FASTag વાર્ષિક પાસ કઢાવતી વખતે આ બાબતનુ રાખજો ધ્યાન નહીં તો લાભથી વંચિત રહેવું પડશે

માર્ગ અને પરિવહન મંત્રાલય, આજે 15 ઓગસ્ટથી દેશમાં નવી વાર્ષિક FASTag પાસ સિસ્ટમ શરૂ કરી રહ્યું છે. આ પાસનો હેતુ દેશભરના રાષ્ટ્રીય ધોરીમાર્ગો અને એક્સપ્રેસવે પર ટોલ ખર્ચ ઘટાડીને લોકોને સુવિધા પૂરી પાડવાનો છે. લોકો આજે 15 ઓગસ્ટથી FASTag વાર્ષિક પાસ ખરીદી શકશે અને તેનો લાભ લઈ શકશે, પરંતુ કેટલીક બાબતો એવી છે જે પાસ ખરીદતા પહેલા ધ્યાનમાં રાખવાની રહેશે.

પાસ ખરીદતા લોકોએ એક વાર 3,000 રૂપિયા ચૂકવવા પડશે. આ પછી, તેઓ 200 વખત અથવા એક વર્ષ માટે ટોલ પ્લાઝા પાર કરી શકશે. આ પાસને કારણે, ટોલ દીઠ સરેરાશ ટોલ ખર્ચ ઘટીને રૂપિયા 15 થઈ જશે. જે અત્યાર સુધી મુસાફરી દરમિયાન 50 રૂપિયાથી વધુ છે. જો આપણે 50 રૂપિયાનો વિચાર કરીએ, તો 200 વાર ટોલ પ્લાઝા પાર કરવા માટે 10,000 રૂપિયા ચૂકવવામાં આવે. પરંતુ આ પાસનો ખર્ચ ફક્ત 3,000 રૂપિયા થશે. એટલે કે, તેનાથી સીધા 7000 રૂપિયાની બચત થઈ શકશે.

#FASTagbasedAnnualPass for ₹3,000!

✅ Valid for 1 year or up to 200 toll plaza crossings – whichever is earlier – starting from the day you activate it. ✅ Enjoy seamless travel across highways without the hassle of frequent top-ups.

Travel smarter, travel with #FASTag!… pic.twitter.com/4yt310xoyP

— NHAI (@NHAI_Official) August 14, 2025

FASTag વાર્ષિક પાસ ખરીદનારે આ બાબતો ધ્યાનમાં રાખવી પડશે

1.  ફક્ત ખાનગી વાહન માલિકો જ ફાસ્ટેગ વાર્ષિક પાસ ખરીદી શકશે. જેમ કે જેમની પાસે જીપ, કાર અથવા વાન જેવા વાહનો છે. આ સિવાય બસ, ટ્રક અથવા અન્ય ટેક્સી માલિકોને આ સુવિધા મળશે નહીં.
2.  બીજી વાત એ છે કે આ પાસનો ઉપયોગ માત્ર એ જ વાહન માટે થઈ શકશે, જેના માટે તે લેવામાં આવ્યો હોય. એટલે કે, તેને ટ્રાન્સફર કરી શકાશે નહીં. આ પાસ ફક્ત એક જ નોંધાયેલ વાહન માટે માન્ય રહેશે.
3.  ત્રીજી વાત એ છે કે, આ વાર્ષિક પાસ ફક્ત NHAI અથવા રોડ ટ્રાન્સપોર્ટ અને હાઇવે મંત્રાલયના રાષ્ટ્રીય ધોરીમાર્ગો અને એક્સપ્રેસવે પર જ લાગુ પડશે. જોકે, રાજ્ય અથવા મ્યુનિસિપલ સંસ્થાઓના રસ્તાઓ પર ટોલ અલગથી ચૂકવવો પડશે. રાજ્ય હસ્તકના એક્સપ્રેસવે અને ધોરીમાર્ગોનો આમાં સમાવેશ કરવામાં આવ્યો નથી.
4. આ વાર્ષિક પાસ ખરીદ્યા પછી પરત કરી શકાતો નથી. તે રિફંડનેપાત્ર નથી, એટલે કે એકવાર ખરીદ્યા પછી તેના પૈસા પાછા મેળવવાનો કોઈ વિકલ્પ નથી. જ્યારે પાસની માન્યતા સમાપ્ત થાય છે, ત્યારે તમારે ફરીથી ચૂકવણી કરીને નવો પાસ ખરીદવો પડશે.

પાસ કેવી રીતે ખરીદવો

પાસ ખરીદવા માટે, તમારે તમારા વાહન નંબર અને FASTag ID નો ઉપયોગ કરીને હાઇવે ટ્રાવેલ એપ્લિકેશન અથવા NHAI અથવા MoRTH વેબસાઇટ પર લોગ ઇન કરવું પડશે. ખાતરી કરો કે FASTag સક્રિય છે અને યોગ્ય રીતે ઇન્સ્ટોલ કરેલું છે. તમે UPI, ડેબિટ અથવા ક્રેડિટ કાર્ડ અથવા નેટ બેંકિંગ દ્વારા રૂપિયા 3,000 ઓનલાઈન ચૂકવી શકો છો.

FASTag ને લગતા તમામ સમચાર જાણવા માટે આપ અહીંયા ક્લિક કરો.