Breaking News: રાજકોટમાં ‘હું નથુરામ ગોડસે’ નાટકના શો પર કોંગ્રેસનો ઉગ્ર વિરોધ, શો રદ, જુઓ Video

રાજકોટના હેમુ ગઢવી હોલ ખાતે યોજાનારા ‘હું નથુરામ ગોડસે’ નાટકના શો પહેલા જ ઉગ્ર વિરોધ થઇ રહ્યો છે. કોંગ્રેસના કાર્યકરોએ હલ્લાબોલ કરી નાટકના સ્ટેજ પર તોડફોડ કરી હતી. કોંગ્રેસ કાર્યકરોએ પોસ્ટર ફાડ્યા અને ઉગ્ર સૂત્રોચ્ચાર કર્યા. પોલીસે ઘટના સ્થળે પહોંચીને કેટલાક કાર્યકરોની અટકાયત કરી હતી.

કોંગ્રેસનો આક્ષેપ છે કે નાટકમાં ગાંધીજીના હત્યારાને હીરો બનાવવાનો પ્રયાસ થઇ રહ્યો છે, જેને તેઓ કોઈપણ રીતે મંજૂરી આપશે નહીં. તેઓનો દાવો છે કે ગુજરાતમાં કોઈ પણ જગ્યાએ આ નાટકનું પ્રદર્શન ન થાય, અને આવતીકાલે અમદાવાદ અને જામનગરમાં પણ વિરોધ કરશે. નાટકના નિર્માતાઓએ આ મુદ્દે પોતાના પક્ષમાં આવકાર વ્યક્ત કરતાં કહ્યું કે નાટકમાં કોઇ પણ પ્રકારનું વાંધાજનક સામગ્રી નથી અને શો માત્ર નાટ્યાત્મક દ્રષ્ટિકોણથી તૈયાર કરવામાં આવ્યો છે.

એક અંદાજ મુજબ, વડોદરા અને ભાવનગરમાં આ નાટક પહેલેથી યોજાઈ ચુક્યો છે, પણ રાજકોટમાં કોંગ્રેસના પ્રતિકારના કારણે શો રદ કરવો પડ્યો. કોંગ્રેસનું કહેવું છે કે તેઓ ગાંધીજીને અપમાનિત કરવા અને નથુરામ ગોડસેને હીરો બનાવવાની કોઈપણ કોશિશને ક્યારેય સ્વીકારશે નહીં અને આવતીકાલે પણ તેઓ વિરોધ પ્રદર્શિત કરશે.

Input- મોહિત ભટ્ટ, રાજકોટ

ગુજરાતના તમામ જિલ્લાના સમાચાર વાંચવા માટે અહીં ક્લિક કરો