ભારતીય સેનાના નવા વાઇસ ચીફ ઓફ આર્મી સ્ટાફ તરીકે નિયુક્ત લેફ્ટનન્ટ જનરલ બીએસ રાજુ, 1 મેના રોજ પદભાર સંભાળશે
લેફ્ટનન્ટ જનરલ બીએસ રાજુને ભારતીય સેનાના (Indian Army) નવા વાઇસ ચીફ ઓફ આર્મી સ્ટાફ તરીકે નિયુક્ત કરવામાં આવ્યા છે. લેફ્ટનન્ટ જનરલ બીએસ રાજુ (Lieutenant General BS Raju) 1 મે, 2022ના રોજ વાઇસ ચીફ ઓફ આર્મી સ્ટાફ તરીકેનો કાર્યભાર સંભાળશે.
લેફ્ટનન્ટ જનરલ બીએસ રાજુને ભારતીય સેનાના (Indian Army) નવા વાઇસ ચીફ ઓફ આર્મી સ્ટાફ તરીકે નિયુક્ત કરવામાં આવ્યા છે. એડિશનલ ડિરેક્ટોરેટ જનરલ ઓફ પબ્લિક ઇન્ફોર્મેશન – ભારતીય સેનાએ ટ્વિટ કર્યું, ‘સેનાના વડા જનરલ એમએમ નરવણે (General MM Naravane) અને ભારતીય સેનાના તમામ રેન્કોએ લેફ્ટનન્ટ જનરલ બીએસ રાજુને ભારતીય સેનાના વાઇસ ચીફ ઑફ આર્મી સ્ટાફ તરીકે નિયુક્ત કર્યા છે. નિમણૂક કરવા બદલ અભિનંદન. લેફ્ટનન્ટ જનરલ બીએસ રાજુ (Lieutenant General BS Raju) 1 મે, 2022ના રોજ વાઇસ ચીફ ઓફ આર્મી સ્ટાફ તરીકેનો કાર્યભાર સંભાળશે. લેફ્ટનન્ટ જનરલ રાજુ હાલમાં ડીજી મિલિટરી ઓપરેશન્સનું નેતૃત્વ કરી રહ્યા છે.
આ એક દુર્લભ મામલો છે જ્યાં આર્મી કમાન્ડર ન હોય તેવા અધિકારી વાઇસ ચીફ ઓફ આર્મી સ્ટાફનું પદ સંભાળે છે. લેફ્ટનન્ટ જનરલ રાજુ અગાઉ શ્રીનગર સ્થિત 15 કોર્પ્સને કમાન્ડ કરી ચૂક્યા છે. નોંધનીય છે કે 1 મેના રોજ ભારતીય સેનાને લેફ્ટનન્ટ જનરલ મનોજ પાંડેના રૂપમાં (Lieutenant General Manoj Pande) નવા આર્મી ચીફ પણ મળશે. તેઓ દેશના 29મા આર્મી ચીફ હશે અને 30 એપ્રિલે નિવૃત્ત થયા બાદ જનરલ એમએમ નરવણેનું સ્થાન લેશે. તેઓ આર્મી સ્ટાફના વડા બનેલા કોર્પ્સ ઓફ એન્જિનિયર્સના પ્રથમ અધિકારી હશે. જનરલ નરવણેનો 28 મહિનાનો કાર્યકાળ પૂરો થવાનો છે.
કાશ્મીરમાં કરી ચૂક્યા છે કામ
લેફ્ટનન્ટ જનરલ બીએસ રાજુને 15 ડિસેમ્બર 1984ના રોજ જાટ રેજિમેન્ટમાં કમિશન આપવામાં આવ્યું હતું. તેમની 38 વર્ષની કારકિર્દી છે જ્યાં તેઓ આર્મી હેડક્વાર્ટરમાં ઘણી મહત્વપૂર્ણ રેજિમેન્ટ, સ્ટાફ અને સૂચનાત્મક નિમણૂંકોનો ભાગ રહ્યા છે. વાઈસ ચીફ ઓફ આર્મી સ્ટાફ તરીકે નિયુક્ત થયા પહેલા લેફ્ટનન્ટ જનરલ રાજુ ડાયરેક્ટર જનરલ મિલિટરી ઓપરેશન્સનું પદ સંભાળી રહ્યા છે. કાશ્મીરમાં તેમની તૈનાતી દરમિયાન, તેમણે ‘મા બુલા રહી હૈ’ અભિયાનમાં મુખ્ય ભૂમિકા ભજવી હતી. તેમણે એન્કાઉન્ટર સ્થળો પર જઈને આતંકવાદીઓને આત્મસમર્પણ કરવાની તક આપી હતી. તેનો હેતુ તેમને મુખ્ય પ્રવાહમાં લાવવાનો હતો. તેમના કાર્યકાળ દરમિયાન આતંકવાદી ઘટનાઓમાં પણ ઘટાડો થયો હતો.
લેફ્ટનન્ટ જનરલ રાજુ એક કુશળ હેલિકોપ્ટર પાયલટ છે. તેમણે યુનોસોમ II ના ભાગરૂપે સોમાલિયામાં ઓપરેશનલ ફ્લાઈંગ પણ કર્યું છે. તેઓ જાટ રેજિમેન્ટના કર્નલ પણ છે. તેમણે ભારતમાં તમામ મહત્વપૂર્ણ કારકિર્દી અભ્યાસક્રમોમાં હાજરી આપી છે અને યુકેમાં રોયલ કોલેજ ઓફ ડિફેન્સ સ્ટડીઝમાં એનડીસી પૂર્ણ કર્યું છે. તેમણે મોન્ટેરી, યુએસએમાં નેવલ પોસ્ટ ગ્રેજ્યુએટ સ્કૂલમાંથી કાઉન્ટર ટેરરિઝમમાં વિશિષ્ટ માસ્ટર પ્રોગ્રામની ડિગ્રી પણ મેળવી છે. સેનામાં તેમના ઉત્કૃષ્ટ યોગદાન બદલ તેમને ઉત્તમ યુદ્ધ સેવા મેડલ, અતિ વિશિષ્ટ સેવા મેડલ અને યુદ્ધ સેવા મેડલ એનાયત કરવામાં આવ્યા છે.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
