Delhi Air Pollution: સતત ત્રીજા દિવસે દિલ્લીવાસીઓને મળી રાહત ! AQI ઘટીને 235 પર આવી ગયો
દિલ્હીનો 24-કલાકનો સરેરાશ હવા ગુણવત્તા સૂચકાંક (AQI) મંગળવારે 255 હતો. જે સોમવારના 322 કરતાં વધુ સારો છે. જ્યારે બુધવારે તે 235 નોંધાયો હતો.
દિલ્હીમાં વાયુ પ્રદૂષણનું (Delhi Air Pollution) સ્તર હવે સારું થઈ રહ્યું છે. રાજધાનીમાં એર ક્વોલિટી ઈન્ડેક્સ (AQI) સતત ત્રીજા દિવસે સુધર્યો છે. બુધવારે દિલ્હીની હવાની ગુણવત્તા ‘ખૂબ જ ખરાબ’ શ્રેણીમાંથી ‘ખરાબ’ થઈ ગઈ હતી. કેન્દ્રીય પૃથ્વી વિજ્ઞાન મંત્રાલયની સિસ્ટમ ઓફ એર ક્વોલિટી એન્ડ વેધર ફોરકાસ્ટિંગ એન્ડ રિસર્ચ (SAFAR) અનુસાર, બુધવારે AQI 235 નોંધવામાં આવ્યો છે.
મંગળવારે દિલ્હીનો 24-કલાકનો સરેરાશ AQI 255 હતો. જે સોમવારના 322 કરતાં વધુ સારો છે. જ્યારે બુધવારે તે 235 નોંધાયો હતો. જેની સાથે દિલ્હીની હવાની ગુણવત્તા ‘ખૂબ જ ખરાબ’ શ્રેણીમાંથી ‘ખરાબ’ થઈ ગઈ છે. સેન્ટ્રલ પોલ્યુશન કંટ્રોલ બોર્ડ અને સફરના જણાવ્યા અનુસાર હાલ પ્રદૂષણમાંથી કોઈ રાહત નથી અને આગામી 3 દિવસમાં સ્થિતિ વધુ વણસી શકે છે. ઠંડી, ધુમ્મસ અને પવનની ઓછી ઝડપને કારણે આગામી ત્રણ દિવસમાં રાજધાનીમાં પ્રદૂષણમાં વધારો થવાની આશંકા છે.
આ પ્રતિબંધ 12 ડિસેમ્બર સુધી ચાલુ રહેશે નેશનલ કેપિટલ રિજન (NCR) માં વાયુ પ્રદૂષણના જોખમને પહોંચી વળવા માટે એર ક્વોલિટી મેનેજમેન્ટ કમિશન (CAQM) એ મંગળવારે એવા તમામ ઉદ્યોગોને તાત્કાલિક બંધ કરવાનો આદેશ આપ્યો કે જેઓ ઔદ્યોગિક વિસ્તારોમાં ઉપલબ્ધ હોવા છતાં સ્વચ્છ ઇંધણ તરફ વળ્યા છે.
આ સિવાય દિલ્હી સરકારે કહ્યું કે ટ્રકોના પ્રવેશ પરનો પ્રતિબંધ આગામી આદેશો સુધી ચાલુ રહેશે. જ્યારે સીએનજી, ઇ-ટ્રક અને આવશ્યક ચીજવસ્તુઓ વહન કરતી ટ્રકોને મંજૂરી આપવામાં આવશે. સંસ્થાએ કહ્યું કે ઉલ્લંઘન કરનારા ઉદ્યોગો અને ઔદ્યોગિક એકમોને 12 ડિસેમ્બર 2021 સુધી કામ કરવાની મંજૂરી આપવામાં આવશે નહીં અને તે પછી વધુ નિર્ણયો માટે આદેશની સમીક્ષા કરવામાં આવશે.
લઘુત્તમ તાપમાનમાં બેથી ત્રણ ડિગ્રીનો ઘટાડો થઈ શકે છે બીજી તરફ પવનની ગતિમાં વધારો થવાને કારણે પ્રદૂષકોના ફેલાવાને કારણે મંગળવારે રાષ્ટ્રીય રાજધાનીની હવાની ગુણવત્તામાં નોંધપાત્ર સુધારો થયો હતો. મંગળવારે પડોશી ફરિદાબાદ (234), ગાઝિયાબાદ (235), ગ્રેટર નોઈડા (174), ગુરુગ્રામ (248) અને નોઈડા (212)માં હવાની ગુણવત્તા ‘ખરાબ’ થી ‘ખૂબ જ ખરાબ’ શ્રેણીમાં નોંધવામાં આવી હતી.
મંગળવારે દિલ્હીમાં લઘુત્તમ તાપમાન 11.4 ડિગ્રી સેલ્સિયસ અને મહત્તમ તાપમાન 25.1 ડિગ્રી સેલ્સિયસ નોંધાયું હતું. જે સામાન્ય કરતાં બે ડિગ્રી વધારે હતું. આગામી ત્રણથી ચાર દિવસમાં લઘુત્તમ તાપમાનમાં બેથી ત્રણ ડિગ્રી સેલ્સિયસનો ઘટાડો થવાની સંભાવના છે.
આ પણ વાંચો : Video: દુલ્હા-દુલ્હન સામે જ પડી ગઈ તેમની લગ્નની કેક, આ જોઈ કપલના શ્વાસ અધ્ધર થઈ ગયા
Latest News Updates
