ફ્રાન્સના રાષ્ટ્રપતિ ઈમેન્યુઅલ મેક્રોને હિન્દીમાં ટ્વીટ કરીને PM મોદીને મોકલ્યુ આમંત્રણ, જાણો વડાપ્રધાને શું જવાબ આપ્યો

વડાપ્રધાન નરેન્દ્ર મોદી બેસ્ટિલ ડે પરેડમાં ભાગ લેવા પેરિસ જશે. તેઓ 14 જુલાઈએ મુખ્ય અતિથિ તરીકે પરેડમાં હાજરી આપશે. ફ્રાન્સના રાષ્ટ્રપતિ ઈમેન્યુઅલ મેક્રોને પીએમ મોદીને આ ખાસ પ્રસંગે હાજરી આપવા માટે આમંત્રણ મોકલ્યું છે. રાષ્ટ્રપતિ મેક્રોને હિન્દીમાં ટ્વીટ કરીને વડાપ્રધાનને પેરિસ આવવા વિનંતી કરી.

Cher Narendra, heureux de t’accueillir à Paris comme invité d’honneur du défilé du 14 juillet !

प्रिय नरेंद्र, 14 जुलाई की परेड के सम्मानित अतिथिके रूप में तुम्हारा पेरिस में स्वागत कर के मुझे बहुतखुशी होगी। pic.twitter.com/XTJi4MiE0E

— Emmanuel Macron (@EmmanuelMacron) May 5, 2023

તેમણે લખ્યું કે પેરિસમાં વડાપ્રધાન મોદીનું સ્વાગત કરીને તેમને ખૂબ જ આનંદ થશે. ફ્રાન્સના રાષ્ટ્રપતિએ તેમના ટ્વીટમાં લખ્યું, પ્રિય નરેન્દ્ર, 14મી જુલાઈની પરેડમાં મુખ્ય અતિથિ તરીકે તમારું સ્વાગત કરતાં મને ખૂબ જ આનંદ થશે.

આ પણ વાંચો: SCO Meeting 2023: ભારત સામે પાકિસ્તાન ઝુક્યુ, 600 ભારતીય માછીમારોને કરશે મુક્ત

પીએમ મોદીએ આ આમંત્રણ માટે રાષ્ટ્રપતિ મેક્રોનનો આભાર માન્યો હતો. તેમણે કહ્યું કે હું બેસ્ટિલ પરેડ દિવસ અને તમારી અને ફ્રેન્ચ લોકો સાથે અમારી વ્યૂહાત્મક ભાગીદારીની ઉજવણી કરવા માટે ખૂબ જ ઉત્સાહિત છું.

Thank you my friend @EmmanuelMacron! I look forward to celebrating Bastille Day and our Strategic Partnership with you and the French people. https://t.co/iIvIa686wL

— Narendra Modi (@narendramodi) May 5, 2023

MEAએ કહ્યું કે વડાપ્રધાન મોદીની મુલાકાત વ્યૂહાત્મક ભાગીદારીને વેગ આપશે. બંને નેતાઓની બેઠક સાથે બંને દેશો વચ્ચે વ્યૂહાત્મક, સાંસ્કૃતિક, વૈજ્ઞાનિક, શૈક્ષણિક અને આર્થિક સહયોગના લક્ષ્યો નક્કી કરવામાં આવશે. વિદેશ મંત્રાલયે પોતાના નિવેદનમાં કહ્યું છે કે ભારત અને ફ્રાન્સ બંનેની શાંતિ અને સુરક્ષા પર સમાન દ્રષ્ટિ છે. તમને જણાવી દઈએ કે બેસ્ટિલ પરેડ ડે ફ્રાંસનો રાષ્ટ્રીય દિવસ છે. તે દર વર્ષે 14 જુલાઈના રોજ ઉજવવામાં આવે છે.

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

દેશના તમામ સમાચાર વાંચવા માટે જોડાયેલા રહો…