Covaxin for Children : હવે 2થી 18 વર્ષના બાળકોને પણ અપાશે કોરોનાની વેક્સિન, ટુંક સમયમાં સરકાર જાહેર કરશે ગાઈડલાઈન

કોરોના વાયરસ વિરોધી રસી હવે 2 થી 18 વર્ષના બાળકોને ઉપલબ્ધ થશે. સમાચાર એજન્સી એએનઆઈએ રાજ્યકક્ષાના આરોગ્ય પ્રધાન ભારતી પ્રવિણ પવારને ટાંકીને આપેલા અહેવાલ અનુસાર, વિષય નિષ્ણાત સમિતિ (Subject Expert Committee-SEC) એ DCGI ( Drugs Controller General of India) ને ભારત બાયોટેકની રસી કોવાસીનના 2-18 વર્ષનાં બાળકો માટે ઉપયોગ કરવાની ભલામણ કરી છે. અહેવાલ છે કે 2 વર્ષથી 18 વર્ષ સુધીના બાળકોને કોવાસીન ( Covaxin) સામે રસી આપી શકાય છે, તેને મંજૂરી આપવામાં આવી છે. ભારત સરકાર દ્વારા બાળકોના રસીકરણ સંબંધિત માર્ગદર્શિકા ટૂંક સમયમાં જારી કરવામાં આવશે. તમને જણાવી દઈએ કે કોવાસીન ભારત બાયોટેક અને ICMR દ્વારા સંયુક્ત રીતે તૈયાર કરવામાં આવી છે. આ રસી અજમાયશમાં 78 ટકા અસરકારક હોવાનું જાણવા મળ્યું છે.

The evaluation is still going on. There is some confusion & the talks are underway with the experts’ committee. Till now Drugs Controller General of India (DCGI) hasn’t approved it: MoS Health, Dr Bharati Pravin Pawar on approval to Covaxin for 2-18 years age group pic.twitter.com/OKb3AJDaOQ

— ANI (@ANI) October 12, 2021

કોરોનાની રસી અંગે બાળકો માટે રાહતના સમાચાર છે.  2 વર્ષથી 18 વર્ષના બાળકો માટે કોરોનાની રસીનો ઉપયોગ કરવાની મંજૂરી આપવા વિષય નિષ્ણાંત સમિતીએ, ડ્રગ્સ કંટ્રોલર જનરલ ઓફ ઈન્ડિયાને ભલામણ કરી છે. મળતી માહિતી મુજબ, ભારત બાયોટેકની (Bharat Biotech) કોવેક્સિનનને (Covaxin) આ માટે ભલામણ કરવામાં આવી છે. રસીકરણ દરમિયાન બાળકોને કોવેક્સિનના બે ડોઝ પણ આપવામાં આવશે. કહેવામાં આવી રહ્યું છે કે સરકાર દ્વારા ટૂંક સમયમાં આ અંગે માર્ગદર્શિકા પણ જારી કરવામાં આવશે. હાલમાં 18 વર્ષથી મોટી ઉમરના લોકોને કોરોના વિરુધ્ધની રસી આપવામાં આવી રહી છે.

તમને જણાવી દઈએ કે બાળકો માટે કોરોનાની રસી મેળવવાની પદ્ધતિ પુખ્ત વયના લોકો જેવી જ હશે. રસી બાળકોને ઈન્જેક્શન દ્વારા જ આપવામાં આવશે અને બે ડોઝ આપવામાં આવશે. જણાવવામાં આવી રહ્યું છે કે બાળકોને રસી આપવાનું કામ તબક્કાવાર શરૂ કરવામાં આવશે. એવું માનવામાં આવે છે કે ઉચ્ચ જોખમ ધરાવતા બાળકોને આમાં પ્રાથમિકતા મળી શકે છે.

કોવેક્સિનને ભારત બાયોટેક અને ICMRએ મળીને બનાવી છે. આ ભારતની પહેલી સ્વદેશી વેક્સિન છે અને કોરોના વાયરસના વિરુદ્ધ કોવેક્સિન ક્લીનિકલ ટ્રાયલ્સમાં 78 ટકા અસરદાર સાબિત થઇ છે.

કોવેક્સિન કોરોના વેક્સિનને બાળકો માટે મંજૂરીની ખબર રાહત આપનાર છે. કારણ કે કોરોનાની સંભવિત ત્રીજી લહેરમાં બાળકો સૌથી વધુ પ્રભાવિત થવાની શક્યતા છે માટે જ જો પહેલાથી બાળકોને રસી આપવાનું શરૂ કરવામાં આવે તો બાળકોને બચાવી શકાશે.

ભારત બાયોટેક ઈન્ટરનેશનલ લિમિટેડના ચેરમેન અને મેનેજિંગ ડિરેક્ટર કૃષ્ણા એલાએ 21 સપ્ટેમ્બરે જણાવ્યું હતું કે, પેડિયાટ્રિક કોવેક્સિનને લગભગ 1,000 વિષયો સાથેનો 2/3 તબક્કો પૂર્ણ કર્યો છે અને ડેટા વિશ્લેષણ ચાલી રહ્યું છે.

રસી સંબંધિત ટ્રાયલ વિશે વાત કરીએ તો સપ્ટેમ્બરના અંતમાં, ભારત બાયોટેકે 18 વર્ષથી ઓછી ઉંમરના બાળકો પર ઉપયોગ કરવા માટે કોવિડ વિરોધી રસી કોવેક્સિનનો બીજો -ત્રીજો તબક્કો પૂર્ણ કરી લીધો હતો. આ દરમિયાન, કંપનીએ કહ્યું હતું કે ઓક્ટોબરમાં કોવેક્સિનનું ઉત્પાદન 5.5 મિલિયન ડોઝ સુધી પહોંચશે, જે સપ્ટેમ્બરમાં 3.5 મિલિયન ડોઝ છે.

આ પણ વાંચો –

Kolkata Building Collapsed: કોલકાતામાં દુર્ગા પૂજા દરમિયાન અકસ્માત, ઘરનો એક ભાગ તૂટી પડતા 1 નું મોત અને 4 ઘાયલ

આ પણ વાંચો –

અમદાવાદ જિલ્લા કલેક્ટરના હસ્તે વૅબપૉર્ટલ “આશિષ”નું લોકાર્પણ, હેલ્થ ઇમરજન્સી દરમિયાન દર્દીઓના મૃત્યુદર ઘટાડવાનો લક્ષ્યાંક

આ પણ વાંચો –

Lakhimpur Violence: પ્રિયંકા ગાંધી ‘શહીદ દિવસ’ અને ‘પ્રાર્થના સભા’માં સામેલ થશે, BKU એ કહ્યું – સ્ટેજ પર સ્થાન નહીં આપે