જ્ઞાનવાપી મસ્જિદ કેસમાં મહત્વપૂર્ણ નિર્ણય, કોર્ટે શિવલિંગના કાર્બન ડેટિંગની માગને ફગાવી

વારાણસીના(Varanasi) જ્ઞાનવાપી (GyanVapi Case) સ્થિત શિવલિંગની કાર્બન ડેટિંગ (Carbon dating) પર જિલ્લા અદાલતનો નિર્ણય આવ્યો છે. કોર્ટે કહ્યું છે કે શિવલિંગની કાર્બન ડેટિંગ નહીં થાય. હિંદુ પક્ષે કહ્યું કે શિવલિંગનું કાર્બન ડેટિંગ અને વૈજ્ઞાનિક પરીક્ષણ કરવું જોઈએ. તે જ સમયે, મુસ્લિમ પક્ષે આ માંગ સામે વાંધો ઉઠાવ્યો હતો. વારાણસી ડિસ્ટ્રિક્ટ કોર્ટમાં જજ અજય કૃષ્ણ વિશ્વાસ મામલાની સુનાવણી કરી રહ્યા હતા. કોર્ટરૂમની બહાર ચુસ્ત સુરક્ષા વ્યવસ્થા ગોઠવવામાં આવ્યો હતો. રાષ્ટ્રીય સમાચાર અહીં વાંચો.

જિલ્લા ન્યાયાધીશ ડૉ. અજય કૃષ્ણ વિશ્વેશની કોર્ટે 14 ઓક્ટોબરે સુનાવણીની તારીખ નક્કી કરી હતી. વાસ્તવમાં, હિન્દુ પક્ષે શિવલિંગની તપાસ માટે કાર્બન ડેટિંગની માંગ કરી હતી. બીજી તરફ મુસ્લિમ પક્ષે કાર્બન ડેટિંગ પર કોર્ટમાં પોતાનો જવાબ દાખલ કર્યો છે.

જ્ઞાનવાપીનો સર્વે થયો

રાખી સિંહ અને અન્ય લોકોએ જ્ઞાનવાપી સંકુલમાં સ્થિત શૃંગાર ગૌરીના દેવતાઓની સુરક્ષા અને નિયમિત પૂજા કરવાનો આદેશ આપવા અંગે સિવિલ જજ (વરિષ્ઠ વિભાગ), વારાણસીની કોર્ટમાં અરજી કરી હતી. કોર્ટના આદેશ પર મે મહિનામાં જ્ઞાનવાપીનો સર્વે કરવામાં આવ્યો હતો. મુસ્લિમ પક્ષે આ અંગે વાંધો ઉઠાવતા કહ્યું હતું કે આ નિર્ણય પ્લેસ ઓફ વર્શીપ એક્ટ 1991ની જોગવાઈઓ વિરુદ્ધ છે. આ દલીલ પર મુસ્લિમ પક્ષે પણ સુપ્રીમ કોર્ટનો સંપર્ક કર્યો હતો.

શું છે જ્ઞાનવાપી વિવાદ?

એવું માનવામાં આવે છે કે આ મસ્જિદ ઔરંગઝેબ દ્વારા બનાવવામાં આવી હતી. હિંદુ પક્ષ કહે છે કે મસ્જિદ પહેલા આ જ જગ્યાએ મંદિર હતું. આ મસ્જિદનું નિર્માણ મુઘલ શાસક ઔરંગઝેબ દ્વારા વર્ષ 1699માં કાશી વિશ્વનાથ મંદિરને તોડીને કરવામાં આવ્યું હતું. એવો દાવો કરવામાં આવે છે કે ભગવાન વિશ્વેશ્વરનું સ્વયંભૂ જ્યોતિર્લિંગ મંદિરમાં બિરાજમાન હતું. એવું પણ કહેવાય છે કે મંદિરના અવશેષોનો ઉપયોગ મસ્જિદમાં પણ થતો હતો.

હિંદુ અને મુસ્લિમ પક્ષનો દાવો?