Delhi Weekend Curfew: દિલ્લીમાં વીકએન્ડ કર્ફ્યુ શરૂ, જાણો કઈ સેવા ઉપર પ્રતિબંધ અને કઈ સેવાઓ રહેશે કાર્યરત
આવશ્યક સેવાઓ માટે ગયા અઠવાડિયે DDMA દ્વારા જાહેર કરવામાં આવેલા ઈ-પાસ કર્ફ્યુ દરમિયાન માન્ય રહેશે. તે જ સમયે સપ્તાહના કર્ફ્યુ દરમિયાન આવશ્યક ચીજવસ્તુઓ અને સેવાઓનો વેપાર કરતા સિવાય, તમામ બજારો વીકએન્ડ કર્ફ્યુ દરમિયાન સંપૂર્ણપણે બંધ રહેશે.
દેશની રાજધાની દિલ્હીમાં (Delhi) કોરોના ફેલાવાને રોકવા માટે વીકએન્ડ કર્ફ્યુ (Weekend Curfew) શુક્રવારની મોડી રાતથી લાગુ કરવામાં આવ્યો છે. જ્યાં આગામી 55 કલાક માટે રાજધાનીમાં તમામ બિન-જરૂરી પ્રવૃત્તિઓ પર પ્રતિબંધ મૂકવામાં આવ્યો છે. તે જ સમયે, દિલ્હી ડિઝાસ્ટર મેનેજમેન્ટ ઓથોરિટી (DDMA) એ 1 જાન્યુઆરીના તેના આદેશ હેઠળ, શુક્રવારની રાત્રે 10 વાગ્યાથી સોમવારે સવારે 5 વાગ્યા સુધી વીકએન્ડ કર્ફ્યુ લગાડવામાં આવ્યો છે.
આ દરમિયાન, દિલ્હી મેટ્રોના સત્તાવાર પ્રવક્તાએ જણાવ્યું હતું કે ગયા અઠવાડિયે જાહેર કરાયેલ ડીડીએમએની માર્ગદર્શિકા અનુસાર મેટ્રો ટ્રેન સેવાઓ વીકએન્ડ કર્ફ્યુ એટલે કે 15 થી 16 જાન્યુઆરી સુધી નિયમિત રહેશે. આવી સ્થિતિમાં, કર્ફ્યુ દરમિયાન, મેટ્રો સેવાઓ અને સાર્વજનિક પરિવહન બસો સંપૂર્ણ સીટ ક્ષમતા સાથે ચાલશે પરંતુ ઉભા રહીને મુસાફરીની મંજૂરી આપવામાં આવશે નહીં.
દિલ્હી મેટ્રોમાં ‘યલો લાઇન’ – હુડા સિટી સેન્ટરથી સમયપુર બદલી – અને ‘બ્લુ લાઇન’ એટલે કે દ્વારકા સેક્ટર-21 થી નોઇડા ઇલેક્ટ્રોનિક સિટી સુધી 15 મિનિટના અંતરાલ પર ટ્રેનો ઉપલબ્ધ થશે. તે જ સમયે, આવશ્યક સેવાઓ માટે ગયા અઠવાડિયે ડીડીએમએ દ્વારા જાહેર કરવામાં આવેલા ઇ-પાસ કર્ફ્યુ દરમિયાન માન્ય રહેશે. આવી સ્થિતિમાં, વીકએન્ડ કર્ફ્યુ દરમિયાન કરિયાણા, શાકભાજી અને ફળો, દવાઓ, દૂધ અને અન્ય આવશ્યક ચીજવસ્તુઓ અને સેવાઓના વેપાર સિવાયના તમામ બજારો વીકએન્ડ કર્ફ્યુ દરમિયાન સંપૂર્ણપણે બંધ રહેશે.
છેલ્લા 24 કલાકમાં કોરોનાના નવા કેસ 24 હજારને પાર, 34ના મોત
જણાવી દઈએ કે શુક્રવારે રાજધાનીમાં કોરોનાવાયરસના 24,383 નવા કેસ નોંધાયા હતા. જ્યારે 34 દર્દીઓના મોત થયા છે. તે જ સમયે, ચેપ દર વધીને 30.64 ટકા થઈ ગયો છે. જો કે ગુરુવારની સરખામણીમાં નવા કેસની સંખ્યા ઓછી છે, પરંતુ ચેપનો દર નોંધપાત્ર રીતે વધ્યો છે. જ્યાં ગુરુવારે દિલ્હીમાં કોરોનાના 28,867 કેસ નોંધાયા હતા, જે મહામારીની શરૂઆત પછી 1 દિવસમાં સૌથી વધુ વધારો છે. તે જ સમયે, 31 દર્દીઓ મૃત્યુ પામ્યા હતા જ્યારે સંક્ર્મણ દર 29.21 ટકા હતો.
दिल्ली: राष्ट्रीय राजधानी में कोविड के बढ़ते मामलों को देखते हुए वीकेंड कर्फ्यू जारी है। पुलिस जगह-जगह बैरिकेड्स लगाकर दिशानिर्देशों का अनुपालन सुनिश्चित कर रही है। तस्वीरें गाज़ीपुर बॉर्डर से हैं। #COVID19
वीकेंड कर्फ्यू शुक्रवार रात 10 बजे से सोमवार सुबह 5 बजे तक लागू रहेगा। pic.twitter.com/l1Dg7eZ6U4
— ANI_HindiNews (@AHindinews) January 14, 2022
નોંધનીય છે કે દિલ્હીમાં એક જ દિવસમાં સૌથી વધુ વધારો નોંધાયો હતો, જ્યારે ગયા વર્ષે 20 એપ્રિલે 28,395 કેસ નોંધાયા હતા. આરોગ્ય વિભાગના ડેટા અનુસાર, શુક્રવારનો સંક્ર્મણ દર ગયા વર્ષે 1 મે પછી સૌથી વધુ છે, જ્યારે તે 31.61 ટકા હતો.
આ પણ વાંચો : Happy Birthday Bhanupriya : ભાનુપ્રિયાએ એક્ટિંગ માટે છોડી દીધી સ્કૂલ, જાણો તેની સાથે જોડાયેલી રસપ્રદ વાતો
આ પણ વાંચો : Earthquake in Pakistan: ધરતીકંપના આચંકાથી ધ્રુજી ઉઠયું પાકિસ્તાન, રિક્ટર સ્કેલ પર નોંધાઈ 5.6ની તીવ્રતા
