Coromandel Train Accident: કોરોમંડલ ટ્રેન દુર્ઘટના બાદ ગૌતમ અદાણીની મોટી જાહેરાત, માતા-પિતા ગુમાવનારા બાળકોના અભ્યાસની લીધી જવાબદારી

Coromandel Train Accident: કોરોમંડલ ટ્રેન દુર્ઘટના પર ગૌતમ અદાણીએ (Gautam Adani) મોટી જાહેરાત કરી છે. એક ટ્વીટમાં તેમણે કહ્યું કે જે બાળકોએ અકસ્માતમાં પોતાના માતા-પિતાને ગુમાવ્યા છે, હવે તેમના શિક્ષણની જવાબદારી ગૌતમ અદાણી પોતે લેશે. જણાવી દઈએ કે, ઓડિશામાં કોરોમંડલ ટ્રેન દુર્ઘટનામાં લગભગ 275 લોકોએ જીવ ગુમાવ્યા છે. તે જ સમયે, 900થી વધુ લોકો ઘાયલ થયા છે. જેમાં બાળકો, વૃદ્ધો સહિત અનેક લોકો સામેલ છે. ટ્રેન દુર્ઘટનાએ સમગ્ર દેશને હચમચાવી દીધો છે. જો કે, જેમણે જીવ ગુમાવ્યો છે તેમને કોઈ પરત લાવી શકતું નથી. પરંતુ ગૌતમ અદાણીના આ નિવેદનથી માતાપિતા ગુમાવનારા બાળકોને મોટી રાહત મળી છે.

उड़ीसा की रेल दुर्घटना से हम सभी बेहद व्यथित हैं।

हमने फैसला लिया है कि जिन मासूमों ने इस हादसे में अपने अभिभावकों को खोया है उनकी स्कूली शिक्षा की जिम्मेदारी अडाणी समूह उठाएगा।

पीड़ितों एवं उनके परिजनों को संबल और बच्चों को बेहतर कल मिले यह हम सभी की संयुक्त जिम्मेदारी है।

— Gautam Adani (@gautam_adani) June 4, 2023

દોષિતોને છોડવામાં આવશે નહીં: વડાપ્રધાન મોદી

તમને જણાવી દઈએ કે કોરોમંડલ ટ્રેન દુર્ઘટનાની તપાસ કરવામાં આવી રહી છે. વડાપ્રધાનથી લઈને રેલવે મંત્રાલય અને અન્ય રાજ્ય સરકારો આ મુશ્કેલીના સમયમાં મૃતકો અને પીડિતોના પરિવારજનો સાથે છે. વડાપ્રધાન મોદીએ પણ ઘટનાની સમીક્ષા કર્યા પછી કહ્યું કે દોષિતોને છોડવામાં આવશે નહીં.

આ પણ વાંચો: Indian Railways: સુરક્ષામાં કોઈ બાંધછોડ નહીં.. કેન્દ્રએ રેલવે માટે લીધા છે મહત્વના નિર્ણયો…

10 લાખના વળતરની કરી જાહેરાત

કોરોમંડલ ટ્રેન દુર્ઘટનામાં વડાપ્રધાન મોદીએ મૃતકોના નજીકના સંબંધીઓ માટે 2 લાખ રૂપિયા અને ઘાયલો માટે 50,000 રૂપિયાના વળતરની જાહેરાત મૃતકોના પરિજનો અને ઘાયલો માટે પીએમ રાહત ફંડમાંથી કરી છે. બીજી તરફ રેલ્વે મંત્રાલયે પણ મૃતકોના પરિજનોને 10 લાખ રૂપિયા આપવાની જાહેરાત કરી છે. આ સિવાય તમિલનાડુના સીએમ એમકે સ્ટાલિન અને પશ્ચિમ બંગાળના સીએમ મમતા બેનર્જીએ પણ તેમના રાજ્યોના પીડિત પરિવારો માટે વળતરની જાહેરાત કરી છે.

બિઝનેસના તમામ સમાચાર વાંચવા માટે અહીં ક્લિક કરો