Breaking News: મનીષ સિસોદિયા અને સત્યેન્દ્ર જૈને છોડ્યુ મંત્રીપદ, CM અરવિંદ કેજરીવાલે સ્વીકાર્યું રાજીનામું
ડેપ્યુટી સીએમ મનીષ સિસોદિયા અને જેલ મંત્રી સત્યેન્દ્ર જૈને દિલ્હી સરકારમાં મંત્રી પદ પરથી રાજીનામું આપી દીધું છે. મળતી માહિતી મુજબ સીએમ અરવિંદ કેજરીવાલે બંને મંત્રીઓના રાજીનામાનો સ્વીકાર કરી લીધો છે. બંને મંત્રીઓ આ દિવસોમાં વિવાદોમાં ફસાયેલા છે.
ડેપ્યુટી સીએમ મનીષ સિસોદિયા અને જેલ મંત્રી સત્યેન્દ્ર જૈને દિલ્હી સરકારમાં મંત્રી પદ પરથી રાજીનામું આપી દીધું છે. મળતી માહિતી મુજબ સીએમ અરવિંદ કેજરીવાલે બંને મંત્રીઓના રાજીનામાનો સ્વીકાર કરી લીધો છે. બંને મંત્રીઓ આ દિવસોમાં વિવાદોમાં ફસાયેલા છે. મનીષ સિસોદિયાને થોડા દિવસો પહેલા સીબીઆઈ દ્વારા કસ્ટડીમાં લેવામાં આવ્યા હતા જ્યારે સત્યેન્દ્ર જૈન ઘણા મહિનાઓથી તિહાર જેલમાં બંધ છે.
ભાજપ તરફથી આ મંત્રીઓના રાજીનામાની સતત માંગ કરવામાં આવી રહી હતી. આ દરમિયાન દિલ્હી સરકારમાં આ મોટો ફેરબદલ થયો છે. આમ આદમી પાર્ટીએ કહ્યું કે દિલ્હીના લાખો બાળકોના માતા-પિતા આ નિર્ણયથી દુખી છે.
સિસોદિયાને SC તરફથી ફટકાર
તમને જણાવી દઈએ કે દિલ્હીના ડેપ્યુટી સીએમ મનીષ સિસોદિયાને થોડા સમય પહેલા જ સુપ્રીમ કોર્ટમાંથી ઝટકો લાગ્યો છે. સિસોદિયા વતી તેમની ધરપકડને પડકારવા માટે સુપ્રીમ કોર્ટમાં અરજી દાખલ કરવામાં આવી હતી. આ અરજી પર સુનાવણી દરમિયાન CJIએ પૂછ્યું કે તમે આ મામલે સીધા સુપ્રીમ કોર્ટમાં કેમ ગયા? તમે તમારી મુક્તિ માટે દિલ્હી હાઈકોર્ટનો સંપર્ક કરો.
Delhi ministers Manish Sisodia and Satyendar Jain resign from their posts in the state cabinet; CM Arvind Kejriwal accepts their resignation#Delhi #TV9News pic.twitter.com/CiB3o8Ut2w
— Tv9 Gujarati (@tv9gujarati) February 28, 2023
આમ આદમી પાર્ટીએ SCની ટિપ્પણી પર કહ્યું- અમે કોર્ટના આદેશનું સન્માન કરીએ છીએ. હવે જામીન માટે હાઈકોર્ટમાં અરજી કરવામાં આવશે.
બંને નેતાઓએ રાજીનામું આપી દીધું
આપને જણાવી દઈએ કે મનીષ સિસોદિયાની CBI દ્વારા દિલ્હીના લિકર પોલિસી કૌભાંડના સંબંધમાં ધરપકડ કરવામાં આવી છે. આ ધરપકડ બાદ તેને સોમવારે રાઉઝ એવન્યુ કોર્ટમાં રજૂ કરવામાં આવ્યા. જે બાદ કોર્ટે તેને પાંચ દિવસ (4 માર્ચ સુધી) માટે CBI રિમાન્ડ પર મોકલી આપ્યા હતા. સત્યેન્દ્ર જૈનની 30 મેના રોજ ધરપકડ કરવામાં આવી હતી અને હાલમાં તે તિહાર જેલમાં બંધ છે.
સિસોદિયા 18 મંત્રાલયોનો હવાલો સંભાળી રહ્યા હતા
નોંધપાત્ર રીતે, મનીષ સિસોદિયા પાસે શિક્ષણ, નાણાં, આયોજન, જમીન અને મકાન, સેવાઓ, પ્રવાસન, કલા-સંસ્કૃતિ અને ભાષા, જાગૃતિ, શ્રમ અને રોજગાર, આરોગ્ય, ઉદ્યોગ, વીજળી, ગૃહ, શહેરી વિકાસ, સિંચાઈ ઉપરાંત જાહેર બાંધકામ વિભાગ છે. પૂર નિયંત્રણ અને પાણી વિભાગ જેવા કુલ 18 મંત્રાલયો હતા.
મનીષ સિસોદિયા AAPમાં બીજા નંબરના નેતા
મનીષ સિસોદિયાને આમ આદમી પાર્ટીમાં સીએમ કેજરીવાલ બાદ સૌથી મોટા નેતા માનવામાં આવે છે. આવી સ્થિતિમાં સિસોદિયાનું કામ કોણ સંભાળશે તે જાણવું રસપ્રદ રહેશે. કેજરીવાલના અન્ય મંત્રી સત્યેન્દ્ર જૈન પહેલાથી જ જેલમાં છે. ત્યારથી સિસોદિયા સત્યેન્દ્ર જૈનના વિભાગોનું કામ પણ સંભાળતા હતા.
