Delhi Weather Report: રાજધાનીમાં આગામી 10 દિવસો માટે હીટ વેવની આગાહી, 42 ડિગ્રી સુધી પહોંચી શકે છે તાપમાન, હવામાન વિભાગે જાહેર કર્યું યલો એલર્ટ
IMDએ તેની એડવાઈઝરીમાં સામાન્ય લોકોને ડિહાઈડ્રેશનથી બચવા કહ્યું છે. હવામાન વિભાગે લોકોને તરસ ન લાગે તો પણ પૂરતું પાણી પીવાની સલાહ આપી છે.
દેશની રાજધાની દિલ્હી (Delhi) ના લોકોએ બુધવારથી હીટ વેવ માટે તૈયાર રહેવું પડશે. હવામાન વિભાગ (IMD) એ મંગળવારે ‘યલો’ એલર્ટ જાહેર કર્યું છે. તેણે આગામી 10 દિવસ સુધી ભારે હીટવેવની પણ આગાહી કરી છે. એડવાઈઝરી જાહેર કરતી વખતે, વિભાગે લોકોને ખાસ કરીને બપોરે 12 થી 3 વાગ્યાની વચ્ચે ગરમીથી બચવા કહ્યું છે. ઘરની અંદર અને બહાર પૂરતું પાણી પીવાની સલાહ આપવામાં આવી છે. IMD (Delhi Weather Report) મુજબ, શહેરના બેઝ સ્ટેશન સફદરજંગ ખાતે બુધવારે મહત્તમ તાપમાન 40 ડિગ્રી સેલ્સિયસ સુધી પહોંચવાની સંભાવના છે અને 8 એપ્રિલે 42 ડિગ્રી સેલ્સિયસ સુધી પહોંચવાની સંભાવના છે.
મહત્તમ તાપમાન 40 ડિગ્રી સેલ્સિયસ ઉપર
હવામાન વિભાગ (IMD)ના જણાવ્યા મુજબ, છેલ્લા કેટલાક દિવસોથી શહેરના કેટલાક ભાગોમાં હીટ વેવની સ્થિતી છે. મંગળવારે અનેક વિસ્તારોમાં મહત્તમ તાપમાન 40 ડિગ્રી સેલ્સિયસને પાર કરી ગયું હતું. રિજમાં 40.4, નજફગઢમાં 40.2, પીતમપુરામાં 40.6 અને સ્પોર્ટ્સ કોમ્પ્લેક્સમાં 40.7 ડિગ્રી સેલ્સિયસ તાપમાન નોંધાયું હતું. સફદરજંગમાં મહત્તમ તાપમાન 38.7 ડિગ્રી સેલ્સિયસ નોંધાયું હતું, જે સામાન્ય કરતાં ચાર ડિગ્રી વધારે હતું, જ્યારે લઘુત્તમ તાપમાન 19 ડિગ્રી સેલ્સિયસ નોંધાયું હતું. તેમજ ભેજનું પ્રમાણ 15 ટકાથી 72 ટકાની વચ્ચે રહ્યું હતું.
વરસાદની કોઈ શક્યતા નથી
હવામાન વિભાગની (Weather Forecast) આગાહી મુજબ, વરસાદની કોઈ શક્યતા ન હોવાથી આગામી દિવસોમાં હવામાન સૂકું અને ગરમ રહેવાની ધારણા છે. આગામી 10 દિવસ સુધી હીટવેવની સ્થિતિની અપેક્ષા છે. IMDના વરિષ્ઠ વૈજ્ઞાનિક આરકે જેનામણીએ જણાવ્યું હતું કે હીટવેવની સ્થિતિ નાના બાળકો, વૃદ્ધો અને લાંબી માંદગી ધરાવતા લોકો સહિત સંવેદનશીલ લોકો માટે સ્વાસ્થ્ય સમસ્યાઓનું કારણ બની શકે છે. તેમણે કહ્યું કે આ રોગના લક્ષણોની સંભાવના વધી જાય છે કે જે લોકો લાંબા સમય સુધી સૂર્યના સંપર્કમાં રહે છે અથવા ભારે કામ કરે છે.
ડિહાઇડ્રેશન ટાળવા માટેની ટીપ્સ
IMD સામાન્ય જનતા માટે તેની એડવાઈઝરીમાં લોકોને ઠંડા રહેવા અને ડિહાઇડ્રેશન ટાળવા જણાવ્યું છે. લોકોને હળવા રંગના, ઢીલા, સુતરાઉ કપડાં પહેરવા અને કપડા અથવા છત્રીથી માથું ઢાંકવાની સલાહ આપવામાં આવી છે. હવામાન વિભાગે લોકોને તરસ ન લાગે તો પણ પૂરતું પાણી પીવાની સલાહ આપી છે.
હીટવેવ શું છે?
IMD મુજબ, જ્યારે મહત્તમ તાપમાન 4.5 ડિગ્રી અને સામાન્ય કરતાં વધુ અને ઓછામાં ઓછું 40 ડિગ્રી સેલ્સિયસ હોય ત્યારે તેને કહેવામાં આવે છે. જો મહત્તમ તાપમાન 45 ° સે કે તેથી વધુ હોય, તો પણ તેને હીટવેવ ગણવામાં આવે છે. જ્યારે મહત્તમ તાપમાન 6.5 ડિગ્રી અથવા તેનાથી વધુ હોય ત્યારે ‘ગંભીર’ હીટવેવ થાય છે.
આ પણ વાંચો:
આ પણ વાંચો:
Rajkot : દિલ્હીના AAPના શિક્ષણ મોડેલનો શિક્ષણમંત્રી જીતુ વાઘાણીએ આપ્યો સણસણતો જવાબ
Latest News Updates
