બિહારના પૂર્વ ડેપ્યુટી સીએમ અને બીજેપી નેતા સુશીલ કુમાર મોદીનું કેન્સરથી નિધન

બિહારના પૂર્વ નાયબ મુખ્યમંત્રી અને રાજ્યસભાના પૂર્વ સાંસદ સુશીલ કુમાર મોદીનું નિધન થયું છે. 72 વર્ષની વયે તેમણે દિલ્હીની AIIMS હોસ્પિટલમાં અંતિમ શ્વાસ લીધા હતા. તેઓ છેલ્લા કેટલાક સમયથી કેન્સર સામે લડી રહ્યા હતા.

સુશીલ કુમાર મોદીનું નિધન

બિહારના રાજકારણમાં સુશીલ મોદીની એક અલગ ઓળખ હતી. મુખ્યમંત્રી નીતીશ કુમાર સાથે તેમની જોડી ખૂબ જ ખાસ માનવામાં આવી રહી છે. આ બીમારીના કારણે તેઓ છેલ્લા કેટલાક સમયથી રાજકારણથી દૂર હતા. તેણે પોતે કેન્સર સામે લડવાની વાત કરી હતી.

બિહાર બીજેપી માટે મોટો ફટકો

લોકસભાની ચૂંટણી વચ્ચે સુશીલ કુમાર મોદીનું નિધન બિહાર બીજેપી તેમજ રાષ્ટ્રીય નેતૃત્વ માટે એક મોટો ફટકો છે. પાર્ટીમાં તેમની સક્રિયતા ખાસ રહી છે. ડેપ્યુટી સીએમ ઉપરાંત તેઓ રાજ્યસભાના સાંસદ પણ રહી ચૂક્યા છે. તેમના ત્રણ દાયકાના જાહેર જીવનમાં તેઓ રાજ્યસભા, લોકસભા, વિધાન પરિષદ અને વિધાનસભા સહિત ચારેય ગૃહોના સભ્ય રહ્યા હતા.