અંધારાનો લાભ લઈને LOC પાર કરી ભારતમાં ઘૂસતા જ સૈન્યે બે પાક આતંકવાદીઓને ઠાર કર્યા

જમ્મુ-કાશ્મીરમાં (Jammu Kashmir) આતંકવાદીઓની ઘૂસણખોરીના પ્રયાસો અવારનવાર થતા રહે છે. પરંતુ સેનાના જવાનોની તત્પરતાને કારણે ઘૂસણખોરીનો પ્રયાસ નિષ્ફળ જાય છે. દરમિયાન, સર્ચ ઓપરેશન દરમિયાન, તાજેતરના દિવસોમાં ઘણા આતંકવાદીઓ માર્યા ગયા છે. તાજેતરનો મામલો રાજૌરી વિસ્તારનો છે. જમ્મુ-કાશ્મીરમાં રાજૌરીના નૌશેરા સેક્ટરમાં (Naushera Sector) એલઓસી પાસે 22-23 ઓગસ્ટની મધ્ય રાત્રે આતંકવાદીઓ ઘૂસણખોરી (Infiltration)નો પ્રયાસ કરી રહ્યા હતા, સતર્ક ભારતીય સેનાના જવાનોએ આ આતંકવાદીઓની અવરજવર જોઈ, પછી બે ઘૂસણખોરો પર ગોળીબાર કરીને બન્નેને ત્યાં જ ઠાર કરી દીધા.

આ રીતે ભારતીય સેના દ્વારા અંકુશ રેખા પર પાકિસ્તાની ઘૂસણખોરીના કાવતરાને નિષ્ફળ બનાવી દેવામાં આવ્યો છે અને હાલ આ વિસ્તારમાં સર્ચ ઓપરેશન ચાલી રહ્યું છે. આ પહેલા રવિવારે ભારતીય સેનાએ નૌશેરા સેક્ટરમાં ઘૂસણખોરને ઠાર કર્યો હતો. ઘૂસણખોરની ઓળખ પાકિસ્તાની આતંકવાદી તબારક હુસૈન તરીકે થઈ હતી, પરંતુ આજે ફરી એકવાર પાકિસ્તાની આતંકવાદીઓ દ્વારા ઘૂસણખોરીનો પ્રયાસ કરવામાં આવ્યો છે, જેને ભારતીય સેનાએ સમયસર નિષ્ફળ બનાવ્યો છે. ભારતીય સૈન્યના અધિકારીઓએ જણાવ્યું કે 22 અને 23 ઓગસ્ટની મધ્યરાત્રિએ રાજૌરી જિલ્લાના નૌશેરા સેક્ટરમાં ભારતીય સેના દ્વારા ઘૂસણખોરીના કાવતરાને નિષ્ફળ બનાવવામાં આવ્યો હતો. બે ઘુસણખોરો માર્યા ગયા. હાલ આ વિસ્તારમાં સર્ચ ઓપરેશન ચાલી રહ્યું છે.

Web Stories View more

સરકારી બેંક SBI પાસેથી 5 વર્ષ માટે 13 લાખની કાર લોન પર કેટલી EMI આવશે?

જાહ્નવી કપૂર બની અપ્સરા, ચાહકો એ કહ્યું એક દમ શ્રીદેવી લાગે છે

જલદી વપરાઈ જાય છે તમારા ફોનનું ઈન્ટરનેટ ? તો બસ આટલું કરી લો સેટિંગ

ઈશા અંબાણીએ નાની દીકરીને ખોળામાં લઈને કર્યો ક્યૂટ ડાન્સ, વાયરલ થયો વીડિયો

વિરાટ કોહલીના કપડાં કેમ પહેરે છે અનુષ્કા શર્મા જાણો

Neighbour of Mukesh Ambani : આ છે મુકેશ અંબાણીના પાડોશી, પિતાને અને પત્નીને ઘરની બહાર કાઢ્યા

#UPDATE | In reconnaissance by Quadcopter, two bodies of infiltrators have been observed. The reconnaissance of the general area of attempted infiltration site is in progress. Area is being scanned further: PRO Defence Jammu

— ANI (@ANI) August 23, 2022

રવિવારે લશ્કરનો ગાઈડ પકડાયો

સંરક્ષણ વિભાગના પ્રવક્તાએ માહિતી આપી હતી કે શંકાસ્પદ આતંકવાદીઓના એક જૂથે સરહદ પારથી અંધકારની આડમાં નૌશેરાના લામના પુખરાની ગામમાં પ્રવેશવાનો પ્રયાસ કર્યો હતો. સોમવારે રાત્રે લગભગ 10 વાગ્યે એક આતંકવાદીએ લેન્ડમાઇન પર પગ મૂક્યો, જેના કારણે વિસ્ફોટ થયો. આતંકવાદીઓની હિલચાલ પર નજર રાખી રહેલા સેનાના જવાનોએ મંગળવારે સવારે વિસ્તારને ઘેરી લીધો હતો અને સર્ચ ઓપરેશન શરૂ કર્યું હતું. નૌશેરા સેક્ટરમાં ઘૂસણખોરીનો આ પ્રયાસ એવા સમયે થયો છે જ્યારે સેનાએ રવિવારે ઘાયલ હાલતમાં લશ્કર-એ-તૈયબાના એક આતંકવાદીની ધરપકડ કરી હતી. આ વ્યક્તિ પાકિસ્તાન આર્મીના ઈન્ટેલિજન્સ યુનિટ માટે પણ કામ કરતો હતો. પાકિસ્તાન અધિકૃત કાશ્મીરના સબજાકોટ ગામના રહેવાસી તબારક હુસૈન (32)ને નિયંત્રણ રેખા પાર કરવાનો પ્રયાસ કરતી વખતે ધરપકડ કરવામાં આવી હતી. છ વર્ષમાં બીજી વખત તેની ધરપકડ કરવામાં આવી છે.