Health : ભારતમાં સિંગલ ડોઝની વેક્સીન માટે આશાનું કિરણ, સ્પુટનિક લાઈટના ત્રીજા તબક્કાના પરીક્ષણ માટે મંજૂરી

કોરોના સામેની મહામારીમાં રસી(Vaccine ) સૌથી અસરકારક હથિયાર છે. દેશમાં કોરોનાની રસી મોટી સંખ્યામાં લોકોને આપવામાં આવી રહી છે. દરમિયાન, એક મોટા સમાચાર બહાર આવ્યા છે કે સ્પુટનિકની સિંગલ ડોઝ કોવિડ -19 રસી (સ્પુટનિક લાઈટ) ને ભારતીય વસ્તી પર ત્રીજા તબક્કાના બ્રિજિંગ ટ્રાયલ કરવા માટે ડ્રગ્સ કંટ્રોલર જનરલ ઓફ ઈન્ડિયા (DCGI) ની મંજૂરી મળી છે. DCGI ની વિષય નિષ્ણાત સમિતિ (SEC) એ સ્પુટનિક લાઇટ(Sputnik) માટે આ મંજૂરી આપી છે.

અગાઉ જુલાઇમાં, સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (સીડીએસસીઓ) ની વિષય નિષ્ણાત સમિતિએ દેશમાં રશિયન રસીના ત્રીજા તબક્કાના ટ્રાયલ કરવાની જરૂરિયાતને નકારીને સ્પુટનિક-લાઇટને કટોકટી-ઉપયોગની મંજૂરી આપવાનો ઇનકાર કર્યો હતો.

પણ હવે ડ્રગ્સ કંટ્રોલર જનરલ ઓફ ઇન્ડિયાએ સ્પુટનિક લાઇટના ત્રીજા તબક્કાના ટ્રાયલને મંજૂરી આપી છે. DCGI ની પરવાનગી પછી, તેના ત્રીજા તબક્કાની ટ્રાયલ ભારતમાં લોકો પર કરવામાં આવશે. સમિતિએ કહ્યું હતું કે સ્પુટનિક લાઈટ સ્પુટનિક V ના કમ્પોનન્ટ 1 જેવું જ છે. તેનો ડેટા ભારતની વસ્તીમાં પહેલેથી જ ચકાસાયેલ છે.

તમને જણાવી દઇએ કે ડો. રેડ્ડી લેબે રશિયન ડાયરેક્ટ ઇન્વેસ્ટમેન્ટ ફંડ સાથે ભાગીદારી કરી છે અને બંનેએ સાથે મળીને સ્પુટનિક વિકસાવ્યું છે. V વેક્સીન ભારતમાં ત્રીજા તબક્કાનું ટ્રાયલ કરવામાં આવ્યું હતું. ડો.રેડ્ડીને સલામત અને વધુ સારો ડેટા આપવા માટે કહેવામાં આવ્યું હતું. તાજેતરમાં, ધ લેન્સેટ રિપોર્ટમાં બહાર આવ્યું છે કે સ્પુટનિક લાઇટ કોરોના સામે 78.6-83.7 ટકા કાર્યક્ષમ છે, જે બે કોરોના રસીઓ કરતા સારી છે. આ અભ્યાસ 40 હજાર આર્જેન્ટિનાના રહેવાસીઓ પર કરવામાં આવ્યો હતો. સ્પુટનિક લાઇટનો ઉપયોગ કોરોના દર્દીના હોસ્પિટલમાં દાખલ થવાની સંભાવના 82.1-થી 87.6 ટકા ઘટાડે છે.

આમ હવે કોરોનાથી બચવા માટે રસીનો એક જ ડોઝ પણ પૂરતો રહેશે. તબીબી નિષ્ણાતોના જણાવ્યા પ્રમાણે કોરોના સામેની લડાઈમાં આ હથિયાર પણ અત્યંત અગત્યનું સાબિત થશે.

આ પણ વાંચો :

Child Health : બાળકને બદામ આપતા પહેલા આ આર્ટિકલ જરૂર વાંચજો

આ પણ વાંચો :

BJP: પહેલા બહુમતિ અને પછી જ્ઞાતિવાદી રાજકારણ બન્યુ ભાજપની મજબુરી, ચૂંટણી પહેલા જાણો કયા રાજ્યનાં CM બદલાઈ શકે છે