કોરોના મહામારી : ભારતીય રક્ષા મંત્રાલયે આપ્યો સેનાના સેવાનિવૃત 400 મેડિકલ ઓફિસરોનો ભરતીનો આદેશ

ભારતીય સંરક્ષણ મંત્રાલયે રવિવારે કહ્યું હતું કે તેણે સશસ્ત્ર દળ તબીબી સેવાઓ (એએફએમએસ) સૈન્ય મેડિકલ કોર્પ્સ (એએમસી) અને શોર્ટ સર્વિસ કમિશન (એસએસસી) ના 400 નિવૃત્ત તબીબી અધિકારીઓની ભરતી કરવાનો આદેશ આપ્યો છે.

કોરોના મહામારી : ભારતીય રક્ષા મંત્રાલયે આપ્યો સેનાના સેવાનિવૃત 400 મેડિકલ ઓફિસરોનો ભરતીનો આદેશ
કોરોના : સેનાના સેવાનિવૃત 400 મેડિકલ ઓફિસરોનો ભરતીનો આદેશ

ભારતીય સંરક્ષણ મંત્રાલયે રવિવારે કહ્યું હતું કે તેણે સશસ્ત્ર દળ તબીબી સેવાઓ (એએફએમએસ) સૈન્ય મેડિકલ કોર્પ્સ (એએમસી) અને શોર્ટ સર્વિસ કમિશન (એસએસસી) ના 400 નિવૃત્ત તબીબી અધિકારીઓની ભરતી કરવાનો આદેશ આપ્યો છે.

Corona વાયરસના ચેપની બીજી લહેરથી ભારત વધારે પ્રભાવિત થયું છે અને ઘણા રાજ્યોની હોસ્પિટલોમાં આરોગ્ય કર્મચારીઓ, રસીઓ, ઓક્સિજન, દવાઓ અને પથારીનો અછત છે.

સંરક્ષણ મંત્રાલયના નિવેદનમાં કહેવામાં આવ્યું છે કે, ટૂર ઓફ ડ્યુટી યોજના હેઠળ 400 ભૂતપૂર્વ એએમસી અથવા એસએસસી મેડિકલ અધિકારીઓની મહત્તમ 11 મહિનાની મુદત માટે કરાર આધારીત ભરતી થવાની અપેક્ષા છે. જેમની સેવાઓ 2017 થી 2021 ની વચ્ચે છે.

તેમાં જણાવાયું છે કે આ તબીબી અધિકારીઓને નિશ્ચિત માસિક રકમ ચૂકવવામાં આવશે. જેની નિવૃત્તિ સમયે લેવામાં આવતા પગારમાંથી મૂળ પેન્શન બાદ કરીને ગણતરી કરવામાં આવશે. તેમણે કહ્યું હતું કે જો નિષ્ણાતોને કોઈ વધારાની ચુકવણી કરવામાં આવે તો તે આ એકમ રકમની ટોચ પર કરવામાં આવશે.

આ કરારની મુદત દરમિયાન રકમ યથાવત રહેશે અને અન્ય કોઈ ભથ્થા ચૂકવવામાં આવશે નહીં. હાજર થવા માટેના તબીબી અધિકારીઓએ સામાન્ય તબીબી ધોરણે ફિટ હોવું જરૂરી છે.

એએફએમએસએ Corona રોગચાળાના બીજી લહેરને પહોંચી વળવા માટે નિષ્ણાતો, સુપર નિષ્ણાતો અને પેરામેડિકલ કર્મચારીઓ સહિત વધારાના ડોકટરોને વિવિધ હોસ્પિટલોમાં તૈનાત કરી દીધા છે. એએફએમએસ એસએસસી ડોકટરો માટે સેવાનિવૃતિ 31 ડિસેમ્બર સુધી વધારી દીધી છે. જેના પગલે 238 વધુ ડોકટરોનો વધારો થયો છે.

ઉલ્લેખનીય છે કે,  ભારતમાંCorona  વાયરસના ચેપના 4,03,738 નવા કેસો આવ્યા પછી દેશમાં અત્યાર સુધીમાં ચેપગ્રસ્ત લોકોની કુલ સંખ્યા વધીને 2,22,96,414 થઈ ગઈ છે. કેન્દ્રીય આરોગ્ય મંત્રાલયના રવિવારે સવારે આઠ વાગ્યે અપડેટ કરવામાં આવેલા આંકડા મુજબ, દેશમાં વધુ 4,092 દર્દીઓનાં મોત પછી કુલ મૃત્યુઆંક 2,42,362 પર પહોંચી ગયો છે. દેશમાં સારવાર હેઠળના દર્દીઓની સંખ્યા સતત વધીને, 37,36,64,88 થઈ ગઈ છે, જે ચેપના કુલ કેસોના 1.76 ટકા છે.