ભારતમાં વધી રહી છે હીટવેવ, હવામાન વિભાગે જણાવ્યું કે તાપમાન ક્યાં અને કેવું રહેશે
ભારતીય હવામાન વિભાગ (IMD)એ શનિવારે જણાવ્યું હતું કે ઓડિશા, પશ્ચિમ બંગાળ અને ઝારખંડના કેટલાક ભાગોમાં હીટવેવની અસર જોવા મળી હતી, અને એમ પણ કહ્યું હતું કે પૂર્વીય અને દ્વીપકલ્પના મોટાભાગના વિસ્તારોમાં હીટવેવના કારણે રાત્રે ગરમી અનુભવાય છે.
ભારતીય હવામાન વિભાગ (IMD)એ શનિવારે જણાવ્યું હતું કે ઓડિશા, પશ્ચિમ બંગાળ અને ઝારખંડના કેટલાક ભાગોમાં હીટવેવની અસર જોવા મળી હતી, અને એમ પણ કહ્યું હતું કે પૂર્વીય અને દ્વીપકલ્પના મોટાભાગના વિસ્તારોમાં હીટવેવના કારણે રાત્રે ગરમી અનુભવાય છે.
જ્યારે મેદાનોમાં મહત્તમ તાપમાન 40 ડિગ્રી સેલ્સિયસથી વધુ, દરિયાકાંઠાના વિસ્તારોમાં 37 ડિગ્રી સેલ્સિયસથી વધુ અને પર્વતીય વિસ્તારોમાં 30 ડિગ્રી સેલ્સિયસથી વધુ હોય ત્યારે હીટવેવ ગણવામાં આવે છે. જો તાપમાન સતત બે દિવસ સુધી સમાન રહે છે, તો બીજા દિવસે હીટવેવ જાહેર કરવામાં આવે છે.
ક્યાં વધી હીટવેવ
હીટવેવ અંગે અધિકારીઓએ જણાવ્યું હતું કે તામિલનાડુ, કર્ણાટક અને તેલંગાણાના વિવિધ ભાગોમાં 6 અને 7 માર્ચે અને ઓડિશા, ઝારખંડ, પશ્ચિમ બંગાળ, તટીય આંધ્રપ્રદેશમાં શનિવારે હીટવેવ આવવાની શક્યતા છે. ઓડિશાના મોટાભાગના વિસ્તારોમાં તાપમાન 40-43 ડિગ્રી સેલ્સિયસ વચ્ચે રહ્યું. છત્તીસગઢ, ઝારખંડ, પશ્ચિમ બંગાળ, મધ્ય મહારાષ્ટ્ર, આંધ્રપ્રદેશ, ઉત્તર કર્ણાટક, તેલંગાણા અને તમિલનાડુના ભાગો સહિત પૂર્વી ઉત્તર પ્રદેશ અને દક્ષિણપશ્ચિમ મધ્યપ્રદેશના અલગ-અલગ સ્થળોએ તાપમાન સામાન્ય કરતા 2-4 ડિગ્રી વધુ રહ્યું. બિહાર, ગુજરાત, મહારાષ્ટ્ર, પશ્ચિમ બંગાળ, સિક્કિમ, નાગાલેન્ડ, મણિપુર, મિઝોરમ અને ત્રિપુરામાં વિવિધ સ્થળોએ લઘુત્તમ તાપમાન સામાન્ય કરતા 3-5 ડિગ્રી સેલ્સિયસ વધારે હતું.
રાત્રે ગરમી અનુભવાઈ
હીટવેવના કારણે કર્ણાટક, તેલંગાણા, પૂર્વ મધ્યપ્રદેશ, મધ્ય મહારાષ્ટ્ર, મરાઠવાડા અને ઓડિશાના જુદા જુદા ભાગોમાં માત્ર દિવસો જ નહીં પરંતુ ગરમ રાતો પણ અનુભવાઈ હતી. કેરળ અને કચ્છના દરિયાકાંઠાના વિસ્તારોમાં 6 થી 10 એપ્રિલ દરમિયાન ગરમી તેમજ ભેજની શક્યતા છે. ઓડિશા, પશ્ચિમ બંગાળ, કર્ણાટક, કોંકણ, ગોવા અને આંધ્રપ્રદેશમાં 7 થી 10 એપ્રિલ દરમિયાન ગરમી અને ભેજની શક્યતા છે.
ક્યાં વરસાદ પડ્યો
IMDના એક વરિષ્ઠ અધિકારીએ કહ્યું કે અમે ભારતના પૂર્વીય અને દ્વીપકલ્પના વિસ્તારોમાં મહત્તમ અને લઘુત્તમ તાપમાનમાં ખૂબ જ ઝડપથી વધારો જોઈ રહ્યા છીએ. IMDના એક વરિષ્ઠ અધિકારીએ જણાવ્યું કે, ઉત્તરપશ્ચિમ ભારતમાં હજુ સુધી તાપમાનમાં આટલો વધારો જોવા મળ્યો નથી. હવામાન વિભાગના જણાવ્યા અનુસાર, અરુણાચલ પ્રદેશ, જમ્મુમાં મોટાભાગના સ્થળોએ હળવાથી મધ્યમ વરસાદ અથવા તોફાન સાથે હિમવર્ષા જોવા મળી હતી- હળવો વરસાદ અથવા હિમવર્ષા સાથે કાશ્મીર અને હિમાચલ પ્રદેશમાં છૂટાછવાયા સ્થળોએ ગાજવીજ સાથે જોવા મળી હતી. આસામ અને મેઘાલયમાં કેટલાક સ્થળોએ ગાજવીજ અને ભારે પવન સાથે હળવોથી મધ્યમ વરસાદ જોવા મળ્યો હતો.
