Breaking news: ગ્રેટર નોઈડાના ગેલેક્સી પ્લાઝામાં લાગી ભીષણ આગ, લોકો પોતાનો જીવ બચાવવા કૂદી પડ્યા
Greater Noida: ગ્રેટર નોઈડાના ગેલેક્સી પ્લાઝામાં ભીષણ આગ લાગી હતી. ઘણા લોકો અંદર ફસાયેલા છે. તે જ સમયે, આગના કારણે ઘણા લોકો દાઝી ગયા છે.
Greater Noida: દિલ્હીને અડીને આવેલા ગ્રેટર નોઈડામાં ગેલેક્સી પ્લાઝામાં ભીષણ આગ ફાટી નીકળી છે. આગ એટલી ભીષણ છે કે લોકો પોતાનો જીવ બચાવવા મોલમાંથી કૂદી પડ્યા હતા. સાથે જ અનેક લોકો દાઝી ગયા છે. એવી પણ માહિતી છે કે હજુ પણ ઘણા લોકો મોલની અંદર ફસાયેલા છે. મળતી માહિતી મુજબ આગ લાગવાનું કારણ શોર્ટ સર્કિટ જણાવવામાં આવી રહ્યું છે. આગ ત્રીજા માળે લાગી છે. આ મામલો બિસરખ પોલીસ સ્ટેશન વિસ્તાર હેઠળના ગૌર સિટી વિસ્તારનો છે.
આ મામલો બિસરખ પોલીસ સ્ટેશન વિસ્તાર હેઠળના ગૌર સિટી વિસ્તારનો છે. ઘટનાની જાણ થતાં જ પોલીસ અને ફાયર બ્રિગેડની ટીમ ઘટનાસ્થળે પહોંચી ગઈ છે અને આગને કાબૂમાં લેવાના પ્રયાસો હાથ ધરાયા છે.
આગને કારણે લોકો ત્રીજા માળેથી કૂદી પડ્યા
હકીકતમાં, ગુરુવારે બપોરે ગેલેક્સી પ્લાઝામાં અચાનક શોર્ટ સર્કિટના કારણે આગ લાગી હતી. થોડી જ વારમાં આગએ વિકરાળ સ્વરૂપ ધારણ કરી લીધું હતું. આગની જ્વાળા જોઈ અંદર રહેલા લોકો ગભરાઈ ગયા હતા. આગને કારણે ધુમાડાના ગોટેગોટા નીકળવા લાગ્યા હતા જેના કારણે લોકોનો શ્વાસ રૂંધાવા લાગ્યો હતો. ગૂંગળામણ અને ઝડપથી વધી રહેલી આગના ડરથી ઘણા લોકો ત્રીજા માળેથી કૂદી પડ્યા હતા. આ દરમિયાન એક વ્યક્તિને ઈજા પણ થઈ હતી. જે બાદ તેને તાત્કાલિક હોસ્પિટલમાં દાખલ કરવામાં આવ્યો જ્યાં તેની હાલત નાજુક છે.
આ પણ વાંચો : Delhi: યમુના નદીના જળસ્તરમાં સતત વધારો, પૂરના કારણે દિલ્હીની સ્થિતિ વધુ ખરાબ થઈ, જુઓ Video
આગ બુઝાવવાનું અને બચાવ કાર્ય ચાલુ છે
ઘટનાની જાણ થતાં જ ફાયર બ્રિગેડની ટીમ અને પોલીસની ટીમ તાત્કાલિક ઘટનાસ્થળે પહોંચી ગઈ હતી. હાલ ફાયર બ્રિગેડની ટીમ આગ ઓલવવાના પ્રયાસો કરી રહી છે. જો કે પ્લાઝાની અંદર કેટલા લોકો હાજર છે, તે અંગે હજુ સુધી કોઈ માહિતી મળી નથી. જોકે ટીમ બચાવ કાર્ય પણ કરી રહી છે.
