જમ્મુ-કાશ્મીરઃ શ્રીનગરના ઈદગાહ વિસ્તારમાં આતંકીઓએ એક યુવકને ગોળીએ વિંધી નાખ્યો

Jammu and Kashmir આગલા દિવસે પણ શ્રીનગરના સૌરા વિસ્તારમાં એક ચેકપોસ્ટ પર તૈનાત સુરક્ષાદળો અને વાહનમાં સવાર આતંકીઓ વચ્ચે ગોળીબાર થયો હતો.

Security forces deployed in Jammu and Kashmir. (Symbolic image)

TV9 Gujarati | Edited By: Bipin Prajapati | Updated on: Dec 22, 2021 | 8:13 PM

જમ્મુ-કાશ્મીરમાં (Jammu and Kashmir) આતંકવાદીઓ (Terrorist) તેમના કૃત્યોને અટકાવી નથી રહ્યાં. બુધવારે શ્રીનગર (Srinagar) શહેરના ઇદગાહ વિસ્તારમાં (Idgah area) આતંકવાદીઓએ એક વ્યક્તિને ગોળી મારી દીધી હતી. ઘાયલ યુવકને નજીકની હોસ્પિટલમાં દાખલ કરવામાં આવ્યો છે, જ્યાં તેની સારવાર કરવામાં આવી રહી છે. આ સાથે જ વિસ્તારમાં સુરક્ષા વ્યવસ્થા સઘન કરી દેવામાં આવી છે. દરેક મુલાકાતી પર નજર રાખવામાં આવી રહી છે.

આગલા દિવસે પણ શ્રીનગરના સૌરા વિસ્તારમાં એક ચેકપોસ્ટ પર તૈનાત સુરક્ષાદળો અને વાહનમાં સવાર આતંકીઓ વચ્ચે ગોળીબાર થયો હતો. અધિકારીઓના જણાવ્યા અનુસાર ફાયરિંગની ઘટનામાં કોઈ જાનહાનિ થઈ નથી. આ ઘટના સાંજે લગભગ 6.45 વાગ્યે બની જ્યારે સુરક્ષા દળોની ટીમે એક કારને સૌરા વિસ્તારમાં ચેકપોસ્ટ પાસે રોકવા કહ્યું. ડ્રાઈવરે સુરક્ષા દળોના સંકેતને અવગણીને વાહન રોક્યું ન હતું અને આતંકવાદીઓએ તેમાંથી ગોળીબાર કર્યો હતો. સુરક્ષા દળોએ પણ આતંકીઓના ગોળીબારનો જવાબ આપ્યો હતો.

Web Stories View more

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

Terrorists fired upon a civilian namely Rouf Ahmad at Merjanpora, Eidgah, PS Safakadal in Srinagar. The injured was shifted to SMHS hospital where he was declared dead. Case registered, investigation going on: Kashmir Zone Police

— ANI (@ANI) December 22, 2021

સુરક્ષા દળોએ સોમવારે જમ્મુ-કાશ્મીરના પુલવામા જિલ્લામાંથી આતંકવાદી સંગઠન જૈશ-એ-મોહમ્મદના સભ્યોના બે સહયોગીની ધરપકડ કરી છે. તેમણે કહ્યું કે ધરપકડ કરાયેલા લોકોની ઓળખ ઉમર રમઝાન અને જાવેદ અહેમદ મલ્લા તરીકે કરવામાં આવી છે. તેમની પાસેથી દારૂગોળો સહિતની શંકાસ્પદ સામગ્રી મળી આવી હતી. પ્રારંભિક તપાસમાં જાણવા મળ્યું છે કે ધરપકડ કરાયેલા આતંકવાદીઓના સહયોગીઓ જૈશ-એ-મોહમ્મદના કમાન્ડરના સંપર્કમાં હતા અને તેઓ શસ્ત્રો અને દારૂગોળો સપ્લાય કરતા હતા.

અનંતનાગ જિલ્લામાં આતંકવાદીઓના એક સાથીદારની ધરપકડ રવિવારે અનંતનાગ જિલ્લામાં સુરક્ષા દળો દ્વારા આતંકવાદીઓના એક સાથીદારની ધરપકડ કરવામાં આવી હતી અને તેની પાસેથી હથિયારો જપ્ત કરવામાં આવ્યા હતા. અનંતનાગ પોલીસ અને રાષ્ટ્રીય રાઈફલ્સના જવાનોએ ગ્રેટબલ કોઈમોહ કુલગામના રહેવાસી આતંકવાદીઓના સહયોગી ફિરોઝ અહેમદ ઝરગર ઉર્ફે કામરાનની ધરપકડ કરી હતી, એમ પોલીસ પ્રવક્તાએ જણાવ્યું હતું. સુરક્ષા દળોએ તેના કબજામાંથી એક ચાઈનીઝ પિસ્તોલ, મેગેઝીન અને અન્ય હથિયારો જપ્ત કર્યા છે. પોલીસે ગુનો દાખલ કરીને તપાસ શરૂ કરી હતી.

આ પણ વાંચોઃ