Power Crisis: 3 મે બાદ દેશભરમાં વીજળીની કટોકટી ઓછી થશે, IMDના એલર્ટથી મળી રહ્યા છે સંકેત
3 મે બાદ ઉત્તર અને મધ્ય ભારતમાં હીટવેવની (Heatwave) તીવ્રતા ઘટી શકે છે, ભારતીય હવામાન વિભાગ (IMD) દ્વારા આ સંકેત મળી રહ્યા છે.
રવિવારે વરસાદે ઉત્તર-પશ્ચિમ ભારતમાં રહેતા લોકોને આકરી ગરમીમાંથી રાહત આપી હતી. વેસ્ટર્ન ડિસ્ટર્બન્સના (West Disturbance) કારણે દક્ષિણ હરિયાણા અને પૂર્વ રાજસ્થાનમાં રવિવારે બપોરે વરસાદના કારણે લોકોને કાળઝાળ ગરમીથી રાહત મળી હતી. જેના કારણે અન્ય રાજ્યોમાં પણ વરસાદની(Rain) સંભાવના વધી છે. ભારતીય હવામાન વિભાગ (IMD) એ 3 મે પછી ઉત્તર અને મધ્ય ભારતમાં હીટવેવની તીવ્રતામાં ઘટાડો થવાની આગાહી કરી છે. આનાથી દેશભરમાં ચાલી રહેલી વીજ સંકટને ચોક્કસપણે ઘટાડી શકાય છે.
હવામાન વિભાગે ઉત્તર-પશ્ચિમ અને પૂર્વ ભારતમાં 4 મે સુધી વાવાઝોડાની પણ આગાહી કરી છે, જે વીજળીની (Power Crisis) વધતી માંગને ઘટાડવામાં પણ મદદ કરી શકે છે.
સામાન્ય જનજીવન પણ પ્રભાવિત
તમને જણાવી દઈએ કે, રવિવારે ભારતની સૌથી વધુ પાવર ડિમાન્ડ 200 ગીગાવોટ (GW)થી ઓછી હતી, જોકે કેન્દ્રીય ઉર્જા મંત્રાલયે આ સંખ્યા જાહેર કરી ન હતી. વીજ માંગ શનિવારે 207.11 GW થી ઘટીને 203.94 GW પર આવી. ઉલ્લેખનીય છે કે દેશમાં ગરમી વધવાની સાથે જ વીજળીની માંગમાં વધારો થયો છે. બીજી બાજુ, રશિયા-યુક્રેન યુદ્ધને કારણે આયાતી કોલસાના ખર્ચને કારણે કેટલાક પાવર પ્લાન્ટના ઉત્પાદન પર ઇંધણની અછતને અસર થઈ છે. ઉત્પાદન ઘટવાના કારણે ઘણા રાજ્યોમાં પાવર કટ કરવામાં આવી રહ્યો છે. જેના કારણે ઔદ્યોગિક ગતિવિધિઓ સાથે સામાન્ય જનજીવન પણ પ્રભાવિત થઈ રહ્યું છે.
કોલસાની અછતને કારણે વીજળીની કટોકટી વધુ ઘેરી બની
કોલસાની અછતને કારણે દેશમાં વીજળીની કટોકટી વધી રહી છે ત્યારે પીક ટાઇમ દરમિયાન પાવરની અછત પણ વધી છે. ગયા અઠવાડિયે, જ્યાં સોમવારે પાવરની અછત 5.24 GW હતી, તે ગુરુવારે વધીને 10.77 GW થઈ ગઈ. નેશનલ ગ્રીડ ઓપરેટર, પાવર સિસ્ટમ ઓપરેશન કોર્પોરેશન (POSOCO) ના નવીનતમ ડેટા અનુસાર ગયા રવિવારે પીક પાવર ડેફિસિટ માત્ર 2.64 GW હતી, જેની સરખામણીમાં સોમવારે 5.24 GW, મંગળવારે 8.22 GW, બુધવાર અને ગુરુવારે 10.29 GW હતી.
આ પણ વાંચો : Weather Update: મૌસમનો બદલાયો મિજાજ, હરિયાણા-રાજસ્થાનમાં વરસાદથી રાહત, હવે આ રાજ્યોમાં પણ થશે વરસાદ!
Latest News Updates
