માર્કેટ કેપમાં રૂ. 78 લાખ કરોડના વધારા સાથે સેન્સેક્સમાં 9 મહિનામાં 80% વધારો થયો
બોમ્બે સ્ટોક એક્સચેંજનો સૂચકઆંક પ્રથમ વખત 45 હજારનો આંકડો પાર કરી ગયો છે. હવે સેન્સેક્સ 50 હજાર તરફ આગળ વધી રહ્યો છે. સેન્સેક્સમાં 9 મહિનામાં 80% વધારો થયો છે. 23 માર્ચે 25,981 ની સપાટીએ બંધ રહ્યો હતો જે ડિસેમ્બર 2016 પછીના સૌથી નીચું સ્તર હતું. શુક્રવારે સેન્સેક્સે 45,148.૨૮ની ઓલ ટાઈમ હાઈ સપાટી દર્શાવી હતી. જાન્યુઆરી […]
બોમ્બે સ્ટોક એક્સચેંજનો સૂચકઆંક પ્રથમ વખત 45 હજારનો આંકડો પાર કરી ગયો છે. હવે સેન્સેક્સ 50 હજાર તરફ આગળ વધી રહ્યો છે. સેન્સેક્સમાં 9 મહિનામાં 80% વધારો થયો છે. 23 માર્ચે 25,981 ની સપાટીએ બંધ રહ્યો હતો જે ડિસેમ્બર 2016 પછીના સૌથી નીચું સ્તર હતું. શુક્રવારે સેન્સેક્સે 45,148.૨૮ની ઓલ ટાઈમ હાઈ સપાટી દર્શાવી હતી.
જાન્યુઆરી બાદ કોરોનાએ ધીમી પાડી હતી ચાલ
સેન્સેક્સે આ વર્ષે જાન્યુઆરીમાં 42 હજારનું ટોપ બનાવ્યું હતું પરંતુ કોરોનાએ માર્ચમાં તેની ચાલ ધીમી કરી દીધી હતી. બજાર સંપૂર્ણ તૂટી ગયું. જો કે અનલલોક શરૂ થતાં આર્થિક પ્રવૃત્તિ ખુલી ગઈ અને ઘણા પરિબળો સામાન્ય પાછા ફર્યા હતા. સેન્સેક્સે તેજી પકડતા હવે તે તેની સર્વાધિક ઉંચી સપાટીએ છે.
માર્કેટ કેપમાં રૂ. 78 લાખ કરોડનો વધારો થયો છે
બીએસઈ લિસ્ટેડ કંપનીઓની માર્કેટ કેપ પણ પ્રથમ વખત 179 લાખ કરોડ રૂપિયાને પાર કરી ગઈ છે. 23 માર્ચ સુધીમાં તે 101 લાખ કરોડ રૂપિયા હતું. જો કે જાન્યુઆરીમાં તે 161 લાખ કરોડ રૂપિયા પર પહોંચી ગઈ છે બાદમાં કોરોનને તેજીને બ્રેક લગાડી હતી.
આ ક્ષેત્રે બજારને વધુ મજબુત બનાવશે
બજારને વધુ મજબુત બનાવશે તેવા ક્ષેત્રોમાં બેન્કિંગ, આઈટી અને કેટલાક ખૂબ નાના અને મિડ-કેપ શેરો હશે. બજારને આગળ વધવા માટે ત્રીજા ક્વાર્ટર પર ધ્યાન આપવું પડશે. પરિણામ કેવી રીતે આવે છે તેના પર પણ ઘણું નિર્ભર છે. ત્રીજા ક્વાર્ટરનું પરિણામ જાન્યુઆરીથી શરૂ થશે. બીએસઈના મેટલ ઇન્ડેક્સ માર્ચથી 82 ટકા મજબૂત થયા છે.
માર્કેટની તેજીના કારણ
વિદેશી રોકાણકારોએ એપ્રિલથી નવેમ્બર સુધીમાં રૂ. 1.15 લાખ કરોડનું રોકાણ કર્યું છે. નવેમ્બરમાં દેશના ઇક્વિટી માર્કેટમાં 65 હજાર કરોડથી વધુનું રોકાણ કરવામાં આવ્યું છે. અત્યાર સુધીના કોઈપણ એક મહિનામાં રોકાણનો આ રેકોર્ડ છે. કોરોના રસી વિશે સતત સકારાત્મક અહેવાલ આવી રહ્યા છે. 8 નવેમ્બરના રોજ ફાઈઝરએ પ્રથમ રસીના સફળ પરીક્ષણની વાત જાહેર કરી હતી.
માર્કેટમાં તેજીમાં આ પણ વધ્યા
કંપની | લોકડાઉન સમયે ભાવ | તાજેતરનો મહત્તમ ભાવ |
RIL | 867 | 2000 |
TCS | 1500 | 2700 |
HDFC BANK | 738 | 1383 |
ADANI GREEN | 112 | 1129 |
ADANI GAS | 76 | 359 |
KOTAK MAHINDRA | 1000 | 1800 |
INFOSYS | 500 | 1100 |
AXIX BANK | 285 | 613 |
ICICI BANK | 269 | 500 |
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો