આરોપી પહેલવાન સુશીલ કુમાર સાથે સેલ્ફી લેવી પોલીસકર્મીઓને પડી ભારે, દિલ્હી પોલીસે તપાસ કરી શરુ
સુશીલ કુમાર અત્યારે હત્યાના આરોપમાં જેલ કસ્ટડીમાં છે. આવા સમયે પોલીસ કર્મચારીઓએ તેની સાથે ફોટા પડાવ્યા હતા, જે વાયરલ થતા દિલ્હી પોલીસે તપાસ હાથ ધરી છે.
ઓલમ્પિક મેડલ વિજેતા સુશીલ કુમાર હાલમાં કુમાર છત્રસાલ સ્ટેડીયમમાં એક પહેલવાનની હત્યા કરવાના કેસમાં આરોપી છે. આવામાં દિલ્હી પોલીસના કર્મચારીઓએ બે વાર સુશીલ કુમાર સાથે ફોટા પડાવ્યા. જેને લઈને હવે દિલ્હી પોલીસે તપાસ હાથ ધરી છે.
અધિકારીઓએ જણાવ્યું કે, શુક્રવારે સુશીલ કુમારને દિલ્હી પોલીસના વિશેષ સેલ અને દિલ્હી સશસ્ત્ર પોલીસની ત્રીજી બટાલિયનની હાજરીમાં તિહાર જેલમાં ખસેડવામાં આવી રહ્યો હતો. તે સામયે માંડોલી જેલ પરિસરમાં આ ઘટના બની હતી. સુશીલ કુમાર અને પોલીસ કર્મચારીઓની તસવીરો સોશિયલ મીડિયા પર વાયરલ થઇ રહી હતી, જેમાં તે બધા માસ્ક વિના જોવા મળી રહ્યા છે.
અહેવાલ અનુસાર એક વરિષ્ઠ પોલીસ અધિકારીએ જણાવ્યું હતું કે, “આ કેસમાં જાતે ધ્યાનમાં લેતા તપાસ શરૂ કરી દેવામાં આવી છે અને તેના પરિણામ આધારે આગળની કાર્યવાહી કરવામાં આવશે.” દિલ્હી પોલીસના વિશેષ સેલ અને ત્રીજી બટાલિયન બંને વિભાગના કર્મચારીઓ દ્વારા બે વખતના ઓલિમ્પિક મેડલ વિજેતા કુસ્તીબાજ સાથે લેવામાં આવેલી સેલ્ફીના મામલે તેમની આંતરિક તપાસ હાથ ધરી છે.
સુશીલ કુમારની ન્યાયિક કસ્ટડી જુલાઈ સુધી લંબાઈ
નોંધપાત્ર વાત એ છે કે, દિલ્હીની કોર્ટે શુક્રવારે યુવા કુસ્તીબાજની હત્યાના મામલે કુમારની ન્યાયિક કસ્ટડી 9 જુલાઈ સુધી વધારી દીધી છે.
પોલીસ અધિકારીએ જણાવ્યું કે, “‘સામાન્ય રીતે વધુ જોખમ તરીકે ગણવામાં આવતા ઉપક્રમોના કેદીઓમાં 3 જી બટાલિયનના કર્મચારીઓની સમર્પિત ટીમ પ્રક્રિયાની વિડિઓગ્રાફ કરે છે અને તેનો ઉપયોગ શૈક્ષણિક હેતુ માટે પણ કરવામાં આવે છે.”
શુક્રવારે પણ પ્રક્રિયાની વીડિયોગ્રાફી માટે જવાનો તૈનાત કરવામાં આવ્યા હતા. પરંતુ તેમાંના કેટલાક તેમના મોબાઇલ ફોનથી ફોટા અને સેલ્ફી લેતા જોવા મળ્યા હતા. અધિકારીએ કહ્યું કે આ વ્યવસાયિક વર્તન નહોતું અને આ બાબતની સત્યતા શોધવા માટે તપાસ કરવામાં આવી રહી છે. તેમણે કહ્યું કે પોલીસ કર્મચારીઓને વ્યવસાયિક હોવા અને વર્દીનું ગૌરવ જાળવવા વિશે સતત કહેવામાં આવે છે. કુમાર પર ખૂન, અપહરણ અને ખરાબ ઇરાદાપૂર્વક હત્યા જેવા ગુનાહિત આરોપો છે.
આરોપીના વકીલના જણાવ્યા મુજબ માંડોલી જેલથી તિહાર જેલ નં. 2 માં સુશીલ કુમારને શિફ્ટ કરવામાં આવ્યો છે. સુશીલ કુમારે તેના સાથીદારો સાથે મળીને કથિત સંપત્તિના વિવાદ અંગે સાગર ધનખડ અને તેના બે મિત્રો સાથે 4 અને 5 મેની દરમિયાનમાં સ્ટેડિયમમાં મારામારી કરી હતી. પાછળથી ધનખરનું અવસાન થયું.
