Breaking News: ઓડિશામાં વધુ એક ટ્રેન અકસ્માત, બારગઢના મેંધાપાલીમાં માલગાડીના 5 ડબ્બા પાટા પરથી ઉતર્યા

Odisha: ઓડિશાના બારગઢ જિલ્લાના મેંધાપાલી પાસે માલગાડીના 5 ડબ્બા પાટા પરથી ઉતરી ગયા હતા. માલગાડી ચુનાના પત્થરો લઈને જતી હતી. અકસ્માતમાં કોઈ જાનહાનિ થઈ નથી. હચમચાવી નાખનાર બાલાસોર ટ્રેન દુર્ઘટનાના દિવસો પછી, ઓડિશામાં બીજી ટ્રેન પાટા પરથી ઉતરી જવાના અહેવાલ છે. ઘટના બારગઢ જિલ્લાની છે. જણાવવામાં આવી રહ્યું છે કે બરગઢમાં લાઈમસ્ટોન લઈ જતી માલગાડીના કેટલાય ડબ્બા પાટા પરથી ઉતરી ગયા છે. કોઈ જાનહાનિ થઈ નથી. પોલીસે ઘટનાસ્થળે પહોંચીને તપાસ શરૂ કરી દીધી છે.

આ પણ વાંચો: Breaking News: મહાભારતના ‘શકુની મામા’ ગૂફી પેન્ટલનું 78 વર્ષની વયે નિધન

Another goods train derails in #Odisha, no casualties reported#TV9News

— Tv9 Gujarati (@tv9gujarati) June 5, 2023

બાલાસોરથી લગભગ 450 કિમી દૂર બારગઢ જિલ્લાના મેંધાપાલી પાસે માલગાડીના પાંચ ડબ્બા પાટા પરથી ઉતરી ગયા હતા. જણાવવામાં આવી રહ્યું છે કે માલગાડીમાં ચુનાનો પથ્થર ભરાયો હતો અને તે બારગઢમાં અકસ્માતનો શિકાર બની હતી જેમાં માલગાડીના ઘણા ડબ્બા પાટા પરથી ઉતરી ગયા હતા.

#WATCH | Some wagons of a goods train operated by a private cement factory derailed inside the factory premises near Mendhapali of Bargarh district in Odisha. There is no role of Railways in this matter: East Coast Railway pic.twitter.com/x6pJ3H9DRC

— ANI (@ANI) June 5, 2023

દુર્ઘટના અંગે ઈસ્ટ કોસ્ટ રેલ્વેનું કહેવું છે કે બારગઢમાં મેંધાપલી પાસે એક ખાનગી સિમેન્ટ ફેક્ટરીમાંથી માલગાડીમાં માલ લઈ જવામાં આવી રહ્યો હતો, પરંતુ આ દરમિયાન તેના કેટલાક કોચ પાટા પરથી ઉતરી ગયા હતા. રેલવેને આ બાબત સાથે કોઈ લેવાદેવા નથી. અકસ્માતની માહિતી મળતા જ પોલીસ ઘટના સ્થળે પહોંચી હતી અને ઘટનાની તપાસ શરૂ કરી હતી.

આ માલગાડી ડુંગરીથી બારગઢ જઈ રહી હતી. માલસામાન ટ્રેનમાં ભરેલા કેન ખાનગી સિમેન્ટ કંપનીના છે, અને તે કંપની માટે લઈ જવામાં આવી રહ્યા હતા. આ ભારતીય રેલવેની માલિકીની રેલવે લાઇન નથી. તે બારગઢ સિમેન્ટ વર્કસની માલિકીની નેરોગેજ લાઇન છે. અકસ્માતના કારણે મુખ્ય લાઇનની કામગીરીને અસર થઇ નથી.

દેશના તમામ સમાચાર વાંચવા માટે અહીં ક્લિક કરો