Ladakh: ભારતીય સેનાએ 15,000 ફૂટની ઉંચાઈ પર ફરકાવ્યો 76 ફૂટ લાંબો રાષ્ટ્રીય ધ્વજ, ટ્વીટર પર શેયર કર્યો વીડિયો

ભારત ચીન (India-China)ની વચ્ચે ચાલી રહેલા સીમા વિવાદ (Border Dispute)ની વચ્ચે ભારતીય સેના (Indian Army)એ રવિવારે લદ્દાખ (Ladakh)માં 15,000 ફૂટની ઉંચાઈ પર 76 ફૂટ લાંબો રાષ્ટ્રધ્વજ ફરકાવ્યો (Flag Hoist). આ રાષ્ટ્રધ્વજ હનલે ઘાટીમાં ફરકાવવામાં આવ્યો છે. ભારતીય સેનાની ફાયર એન્ડ ફ્યૂરી કોરે ઝંડો ફરકાવ્યો અને તેનો એક વીડિયો પણ ટ્વીટર પર શેયર કર્યો. રાષ્ટ્રધ્વજનું નિર્માણ ભારતીય સેના અને ફ્લેગ ફાઉન્ડેશન ઓફ ઈન્ડિયા દ્વારા કરવામાં આવ્યું હતું.

ભારતીય સેનાએ જણાવ્યું કે આઝાદીના અમૃત મહોત્સવ હેઠળ આ ઝંડાને ફરકાવવામાં આવ્યો છે. વીડિયોમાં સૈનિકોના બે સમૂહ ધ્વજને સલામી આપતા નજરે આવી રહ્યા છે. જ્યારે બેકગ્રાઉન્ડમાં રાષ્ટ્રગીત વાગી રહ્યું છે.

લેહમાં ફરકાવ્યો હતો દુનિયાનો સૌથી મોટો ખાદી રાષ્ટ્રીય ધ્વજ

બીજી તરફ ભારતીય સેનાના આ પગલાને દુશ્મનો માટે એક મજબૂત સંદેશ તરીકે પણ જોવામાં આવી રહ્યું છે. આ પહેલા 2 ઓક્ટોબરે લેહમાં દુનિયાનો સૌથી મોટો ખાદી રાષ્ટ્રીય ધ્વજ ફરકાવવામાં આવ્યો હતો. આ ઝંડો 225 ફૂટ લાંબો અને 150 ફૂટ પહોળો હતા. શ્રીનગરમાં રક્ષા જનસંપર્ક અધિકારી કર્નલ ઈમરોન મુસાવીએ કહ્યું હતું કે ફાયર એન્ડ ફ્યૂરી કોરે લેહ ગેરીસનમાં એક ઐતિહાસિક કાર્યક્રમનું આયોજન કર્યુ. જ્યાં એક ઉંચા પહાડ પર ઉપરાજ્યપાલ આરકે માથુર તરફથી વિશાળ રાષ્ટ્રીય ધ્વજ ફરકાવવામાં આવ્યો. મેજર જનરલ એમએમ નરવણે અને ઉત્તરી કમાન્ડના લેફ્ટનન્ટ જનરલ વાયકે જોશીએ પણ આ કાર્યક્રમમાં હાજરી આપી હતી.

ભારતીય સેનાએ ભારતની આઝાદીના 75 વર્ષ નિમિત્તે છેલ્લા કેટલાક મહિનામાં લદ્દાખમાં અનેક કાર્યક્રમોનું આયોજન કર્યું છે. આ મહિનાની શરૂઆતમાં ભારતીય સેનાના ચિનાર કોર્પ્સે 7 નવેમ્બર, 1947ના રોજ શાલટેંગના યુદ્ધમાં કાશ્મીરીઓ અને ભારતીય સૈનિકો દ્વારા આપવામાં આવેલા બલિદાનને યાદ કરવા માટે ઐતિહાસિક ‘શાલટેંગના યુદ્ધ’ને ફરીથી બતાવવા માટે લાઈટ એન્ડ સાઉન્ડ શો યોજ્યો હતો.

આ પણ વાંચો: IND vs NZ: ન્યુઝીલેન્ડ સામે ભારતે 7 વિકેટે 184 રનનો સ્કોર ખડક્યો, રોહિત શર્માનુ અર્ધશતક, સેન્ટનરની ત્રણ વિકેટ

આ પણ વાંચો: United States: ક્લીન એનર્જી માટે બાઈડન લાવ્યા 555 અરબ ડોલરનું બિલ, આ કારણે સંસદમાં જ અટક્યુ