બોક્સર નીરજે PM મોદીને પૂછ્યુ ઔર કેસે હો, અને PM મોદીએ જે જવાબ આપ્યો….. તો હાસ્યનું મોજુ ફરી વળ્યુ- જુઓ વાયરલ Video
વડાપ્રધાન નરેન્દ્ર મોદીનું એક રિએક્શન ઘણુ વાયરલ થઈ રહ્યુ છે. જેમા તેઓ હરિયાણાના બૉક્સર સાથે વાત કરી રહ્યા છે. પીએમ મોદી અને આ બોક્સર વચ્ચેની વાતચીત ઘણી રમૂજી છે અને લોકોને ખૂબ ગદગદિત કરી રહી છે. જાણો છો આખરે બૉક્સરે પીએમ મોદીને શું કહ્યુ? બસ આ વાતચીતની જ ચર્ચા થઈ રહી છે.
સાંસદ ખેલ મહોત્સવ દરમિયાન વડાપ્રધાન નરેન્દ્ર મોદીએ દેશભરના પ્રતિભાશાળી ખેલાડીઓ સાથે વાત કરી રહ્યા હતા. કાર્યક્રમ દરમિયાન, તેમણે હરિયાણાના એક ઉભરતા બોક્સર સાથે વાત કરી જે ઓલિમ્પિકમાં પહોંચવાનું સ્વપ્ન જુએ છે. વાતચીત એટલી રમુજી હતી કે તે તરત જ ઓનલાઈન વાયરલ થઈ ગઈ.
જેવુ PM મોદીએ કહ્યુ કે નીરજ રામ-રામ, તો સામેથી બોક્સરે જવાબ આપે છે અને ઔર કેસે હો? આ સાંભળીને, પીએમ મોદી હસીને કહે છે, “મે તેરે જૈસા હી હું.” પીએમ મોદીની બોક્સર સાથેની વાતચીતનો આ ભાગ વાયરલ થઈ રહ્યો છે. બોક્સર નીરજ એટલ નિર્દોષતાથી PM ને સવાલો કરે છે અને એટલી જ નિર્દોષતાથી જવાબો આપે છે કે ત્યાં હાજર સહુ કોઈ હસવા લાગે છે.
બોક્સર નીરજની નિર્દોષતાએ સહુ કોઈના દિલ જીતી લીધા
પીએમ મોદીએ બોક્સરને આગળ પૂછ્યું, “સારું, નીરજ, નીરજ નામ સાંભળીને જ તમને લાગ્યું હશે કે મારું નામ નીરજ છે, તેથી મારે પણ નીરજ ચોપરા બનવું જોઈએ.” બોક્સરે નિર્દોષતાથી જવાબ આપ્યો, “હા, સાહેબ.” ત્યારબાદ પીએમએ નીરજને પોતાના વિશે કંઈક કહેવા કહ્યું. બોક્સરે સમજાવ્યું, “મારું નામ નીરજ છે. મારા પિતાનું નામ બલવાન સિંહ છે. તે એક કોઓપરેટિવ સોસાયટીમાં કામ કરે છે. મારી માતા ઘરની સંભાળ રાખે છે, અને હું હરિયાણાના ટોહાનાના ડાંગરા ગામનો રહેવાસી છું.
હું એક બોક્સિંગ ખેલાડી છુ અને નેશનલ મેડાલિસ્ટ પણ છુ. પીએમ મોદીએ પૂછ્યું, “શું તમે રમતગમતમાં કારકિર્દી બનાવવાનું વિચાર્યું છે?” નીરજએ જવાબ આપ્યો, “હા, સાહેબ. હું બોક્સિંગ કરવા માંગુ છું.” પીએમ મોદીએ પછી પૂછ્યું, “શું તમે તમારા મોબાઇલ ફોન પર ઇન્ટરનેટ પર વિશ્વના ટોચના બોક્સરોની મેચ જુઓ છો?” નીરજએ જવાબ આપ્યો, “હા, હું ચોક્કસ જોઉં છું. હું વિશ્વના અને મારા દેશના વિશ્વના શ્રેષ્ઠ બોક્સરોની મેચ જોઉં છું, અને હું તેમની પાસેથી શીખું છું. તે મને પ્રેરણા આપે છે.”
જુઓ Video
પીએમ મોદીએ મજાકિયા લહેજામાં વાત કરી
પછી પીએમ મોદીએ મજાકમાં નીરજને પૂછ્યું, “જ્યારે તમે તમારા મોબાઇલ ફોનમાં મેચ જોતા બેઠા રહેતા હશો ત્યારે તમારા પિતા કહેતા હશે કે, ‘તમે શું કરી રહ્યા છો? જાઓ અને રમો.'” નીરજે જવાબ આપ્યો, “હા, એવું થાય છે, પણ હું બોક્સરોને આટલી સારી ફાઈટ જોવામાં ખુદને રોક શક્તો નથી. ”
નીરજે ઓલિમ્પિક ગોલ્ડ મેડલ ઘરે લાવવાનું વચન આપ્યું હતું
પીએમ મોદીએ પૂછ્યું, “નીરજ, શું હું આજે માની લઉં કે ભવિષ્યમાં હરિયાણાનો બીજો બોક્સર દેશ માટે ગોલ્ડ મેડલ જીતશે?” નીરજે જવાબ આપ્યો, “હા, ચોક્કસ.” ભીડે તાળીઓ પાડી. નીરજે કહ્યું, “હું આ ઓલિમ્પિકમાં અથવા આગામી ઓલિમ્પિકમાં ગોલ્ડ મેડલ જીતીને તમારા હાથમાં આપીશ.”
અંબાજીમાં આઠમની પૂજા પર રાજવી પરિવારના વિશેષાધિકાર પર હાઈકોર્ટે લગાવી રોક, તો રાજવી પરિવારે ચુકાદાને વખોડ્યો- Video
