અંતરિક્ષની ઊંચાઈ બાદ હવે સમુદ્રની ઊંડાઈને સ્પર્શશે ભારત, કિરણ રિજીજુએ શેયર કર્યા ‘MATSYA 6000’ના અંદરના દ્રશ્યો

Samudrayaan MATSYA 6000 : ચંદ્રયાન સિવાય ભારત અનેક મોટા સ્પેસ પ્રોજેક્ટ પર કામ કરી રહ્યું છે, જેમ કે આદિત્ય L1, ગગનયાન વગેરે. પણ અંતરિક્ષની ઊંચાઈઓ સર કર્યા બાદ ભારત હવે સમુદ્રની ઊંડાઈ સુધી પહોંચવાની તૈયારી કરી રહ્યું છે. ભારતના પ્રથમ સમુદ્ર મિશનને લઈને મહત્વની અપડેટ સામે આવી છે.

Samudrayaan MATSYA 6000

TV9 Gujarati | Edited By: Abhigna Maisuria | Updated on: Aug 04, 2023 | 12:38 PM

MATSYA 6000 News : આજે દરેક દેશ પૃથ્વીના દરેક કુદરતી સ્ત્રોતનો ઉપયોગ કરીને વિકાસ યાત્રા ઝડપી બનાવવા પ્રયત્ન કરી રહ્યા છે. વર્ષોથી અંતરિક્ષના અલગ અલગ ગ્રહો સુધી પહોંચીને બ્રહ્માંડના રહસ્યોને જાણીને અકલ્પનીય શક્યતાઓ શોધવાના પ્રયત્નો ચાલી રહ્યા છે. તે બધા વચ્ચે હવે બ્લૂ ઈકોનોમીની (Blue economy) પહેલ પણ શરુ થઈ છે. અમેરિકા, ચીન જેવા દેશો દરિયામાં તે નવી અર્થવ્યવસ્થા ઊભી કરી રહ્યા છે, તે મિશનમાં હવે ભારત પણ જોડાવા જઈ રહ્યું છે.

ભૂવિજ્ઞાન મંત્રાલયના કેન્દ્રીય મંત્રી કિરણ રિજીજુએ હાલમાં રાજ્યસભામાં જણાવ્યું કે ભારત પ્રથમ સમુદ્ર મિશન સમુદ્રયાન હેથળ માનવયુક્ત સબમરીનને દરિયામાં ઉતારશે. આ ભારતનું પ્રથમ માનવયુક્ત મિશન હશે. હાલમાં ગગનયાન 3 દ્વારા ભારતના માનવયુક્ત સ્પેસમિશનને સફળ બનાવવાના પણ પ્રયત્નો ચાલી રહ્યા છે. મત્સ્ય 6000 નામની સબમરીન તૈયાર છે જેના પર હાલ ઘણા ટેસ્ટ થઈ રહ્યા છે.

આ પણ વાંચો : Chandrayaan 3 Live Tracker : મિશન ચંદ્રયાન 3નો 23 ઓગસ્ટનો સુધીનો જાણો રોડમેપ, જુઓ ચંદ્ર સુધી પહોંચવાની સફર LIVE

જુઓ સમુદ્રયાન ‘MATSYA 6000’ના અંદરના દ્રશ્યો

This is ‘MATSYA 6000’ submersible under construction at National Institute of Ocean Technology at Chennai. India’s first manned Deep Ocean Mission ‘Samudrayaan’ plans to send 3 humans in 6-km ocean depth in a submersible, to study the deep sea resources and biodiversity… pic.twitter.com/SjGWQ0A1Qm

— Kiren Rijiju (@KirenRijiju) August 4, 2023

ભૂવિજ્ઞાન મંત્રાલયના કેન્દ્રીય મંત્રી કિરણ રિજીજુએ મત્સ્ય 6000 સબમરીનના અંદરના દ્રશ્યો દર્શાવતો વીડિયો શેયર કર્યો છે. જે હાલમાં ખુબ વાયરલ થઈ રહ્યો છે. આ સબમરીનનું પહેલા તબક્કાનું પરીક્ષણ માર્ચ, 2024 સુધીમાં પૂર્ણ થશે. વર્ષ 2026 સુધીમાં આ યાન 3 ભારતીયોને મહાસાગરમાં 6000 મીટરની ઊંડાઈએ લઈ જશે.

જણાવી દઈએ કે જૂન, 2023માં અરબપતિઓને દરિયાના પેટાળમાં ટાઈટેનિક જહાજનો કાટમાળ જોવા લઈ ગયેલી ટાઈટન સબમરીન 4 હજાર મીટર ઊંડે ડૂબી ગઈ હતી. ભારત તેના કરતા પણ ઊંડે ઉતરવાનો પ્રયાસ કરશે. હમણા સુધી ચીનની ફેંડોઝ સબમરીન દરિયામાં 11 હજાર મીટર ઊંડી પહોંચી ચૂકી છે. આ મિશન સફળ રહ્યું તો ભારત દરિયાની ઊંડાઈએ પહોંચનાર પાંચમો દેશ બનશે. અમેરિકા, રશિયા, ફ્રાન્સ, જાપાન અને ચીન પાસે જ આવા દરિયાઈ મિશન માટે ટેકનોલોજી અને સંસાધનો છે.

આ પણ વાંચો : Gaganyaanની ક્રૂ મોડ્યુલ રિકવરી ટેસ્ટિંગ રહી સફળ, Indian Navyના જવાનો એ આપ્યો સાથ

ડીપ ઓશન મિશનથી ઊભી થશે બ્લૂ ઈકોનોમી

India’s first Manned Ocean Mission #Samudrayaan to send humans 6Km underwater.

“MATSYA 6000” craft is being developed to carry 3 human beings to a depth of 6,000 meters in the ocean with a suite of scientific sensors & tools for deep ocean exploration.#IADN pic.twitter.com/pJ5XFYZLvj

— Indian Aerospace Defence News – IADN (@NewsIADN) July 30, 2022

કેન્દ્ર સરકારની બ્લૂ ઈકોનોમી પહેલ હેઠળ આ મિશન જૂન, 2021માં ભૂવિજ્ઞાન મંત્રાલયે શરુ કર્યુ હતુ. આ મિશન પાછળ 5 વર્ષમાં 4,077 કરોડનો ખર્ચ થશે, જેમાં સમુ્દ્રયાનનો પણ સમાવેશ થાય છે. દેશની જીડીપીનો 4 ટકા હિસ્સો બ્લૂ ઈકોનોમી સાથે જોડાયેલો છે. દેશની 30 ટકા વસ્તી દરિયા પર આધારિત છે.

મિશન સમુદ્રયાન અંગેની મહત્વની વાતો

IN PIC : India’s Deep Sea Mission #Samudrayaan Manned Sphere Matsya-6000 during testing.

Scientists are inside it for acclimatization & endurance tests.#IADN pic.twitter.com/36lBFjjPXN

— Indian Aerospace Defence News – IADN (@NewsIADN) February 1, 2023