અનુરાગ ઠાકુરે રાહુલ ગાંધી પર કર્યા પ્રહારો, કોંગ્રેસ નેતા પર નફરતના બીજ વાવવાનો લગાડ્યો આરોપ
કેન્દ્રીય મંત્રી અનુરાગ ઠાકુરે (Union Minister Anurag Thakur) કહ્યું કે રાહુલ ગાંધી દેશની છબી ખરાબ કરી રહ્યા છે. તેમણે કહ્યું કે જેનો પોતાનો ઇતિહાસ ભ્રષ્ટાચાર અને રમખાણોથી ભરેલો છે, તમે તેમની પાસેથી આવા નિવેદનોની અપેક્ષા રાખી શકો છો. તે દેશનું ભલું કરી રહ્યા નથી.
કેન્દ્રીય મંત્રી અનુરાગ ઠાકુરે (Union Minister Anurag Thakur) બુધવારે કોંગ્રેસ નેતા રાહુલ ગાંધી (Congress leader Rahul Gandhi) પર પ્રહાર કર્યા હતા. સાથે તેમણે કોંગ્રેસના નેતા પર નફરતના બીજ વાવવાનો પણ આરોપ લગાવ્યો. કેન્દ્રીય મંત્રી ઠાકુરે પણ રાહુલ ગાંધીના ‘નફરતના બુલડોઝર બંધ કરો’ના નિવેદનની નિંદા કરી હતી. પત્રકાર પરિષદને સંબોધતા તેમણે કોંગ્રેસના નેતા પર નિશાન સાધ્યું હતું. તેમણે કહ્યું કે રાહુલ ગાંધી દેશની છબી ખરાબ કરી રહ્યા છે. તે દેશનું ભલું કરી રહ્યા નથી. તે દેશમાં નફરતના બીજ વાવી રહ્યા છે. અનુરાગ ઠાકુરે વધુમાં કહ્યું કે જેનો ઈતિહાસ ભ્રષ્ટાચાર અને રમખાણોથી ભરેલો છે, તમે તેમની પાસેથી આવા નિવેદનોની અપેક્ષા રાખી શકો છો. તે માત્ર દેશને બદનામ કરી રહ્યા છે.
કોંગ્રેસના પૂર્વ અધ્યક્ષ રાહુલ ગાંધીએ સરકાર પર નિશાન સાધતા કહ્યું હતું કે ‘નફરતના બુલડોઝર’ બંધ કરવા જોઈએ અને પાવર પ્લાન્ટ શરૂ કરવા જોઈએ. પોતાના ટ્વીટમાં એક સમાચાર શેર કરતા તેમણે મોદી સરકાર પર નિશાન સાધ્યું હતું. આ જ નિવેદન પર અનુરાગ ઠાકુરે પલટવાર કર્યો છે. રાહુલ ગાંધીએ ટ્વીટ કરીને કહ્યું હતું કે, ‘આઠ વર્ષમાં મોટી મોટી વાતો કરવાનું પરિણામ એ આવ્યું કે કોલસાના માત્ર આઠ દિવસનો ભંડાર બચ્યો છે. કોંગ્રેસ નેતાએ કહ્યું, ‘મોદીજી, મંદી નજીક છે. પાવર કટના કારણે નાના ઉદ્યોગો મંદ થઈ જશે, જેનાથી વધુ નોકરીઓ જશે. નફરતના બુલડોઝર બંધ કરો, પાવર પ્લાન્ટ શરૂ કરો.
ઠાકુરે આમ આદમી પાર્ટી પર પણ નિશાન સાધ્યું હતું
‘ભાજપ ગુંડાઓની પાર્ટી છે’ના આમ આદમી પાર્ટીના નિવેદન પર પ્રતિક્રિયા આપતા અનુરાગ ઠાકુરે કહ્યું કે, ‘તેઓ જે કહે છે અને કરે છે તે તેમના પર સવાલો ઉભા કરે છે. જેઓ સત્તામાં રહેવા માટે આતંકવાદીઓ સાથે સમાધાન કરે છે તેમની આનાથી મોટી કમનસીબી શું હોઈ શકે?’
‘આઝાદી કા અમૃત મહોત્સવ’ અંતર્ગત 25 હજાર કાર્યક્રમો
કેન્દ્રીય મંત્રીએ કહ્યું, ‘આઝાદી કા અમૃત મહોત્સવમાં 18 એપ્રિલ સુધી કુલ 25,000 કાર્યક્રમો થયા છે, જેમાંથી અત્યાર સુધીમાં મંત્રાલયો અને વિભાગો દ્વારા 8,616 કાર્યક્રમો યોજવામાં આવ્યા છે, અને 9,516 કાર્યક્રમો રાજ્યો દ્વારા આયોજિત કરવામાં આવ્યા છે અને કેન્દ્રશાસિત પ્રદેશો દ્વારા સંચાલિત કરવામાં આવ્યા છે. કેન્દ્રીય મંત્રીએ કહ્યું કે વિદેશ મંત્રાલય અને અન્ય સંસ્થાઓએ અન્ય દેશોમાં 2,347 કાર્યક્રમોનું આયોજન કર્યું છે. તેમણે કહ્યું કે ‘આઝાદી કા અમૃત મહોત્સવ’ અંતર્ગત દરરોજ 50 જેટલા કાર્યક્રમોનું આયોજન કરવામાં આવે છે.
આ પણ વાંચો: રાહુલ ગાંધીએ જહાંગીરપુરીમાં ડિમોલિશન પર કહ્યું કે, ‘બુલડોઝરથી ઘર નહિં પણ બંધારણ ધ્વસ્ત થઈ રહ્યું છે’
Published On - 7:58 pm, Wed, 20 April 22