સંરક્ષણ મંત્રાલયને બે નવી ઓફિસ મળશે, PM Modi 7000 કર્મચારીઓ માટે ‘ડિફેન્સ કોમ્પ્લેક્સ’નું ઉદ્ઘાટન કરશે
વડાપ્રધાન નરેન્દ્ર મોદી 16 સપ્ટેમ્બરે દિલ્હીમાં સંરક્ષણ કાર્યાલય સંકુલનું ઉદ્ઘાટન કરશે. એક સંકુલ દિલ્હીના કસ્તુરબા ગાંધી માર્ગ પર છે, જ્યારે બીજું સંકુલ આફ્રિકા એવન્યુ રોડ પર બનાવવામાં આવ્યું છે.
PM Modi: વડાપ્રધાન નરેન્દ્ર મોદી (PM Narendra Modi) 16 સપ્ટેમ્બરે દિલ્હીમાં બે અલગ અલગ સ્થળોએ સંરક્ષણ મંત્રાલયના કર્મચારીઓ માટે નવા ઓફિસ સંકુલનું ઉદ્ઘાટન કરશે.
આ સંરક્ષણ કચેરી (Defence Office Complex) સંકુલ કસ્તુરબા ગાંધી માર્ગ અને આફ્રિકા એવન્યુ રોડ પર બનાવવામાં આવ્યા છે. આ સાથે પીએમ આર્મી, નેવી, એરફોર્સ અને સિવિલ ઓફિસરો સાથે પણ વાતચીત કરશે. વડાપ્રધાન કાર્યાલય (PMO)એ આ માહિતી આપી છે.
ભારત સરકારના મહત્વના સેન્ટ્રલ વિસ્ટા પ્રોજેક્ટ (Central Vista) હેઠળ સંરક્ષણ મંત્રાલયનું ઓફિસ સંકુલ (Defense Ministry Complex) સૌથી પહેલા તૈયાર કરવામાં આવ્યું છે. વડાપ્રધાન નરેન્દ્ર મોદી (PM modi)16 સપ્ટેમ્બરે આ ઈમારતનું ઉદ્ઘાટન કરશે. 7 હજાર કર્મચારીઓ માટે બનાવાયેલું આ નવું ‘સંરક્ષણ સંકુલ’ બે અલગ અલગ જગ્યાએ તૈયાર કરવામાં આવ્યું છે. સંરક્ષણ મંત્રાલયના જણાવ્યા અનુસાર લ્યુટિયન્સ ઝોનમાં આફ્રિકા એવન્યુ ખાતે આ નવી સંરક્ષણ સંકુલ ઈમારત પૂર્ણ થઈ ગઈ છે.
PM Modi will inaugurate the Defence Offices Complexes at Delhi’s Kasturba Gandhi Marg and Africa Avenue on 16 September. He will also interact with Army, Navy, Air Force and civilian officers: PMO pic.twitter.com/rrrVnRl15u
— ANI (@ANI) September 15, 2021
આ સિવાય ઈન્ડિયા ગેટ પાસે કેજી માર્ગ પર પણ ઈમારત પૂર્ણ થઈ ગઈ છે. આ બંને ઈમારતોમાં નૌકાદળનું આઈએનએસ ઈન્ડિયા નેવલ સ્ટેશન, આર્મ્ડ ફોર્સિસ મેડિકલ સર્વિસ ઓફિસ (Armed Forces Medical Service Office) અને સીએસડી કેન્ટીન પણ સાઉથ બ્લોક નજીક ખસેડવામાં આવશે. સંરક્ષણ મંત્રાલયના સચિવાલય, આર્મી સ્ટાફના વડા અને સાઉથ બ્લોકમાં નૌકાદળના વડાને અત્યારે હટાવવામાં આવશે નહીં.
આફ્રિકા એવન્યુ અને કેજી માર્ગ પર તૈયાર થયેલી બંને ઈમારતો પર કુલ 775 કરોડનો ખર્ચ કરવામાં આવ્યો છે. આફ્રિકા એવન્યુની ઈમારત કુલ 5 લાખ ચોરસ મીટરના વિસ્તારમાં બનાવવામાં આવી છે અને તેમાં પાંચ બ્લોક્સ છે. જ્યારે કેજી માર્ગ મકાન 4.52 લાખ ચોરસ મીટરમાં ફેલાયેલું છે અને તેના ત્રણ બ્લોક છે. પાર્કિંગની સમસ્યા દૂર કરવા માટે બંને સંકુલમાં અંડરગ્રાઉન્ડ પાર્કિંગ (Underground Parking) કરવામાં આવ્યું છે, જેમાં 1,500 વાહનો પાર્ક કરી શકાય છે. આ સમગ્ર પ્રોજેક્ટની કિંમત 775 કરોડ રૂપિયા છે.
શું છે સેન્ટ્રલ વિસ્ટા પ્રોજેક્ટ?
1911માં બ્રિટિશ આર્કિટેક્ટ એડવિન લુટિયન્સે ડિઝાઈન કરેલું નવી દિલ્હી અસ્તિત્વમાં આવ્યું, એ પછી 1921-27 દરમિયાન હાલના સંસદભવનની ઈમારતનું નિર્માણકાર્ય થયું હતું. ઈન્ડિયા ગેટ (India Gate)થી રાષ્ટ્રપતિભવન સુધીના વિસ્તારને નવનિર્માણ માટે પસંદ કરાયો હતો અને એેને સેન્ટ્રલ વિસ્ટા નામ અપાયું હતું. ત્યારથી નવી દિલ્હીનો આ વિસ્તાર આ નામે જ ઓળખાય છે.
આ પણ વાંચો : IPL 2021: ચેન્નઈ સુપર કિંગ્સને મોટો ફટકો, આ ધુંઆધાર ખેલાડી મુંબઈ ઈન્ડિયન્સ સામેની મેચમાં નહીં રમે !