બુલ્લી બાઈ એપ કેસ: મુંબઈ પોલીસે, મુખ્ય મહિલા આરોપીની કરી અટકાયત

સમગ્ર દેશમાં ખળભળાટ મચાવનાર મુસ્લિમ મહિલાઓને (Muslim women) ટાર્ગેટ બનાવતી બુલ્લી બાય એપ (Bully Bai App) કેસમાં મુંબઈ પોલીસને સફળતા સાંપડી છે. મુંબઈ પોલીસના (Mumbai Police) સાયબર સેલે (Cyber cell) મંગળવારે ‘બુલી બાય એપ’ (Bully Bai App) કેસમાં વધુ એક વ્યક્તિની ધરપકડ કરી છે. વ્યક્તિની ઓળખ વિશાલ કુમાર તરીકે થઈ છે. 21 વર્ષીય વિશાલ એન્જિનિયરિંગનો વિદ્યાર્થી છે અને તેની સોમવારે બેંગલુરુમાંથી અટકાયત કરવામાં આવી હતી.

આ અંગે મુંબઈ પોલીસે (Mumbai Police) જણાવ્યું છે કે આ કેસમાં મુખ્ય આરોપી એક મહિલા છે. જેને ઉત્તરાખંડથી અટકાયતમાં લેવામાં આવી છે. બંને આરોપીઓ એકબીજાને ઓળખે છે. પોલીસના જણાવ્યા અનુસાર, મુખ્ય આરોપી મહિલા બુલ્લી બાઈ એપ સાથે સંબંધિત ત્રણ એકાઉન્ટ ઓપરેટ કરતી હતી.

પોલીસે વધુમાં જણાવ્યું હતું કે આ કેસમાં સહ-આરોપી વિશાલ કુમારે ખાલસા સર્વોપરિતાના નામે એકાઉન્ટ શરૂ કર્યું હતું. આ પછી, 31 ડિસેમ્બર 2021 ના ​​રોજ, તેણે અન્ય એકાઉન્ટના નામ પણ બદલીને શીખ નામો સાથે મળતા આવ્યા.

‘સુલી ડીલ્સ’ એ ‘બુલી બાય એપ’ જેવો જ કેસ છે કેટલીક અગ્રણી હસ્તીઓ સહિત સેંકડો મુસ્લિમ મહિલાઓના સંપાદિત ફોટોગ્રાફ્સ પરવાનગી વિના બુલ્લી બાય-એપ પર ‘હરાજી’ માટે મૂકવામાં આવ્યા છે. એક વર્ષથી ઓછા સમયમાં આ પ્રકારનો આ પ્રકારે સાયબર ક્રાઈમનો બીજો કિસ્સો પ્રકાશમાં આવ્યો છે. તે ગયા વર્ષે લાઈમલાઈટમાં આવેલી ‘સુલી ડીલ્સ’ જેવી જ છે.

કંઈક આવી છે બુલ્લી બાઈ એપ GitHub નામના પ્લેટફોર્મ પર Bully bai ઉપલબ્ધ છે. એક સોશિયલ મીડિયા યુઝરના કહેવા પ્રમાણે, તેને ખોલતા જ એક મુસ્લિમ મહિલાનો ચહેરો સામે આવે છે, જેનું નામ બુલ્લી બાઈ છે. આમાં ટ્વિટર પર હાજરી ધરાવતી મુસ્લિમ મહિલાના નામનો ઉપયોગ કરવામાં આવ્યો છે. તેણીની તસવીર બુલ્લી બાઈ તરીકે પ્રદર્શિત કરવામાં આવી છે. એટલું જ નહીં, આ જ નામના ટ્વિટર હેન્ડલથી તેનો પ્રચાર પણ કરવામાં આવી રહ્યો છે. આ ટ્વિટર હેન્ડલ પર ખાલી સમર્થકનો ફોટો છે અને તેમાં લખવામાં આવ્યું છે કે મુસ્લિમ મહિલાઓને આ એપ દ્વારા બુક કરાવી શકાય છે.

આ પણ વાંચોઃ

Bulli Bai App: બુલ્લી બાઈ એપ કેસમાં પ્રથમ ધરપકડ, બેંગ્લોરથી અટકાયત કરાયેલા શકમંદને મુંબઈ લાવી રહી છે પોલીસ

આ પણ વાંચોઃ

મુસ્લિમ મહિલાને ટાર્ગેટ બનાવતી બુલ્લી બાઈ એપ શુ છે ? જાણો સંપૂર્ણ વિવાદ