OMICRON : રાજસ્થાનમાં ઓમિક્રોન વેરીએન્ટના 9 કેસ નોંધાયા, દેશમાં કુલ સંખ્યા 21 થઇ

Omicron News: રાજસ્થાનના જયપુરમાં કોરોના વાયરસના નવા પ્રકાર ઓમિક્રોનના નવ કેસ નોંધાયા છે. દક્ષિણ આફ્રિકાથી પરત ફરેલા ચાર લોકોમાં ઓમિક્રોન વેરિઅન્ટ જોવા મળ્યું છે, આ ચારેયને RUHSમાં દાખલ કરવામાં આવ્યા છે. આ ઉપરાંત આ લોકોના સંપર્કમાં આવેલા વધુ પાંચ લોકોમાં પણ ઓમિક્રોન વેરિઅન્ટની પુષ્ટિ થઈ છે. આ નવા કેસ સાથે, હવે દેશમાં આ પ્રકારથી સંક્રમિત લોકોની કુલ સંખ્યા 21 પર પહોંચી ગઈ છે.

મેડિકલ સેક્રેટરી વૈભવ ગલરિયાએ કહ્યું કે સંક્રમિત લોકોના જીનોમ સિક્વન્સિંગથી પુષ્ટિ થઈ છે કે નવ લોકો કોરોના વાયરસના નવા સ્વરૂપ ઓમિક્રોનથી સંક્રમિત થયા છે.

ગેલેરિયાએ જણાવ્યું હતું કે વિભાગે પહેલાથી જ દક્ષિણ આફ્રિકાથી પરત ફરેલા પરિવારના ચારેય સભ્યોને RUHS હોસ્પિટલમાં દાખલ કર્યા હતા. તેના સંપર્કમાં આવેલા અન્ય પાંચ લોકોને પણ ચેપ લાગ્યો છે, તેઓને પણ RUHSમાં દાખલ કરવામાં આવી રહ્યા છે.

તેમણે જણાવ્યું કે દક્ષિણ આફ્રિકાથી પરત ફરેલા પરિવાર સહિત તેમના સંપર્કમાં આવેલા 34 લોકોના સેમ્પલ લેવામાં આવ્યા હતા, જેમાંથી 9 લોકોને ઓમિક્રોનથી સંક્રમિત હોવાની પુષ્ટિ થઈ છે જ્યારે 25 લોકોના રિપોર્ટ નેગેટિવ આવ્યા છે.

તેમણે જણાવ્યું કે સીકર જિલ્લાના અજીતગઢનો એક પરિવાર પણ પરિવારના સંપર્કમાં આવ્યો હતો, તે તમામની પણ તપાસ કરવામાં આવી છે પરંતુ તેમનો રિપોર્ટ નેગેટિવ આવ્યો છે. તેમણે કહ્યું કે સંપર્કમાં આવેલા તમામ લોકોના મોટા પાયે કોન્ટેક્ટ ટ્રેસિંગ કરીને સેમ્પલ લેવામાં આવી રહ્યા છે.

આ પણ વાંચો : CORONA : ગુજરાતમાં નવા 48 કેસ, રાજ્યના 8 માંથી 6 મનપા વિસ્તારમાં કોરોનાના કેસ નોંધાયા, જાણો કોરોનાના તમામ સમાચાર

આ પણ વાંચો : ઓમીક્રોનનો આતંક, મહારાષ્ટ્રમાં આજે સામે આવ્યા 7 ઓમીક્રોનના દર્દી, દેશમાં અત્યાર સુધી 21 લોકો થઈ ચુક્યા છે સંક્રમિત