PM મોદીની અધ્યક્ષતામાં આજે નીતિ આયોગની બેઠક, તેલંગાણાના CM KCR એ બહિષ્કાર કરતા કહ્યુ કેન્દ્ર સરકાર ભેદભાવ કરે છે
તેલંગાણાના મુખ્યમંત્રી કે ચંદ્રશેખર રાવ (KCR) રવિવારે યોજાનારી નીતિ આયોગની 7મી ગવર્નિંગ કાઉન્સિલની બેઠકનો બહિષ્કાર કરશે. તેમણે રાજ્યો પ્રત્યે કેન્દ્રના ભેદભાવપૂર્ણ વલણ સામે આ પગલું ભર્યું છે. આ સંદર્ભમાં કેસીઆરે વડાપ્રધાન નરેન્દ્ર મોદીને પત્ર પણ લખ્યો હતો.
નીતિ આયોગની (NITI Aayog ) ગવર્નિંગ કાઉન્સિલની સાતમી મહત્વપૂર્ણ બેઠક રવિવારે રાષ્ટ્રપતિ ભવનના સાંસ્કૃતિક કેન્દ્રમાં યોજાશે. આ બેઠકની અધ્યક્ષતા વડાપ્રધાન નરેન્દ્ર મોદી (PM Modi) કરશે. બેઠકમાં રાષ્ટ્રીય શિક્ષણ નીતિ, શાળા શિક્ષણ અને ઉચ્ચ શિક્ષણના અમલીકરણની સાથે સાથે તેલીબિયાં અને કઠોળની બાબતમાં દેશને આત્મનિર્ભર બનાવવા અને શહેરી વહીવટની બાબત પર ચર્ચા કરવામાં આવશે. તેલંગાણાના મુખ્યમંત્રી કે ચંદ્રશેખર રાવ (Telangana Chief Minister K Chandrashekhar Rao) રવિવારે યોજાનારી નીતિ આયોગની 7મી ગવર્નિંગ કાઉન્સિલની બેઠકનો બહિષ્કાર કરશે. તેમણે રાજ્યો પ્રત્યે કેન્દ્રના ભેદભાવપૂર્ણ વલણ સામે આ પગલું ભર્યું છે. આ સંદર્ભમાં કેસીઆરે વડાપ્રધાન નરેન્દ્ર મોદીને પત્ર પણ લખ્યો હતો. તેમણે કહ્યું કે હું વિરોધ રૂપે દિલ્હીમાં યોજાનારી નીતિ આયોગની 7મી ગવર્નિંગ કાઉન્સિલની બેઠકનો ભાગ બનીશ નહીં.
નીતિ આયોગે જવાબ આપ્યો
કેસીઆરએ કહ્યું કે રાજ્યો સાથે કેન્દ્રના ભેદભાવ અને તેમની સાથે સમાન ભાગીદારો તરીકે વર્તન ન કરવા સામે વિરોધ કરવા નીતિ આયોગની બેઠકમાં હાજરી આપવાનું કોઈ ઔચિત્ય નથી. તેની સામે, નીતિ આયોગે કહ્યું કે, તેલંગાણાના મુખ્યમંત્રીનો નીતિ આયોગની ગવર્નિંગ કાઉન્સિલની બેઠકમાં ભાગ ન લેવાનો નિર્ણય દુર્ભાગ્યપૂર્ણ છે. નીતિ આયોગની ટીમ હૈદરાબાદમાં કેસીઆરને મળી હતી અને રાજ્યના વિકાસ માટે મહત્વપૂર્ણ મુદ્દાઓ પર ચર્ચા કરી હતી, એમ કમિશને જણાવ્યું હતું. ત્યારથી, મુખ્યમંત્રીએ નીતિ આયોગ તરફથી બેઠકની વિનંતીઓનો પણ જવાબ આપ્યો નથી.
નીતિ આયોગ અનુસાર, છેલ્લા ચાર વર્ષમાં, ભારત સરકારે તેલંગાણા રાજ્ય માટે જલ જીવન મિશન હેઠળ રૂ. 3982 કરોડ ફાળવ્યા હતા, પરંતુ રાજ્યએ માત્ર રૂ. 200 કરોડ ઉપાડવાનું નક્કી કર્યું હતું. આ ઉપરાંત, 2014-2015 થી 2021-2022 દરમિયાન PMKSY-AIBP-CADWM હેઠળ તેલંગાણાને 1195 કરોડ રૂપિયા રિલીઝ કરવામાં આવ્યા હતા.
નીતિ આયોગે કહ્યું કે તે દુર્ભાગ્યપૂર્ણ છે કે તેલંગાણાના મુખ્યમંત્રીએ નીતિ આયોગની ગવર્નિંગ કાઉન્સિલની બેઠકમાં ભાગ ન લેવાનો નિર્ણય કર્યો. ગવર્નિંગ કાઉન્સિલ એ એક મંચ છે જ્યાં સર્વોચ્ચ રાજકીય નેતૃત્વ વિકાસના મુદ્દાઓની ચર્ચા કરે છે અને રાષ્ટ્રીય વિકાસ માટે યોગ્ય ઉકેલો પર સંમત થાય છે.