Delhi Weekend Curfew: એલજીએ વીકએન્ડ કર્ફ્યુ હટાવવાની મંજૂરી ના આપી, ઓફિસમાં 50 ટકા ક્ષમતા સાથે કામ કરવા સંમત

દિલ્લીના મુખ્ય પ્રધાન અરવિંદ કેજરીવાલે (CM Arvind Kejriwal)  એલજી અનિલ બૈજલને (LG Anil Baijal) દિલ્હીમાં વીકએન્ડ કર્ફ્યુ (Weekend Curfew) હટાવવાનો પ્રસ્તાવ મોકલ્યો હતો. એલજી હાઉસ ખાનગી ઓફિસોમાં 50 ટકા હાજરી સાથે કચેરીઓ ચાલુ કરવા માટે સંમત છે. પરંતુ એવું સૂચન કરવામાં આવ્યું છે કે સપ્તાહના અંતે કર્ફ્યુ અને બજારો ખોલવા અંગે યથાસ્થિતિ જાળવી રાખવી જોઈએ અને કોરોનાની સ્થિતિ સુધર્યા બાદ આ વિષય પર નિર્ણય લેવામાં આવે. એટલે કે, એલજી અનિલ બૈજલે દિલ્લીમાં લગાવેલા વીકએન્ડ કર્ફ્યુ હટાવવાની મંજૂરી આપી નથી.

દિલ્હીમાં કોરોનાના ઘટતા કેસોને જોતા દિલ્હીના મુખ્યમંત્રી અરવિંદ કેજરીવાલે લેફ્ટનન્ટ ગવર્નરને સપ્તાહના અંતમાં કર્ફ્યુ સમાપ્ત કરવા માટે પત્ર લખીને ભલામણ કરી હતી. દરખાસ્તમાં, દિલ્હીના મુખ્ય પ્રધાને બજારોમાં ઓડ-ઇવન સિસ્ટમ દૂર કરવા અને ખાનગી ઓફિસોને 50 % ક્ષમતા પર કામ કરવાની મંજૂરી આપવાનું પણ કહ્યું હતું. હકીકતમાં, કોરોનાના વધતા જતા કેસ પછી, રાજધાનીમાં શનિવાર અને રવિવારે કર્ફ્યુ લાદવામાં આવ્યો હતો.

બીજી તરફ, દિલ્હીના નાયબ મુખ્ય પ્રધાન મનીષ સિસોદિયાએ કહ્યું કે કોરોનાની વર્તમાન લહેરમાં સૌથી વધુ કેસ દિલ્લીમાં જોવા મળ્યા છે. એક દિવસમાં 28 હજારથી વધુ કેસ નોંધાયા હતા. ત્રણ-ચાર દિવસ પહેલા સકારાત્મકતા દર પણ 31 ટકા પર પહોંચી ગયો હતો. હવે સાડા 10 હજાર કેસ પહોંચી ગયા છે અને સકારાત્મકતા દર પણ ઘટીને 17 ટકા પર આવી ગયો છે. જ્યારે કોરોનાના વધુ કેસ સામે આવ્યા, ત્યારે નિયંત્રણો લાદવામાં આવ્યા અને કડક નિર્ણયો લેવામાં આવ્યા. હવે એવું લાગે છે કે આ લહેરની પીક પસાર થઈ ગઈ છે. ત્યારે અરવિંદ કેજરીવાલ સરકારે લોકોના રોજગારને લઈને કેટલાક નિર્ણયો લીધા છે.

#UPDATE | Agreed to 50% attendance in Pvt offices. But suggested that status quo be maintained with regards to weekend curfew and opening of markets and decision be taken on the subject once the COVID situation improves further: LG House

— ANI (@ANI) January 21, 2022

આ પણ વાંચોઃ

બેકાબૂ બન્યો કોરોના : આ 6 રાજ્યોની કોરોના સ્થિતિ અંગે આરોગ્ય મંત્રાલયે વ્યક્ત કરી ચિંતા, જાણો સમગ્ર વિગત

આ પણ વાંચોઃ

આ રાજ્યમાં Corona બેકાબૂ, એક દિવસમાં 46 હજાર નવા કેસ આવતા આગામી બે રવિવારે સંપૂર્ણ Lockdown