પ્રતિબંધ મૂકવામાં આવ્યો છે. તેમના પર સૈયદ અલી શાહ ગિલાની દ્વારા ભડકાઉ ભાષણ શેર કરવાનો આરોપ છે, જે અલગતાવાદી લાગણીઓને પ્રોત્સાહન આપવાનો આરોપ છે. આ કાર્યવાહી તેમની સામે કેસ નોંધાયા બાદ કરવામાં આવી છે.

TV9 Gujarati | Edited By: Bipin Prajapati | Updated on: May 11, 2026 | 6:24 PM

જમ્મુ અને કાશ્મીરના ભૂતપૂર્વ મુખ્યમંત્રી મહેબૂબા મુફ્તીની પુત્રી ઇલ્તિજા મુફ્તીનું X (અગાઉનું ટ્વિટર) એકાઉન્ટ ભારતમાં સસ્પેન્ડ કરવામાં આવ્યું છે. મરહૂમ અલગતાવાદી નેતા, સૈયદ અલી શાહ ગિલાની દ્વારા અપાયેલ પ્રવચન સોશિયલ મીડિયા X શેર કરવા બદલ તેમની સામે કેસ નોંધાયાના થોડા દિવસો બાદ જ આ પગલું લેવામાં આવ્યું છે.

અહેવાલો અનુસાર, ઇલ્તિજા મુફ્તી પર સોશિયલ મીડિયા પ્લેટફોર્મ X પર સૈયદ અલી શાહ ગિલાની દ્વારા કથિત ભડકાઉ ભાષણનો વીડિયો શેર કરવાનો આરોપ છે. જે અલગતાવાદી લાગણીઓને પ્રોત્સાહન આપવા માટે માનવામાં આવતું હતું. સુરક્ષા એજન્સીઓએ આ બાબતની ગંભીર નોંધ લીધી હતી. તેમની સામે કાનૂની કાર્યવાહી શરૂ કરવામાં આવી છે.

ઇલ્તિજાનું X એકાઉન્ટ બ્લોક કરવામાં આવ્યું

ભારતમાં હવે તેમનું સોશિયલ મીડિયા X એકાઉન્ટ સસ્પેન્ડ થતાં, રાજકીય વર્તુળોમાં આ મુદ્દાને લગતી ચર્ચાઓ તેજ બની છે. જોકે, ઇલ્તિજા મુફ્તી કે તેમના રાજકીય પક્ષે અત્યાર સુધી આ બાબતે કોઈ સત્તાવાર પ્રતિક્રિયા આપી નથી.

ઉલ્લેખનીય છે કે જમ્મુ અને કાશ્મીરમાં સુરક્ષા એજન્સીઓ સોશિયલ મીડિયા પર શેર થતી સામગ્રી, ખાસ કરીને અલગતાવાદ, આતંકવાદ અથવા કાયદો અને વ્યવસ્થાના મુદ્દાઓ સાથે જોડાયેલી પોસ્ટ્સ અંગે સતત સતર્ક રહે છે.

ઈલ્તિજા મુફ્તિનુ સસ્પેન્ડ થયેલ સોશિયલ મીડિયા X એકાઉન્ટ

અલગતાવાદી વિચારધારાને પ્રોત્સાહન આપવાના આરોપો

જમ્મુ અને કાશ્મીરમાં અધિકારીઓએ “ભાગલાવાદી વિચારધારાને પ્રોત્સાહન આપવા, ખોટી માહિતી ફેલાવવા અને ભારતની શાંતિ, સાર્વભૌમત્વ અને અખંડિતતા માટે હાનિકારક ગેરકાયદેસર પ્રવૃત્તિઓને ઉશ્કેરવાના હેતુથી” અજાણ્યા વ્યક્તિઓ સામે FIR નોંધ્યાના થોડા દિવસો પછી આ કાર્યવાહી કરવામાં આવી હતી.

29 એપ્રિલના રોજ, ઇલ્તિજા મુફ્તીએ X પર મરહૂમ હુર્રિયત નેતા સૈયદ અલી શાહ ગિલાનીનો એક વીડિયો પોસ્ટ કર્યો હતો. કેન્દ્રશાસિત પ્રદેશ (UT) માં મહેસૂલ સેવાઓમાંથી ઉર્દૂ ભાષાને દૂર કરવાના J&K સરકારના નિર્ણયના સંદર્ભમાં ઇલ્તિજા મુફ્તીએ, આ વીડિયો ઓનલાઈન પોસ્ટ કરતી વખતે, મુફ્તીએ ટિપ્પણી કરી હતી કે, ગિલાની સાહેબની વિચારધારા સાથે સહમત નથી શક્તિ પરંતુ ઉર્દૂના મહત્વ ઉપર ભાર મૂકતો ગિલાનીનો આ જૂનો વીડિયો વિવિધ કારણોસર અર્થપૂર્ણ છે અને જોવા યોગ્ય છે. ઇલ્તિજા મુફ્તીએ X પર મરહૂમ હુર્રિયત નેતા સૈયદ અલી શાહ ગિલાનીનો એ વીડિયો પોસ્ટ કર્યા બાદ આ વીડિયો સોશિયલ મીડિયામાં ઝડપથી વાયરલ થયો હતો. આના પગલે જમ્મુ અને કાશ્મીર સરકારે ઉપરોક્ત કાર્યવાહી કરી છે.