મતદાર કાર્ડથી જોડાશે આધાર કાર્ડ, 1 ઓગસ્ટથી શરૂ થશે અભિયાન

ચૂંટણી પંચે એક મહત્વપૂર્ણ નિર્ણય લેતા આધાર કાર્ડને (Aadhar Card) મતદાર કાર્ડ (Voter Id) સાથે લિંક કરવાનો નિર્ણય લીધો છે. ચૂંટણી પંચનું (Election Commission) આ અભિયાન આવતા મહિનાથી શરૂ થવા જઈ રહ્યું છે. 1 ઓગસ્ટથી મહારાષ્ટ્રથી શરૂ થશે. આ અભિયાન પર ચૂંટણી પંચનું કહેવું છે કે આધાર કાર્ડથી મતદારની ઓળખ સરળતાથી થઈ જશે. જો તમારી પાસે આધાર કાર્ડ નથી તો વિકલ્પ તરીકે 11 દસ્તાવેજો રાખવામાં આવ્યા છે. અગાઉ 1 જાન્યુઆરીએ 18 વર્ષ પૂરા થયા પછી જ મત આપવા માટે લાયક માનવામાં આવતું હતું, પરંતુ હવે દરેક ક્વાર્ટરમાં મતદારને લાયક ગણવામાં આવશે.

મહારાષ્ટ્રના મુખ્ય ચૂંટણી અધિકારી શ્રીકાંત દેશપાંડેએ જણાવ્યું હતું કે હવે મતદારોની ઓળખ સ્થાપિત કરવા અને મતદાર યાદીમાં પ્રવેશના પ્રમાણીકરણ માટે મતદાર કાર્ડને આધાર કાર્ડ સાથે લિંક કરવામાં આવશે. તેમણે કહ્યું કે આવું કરવાનું કારણ એક જ વ્યક્તિના નામની એકથી વધુ મતવિસ્તારમાં અથવા એક જ મતવિસ્તારમાં એકથી વધુ વખત નોંધણી કરાવવાની માન્યતા છે.

આ પણ વાંચો

The Election Commission of India will start a campaign to link Voter ID cards with Aadhaar cards from August 1, across the state: Shrikant Deshpande, Chief Election Officer (CEO), Maharashtra

— Tv9 Gujarati (@tv9gujarati) July 25, 2022

કોંગ્રેસના નેતા રણદીપ સિંહ સુરજેવાલાએ આ અભિયાનને પડકાર ફેંક્યો હતો

અગાઉ, સુપ્રીમ કોર્ટે ચૂંટણી અધિનિયમ (સુધારા)ને પડકારનાર કોંગ્રેસના નેતા રણદીપ સિંહ સુરજેવાલાને સોમવારે હાઈકોર્ટમાં જવા કહ્યું હતું, જેમાં મતદાર યાદીને આધાર સાથે લિંક કરવાની જોગવાઈને પડકારવામાં આવી હતી. જસ્ટિસ ડીવાય ચંદ્રચુડ અને એએસ બોપન્નાની બેન્ચે સુરજેવાલાના વકીલને પૂછ્યું કે શા માટે તેઓ અગાઉ હાઈકોર્ટમાં ગયા ન હતા. બેન્ચે કહ્યું, ‘તમે દિલ્હી હાઈકોર્ટમાં કેમ નથી જતા? તમારી પાસે સમાન ઉકેલ હશે. તમે ચૂંટણી કાયદો (સુધારા) અધિનિયમ, 2021ની કલમ 4 અને 5ને પડકારી રહ્યા છો. તમે અહીં કેમ આવ્યા છો? તમે દિલ્હી હાઈકોર્ટમાં જઈ શકો છો.

કોંગ્રેસ નેતા તરફથી હાજર રહેલા વકીલે કહ્યું કે આગામી છ મહિનામાં ત્રણ અલગ-અલગ રાજ્યોમાં ચૂંટણી યોજાશે. ખંડપીઠે કહ્યું “કાયદામાં ઉપલબ્ધ ઉપાયોને ધ્યાનમાં રાખીને અમે અરજદારને અનુચ્છેદ 226 (બંધારણની) હેઠળ સક્ષમ હાઈકોર્ટ સમક્ષ અરજી દાખલ કરવાની સ્વતંત્રતા આપીએ છીએ.” કલમ 4 અને 5ની બંધારણીય માન્યતાને પડકારતી સુરજેવાલાની અરજી પર સુનાવણી કરી રહી હતી.

‘આધાર અને મતદાર આઈડીને લિંક કરવું સંપૂર્ણપણે અતાર્કિક છે’

અરજીમાં કહેવામાં આવ્યું છે કે સુધારાનો ઉદ્દેશ્ય “બે સંપૂર્ણપણે અલગ દસ્તાવેજો (તેમના ડેટા સાથે) એટલે કે રહેઠાણનો પુરાવો (કાયમી અથવા અસ્થાયી) – આધાર કાર્ડ અને નાગરિકતાનો પુરાવો – મતદાર ઓળખ કાર્ડ”ને લિંક કરવાનો પ્રયાસ કરે છે. તેથી, તે સંપૂર્ણપણે સ્પષ્ટ છે કે આધાર અને મતદાર ઓળખ કાર્ડને લિંક કરવું સંપૂર્ણપણે અતાર્કિક છે. જેને ગેરબંધારણીય અને બંધારણની વિરુદ્ધ જાહેર કરવા વિનંતી કરવામાં આવી હતી. અરજીમાં ચૂંટણી કાયદો (સુધારા) અધિનિયમ, 2021ની કલમ 4 અને 5ને નાગરિકોના ગોપનીયતાના મૂળભૂત અધિકારના ઉલ્લંઘન તરીકે જાહેર કરવા અને તેને ગેરબંધારણીય અને બંધારણની વિરુદ્ધ જાહેર કરવાની વિનંતી કરવામાં આવી હતી.