મહેબૂબા મુફ્તીના ટ્વિટ પર ભાજપનો પલટવાર, રવિશંકર પ્રસાદે કહ્યું- શું તમે લઘુમતી CM સ્વીકારશો?
કોંગ્રેસના નેતા શશિ થરૂર બાદ હવે જમ્મુ-કાશ્મીરના પૂર્વ મુખ્યમંત્રી મહેબૂબા મુફ્તી (Mehbooba Mufi) પણ તેમાં જોડાઈ ગયા છે. મહેબૂબાએ ઋષિ સુનકને પીએમ બનવા પર અભિનંદન આપ્યા અને દેશમાં લઘુમતીઓના અધિકારોનો મુદ્દો પણ ઉઠાવ્યો.
ભારતીય મૂળના ઋષિ સુનક (Rishi Sunak) યુનાઈટેડ કિંગડમમાં વડાપ્રધાન બનવા જઈ રહ્યા છે. આવી સ્થિતિમાં ભારતમાં ઘણા નેતાઓ ભારતમાં લઘુમતીઓના અધિકારો પર સવાલો ઉઠાવી રહ્યા છે. કોંગ્રેસના નેતા શશિ થરૂર બાદ હવે જમ્મુ-કાશ્મીરના પૂર્વ મુખ્યમંત્રી મહેબૂબા મુફ્તી (Mehbooba Mufti) પણ તેમાં જોડાઈ ગયા છે. મહેબૂબાએ ઋષિ સુનકને પીએમ બનવા પર અભિનંદન આપ્યા અને દેશમાં લઘુમતીઓના અધિકારોનો મુદ્દો પણ ઉઠાવ્યો. આ અંગે રવિશંકરે (Ravi Shankar Prasad) કેન્દ્રમાં સત્તારૂઢ ભાજપ વતી પોતાનો જવાબ આપ્યો છે.
મહેબૂબા મુફ્તીએ ઋષિ સુનકના બ્રિટનના પીએમ બનવા પર ગર્વની વાત કરતા લખ્યું કે, અમારા માટે ગર્વની વાત છે કે પ્રથમ ભારતીય મૂળના યુકેમાં પીએમ બનવા જઈ રહ્યા છે. જ્યારે ભારત તેની ઉજવણી કરી રહ્યું છે, ત્યારે અમને યાદ અપાવી રહ્યું છે કે જ્યારે યુકેએ એક વંશીય લઘુમતીને તેના વડાપ્રધાન તરીકે ચૂંટ્યા છે, ત્યારે અમે હજી પણ NRC અને CAA જેવા વિભાજનકારી અને ભેદભાવપૂર્ણ કાયદાઓથી બંધાયેલા છીએ.
Proud moment that UK will have its first Indian origin PM. While all of India rightly celebrates, it would serve us well to remember that while UK has accepted an ethnic minority member as its PM, we are still shackled by divisive & discriminatory laws like NRC & CAA.
— Mehbooba Mufti (@MehboobaMufti) October 24, 2022
મહેબૂબા પર ઉઠાવ્યા સવાલ
મહેબૂબાના આ ટ્વિટ પર ભાજપના પૂર્વ કેન્દ્રીય મંત્રી રહી ચૂકેલા રવિશંકર પ્રસાદે પ્રતિક્રિયા આપી છે. રવિશંકરે ખુદ મહેબૂબા પર સવાલો ઉઠાવ્યા અને લખ્યું, મહેબૂબા મુફ્તીએ ઋષિ સુનકને યુકેના પીએમ ચૂંટાયા બાદ એક ટ્વિટમાં ભારતમાં લઘુમતીઓના અધિકારો પર સવાલ ઉઠાવ્યા છે. મહેબૂબાજી, શું તમે જમ્મુ-કાશ્મીરના મુખ્યમંત્રી તરીકે લઘુમતીને સ્વીકારશો? ફક્ત જવાબ પૂરતો હશે.
રવિશંકર પ્રસાદે અન્ય એક ટ્વિટમાં લખ્યું કે, યુકેમાં ઋષિ સુનકના પીએમ બન્યા તે દરમિયાન કેટલાક નેતાઓ લઘુમતીઓના અધિકારોને લઈને ખૂબ જ સક્રિય થઈ ગયા છે. હું તેમને યાદ અપાવવા માંગુ છું કે એપીજે અબ્દુલ કલામ રાષ્ટ્રપતિ હતા, મનમોહન સિંહ જે 10 વર્ષ સુધી પીએમ હતા. દૌપદી મુર્મુ, ચોક્કસ આદિવાસી સમાજના આગેવાન જે આપણા રાષ્ટ્રપતિ છે.
આ ગર્વની ક્ષણ
તેમણે વધુ એક ટ્વિટ કરીને લખ્યું, ભારતીય મૂળના ઋષિ સુનક યુનાઈટેડ કિંગડમના પીએમ બનવા જઈ રહ્યા છે. આ શાનદાર જીત માટે આપણે તેમને અભિનંદન આપવા જોઈએ. કમનસીબે કેટલાક ભારતીય નેતાઓ આ સમય દરમિયાન પણ રાજકીય મુદ્દો બનાવવામાં વ્યસ્ત છે.
Latest News Updates
